بغيت مساعده اخواني

[بوعزوز]

السلام عليكم
انا كنسلت سفرتي لالمانيا ضروف معينه او انا بشتري جلب من اهناك او مدرب الكلب يسألني اذا مطار الكويت له طلبات فاذا اي احد طالب اي جلب من بره ابي اعرف الطريقه بس علشان ايبه
او يعطيكم الف الف عافيه او مشكورين

[لحن الخلود]

هلا والله أخي بوعزوز خيره إنشاء الله
وأما بالنسبه للطلبات أنا إلي أسويه هي ورقه أستخرجها من الحجر الصحي في منطقة الشويخ
فيها مواصفات ومعلومات عن الكلب كامله
وأرسلها بالفاكس لهم ويرفقونها اهناك مع أوراقه وشهاداته الصحيه ويدزونه
وبس محد يقدر يحجك ابشي إنت كذا بالسليم
طبعا إذا كان كبير راح تستلمه من الجمارك وتعطيهم الورقه وتاخذ كلبك
والسلام عليكم
هذا على حد علمي
وإنت هم إسأل بره عن طرق أخرى
وإذا كلش كلش توهقت ووصل كلبك وصارت مشكله لك
إبعثلي رساله فورا على بريدي تلاقيه لما تضغط على إسمي أو رساله
وثاني يوم إنشاء الله إنشاء الله الكلب إبحديقتك يلعب
وحاضرين يابوعزوز

[بوفهد]

على راسي يالحن الخلود


والله انك قدها وراعيها يا صعب

بالتوفيق ان شاء الله

[بوعزوز]

والله مشكور يا لحن الخلود او يا بوفهد مشكورين والله من كل قلبي
انا طلبته او اهما قالولي انه انا بس رح استلمه من المطار او التوصيل من المانيا ليمن الكويت بس هذا الي عليه مبلغ معين او بس ما اطلبو ولا اورقه فشسوي او تري اهو puppy
قالولي كله من عندهم مو من عندنا قالي المدريب ما عليك كل شي زين المطلوب من السفاره عندهم ما في شي اكثر من جذي قالي اهو ايعرف ناس صج هالكلام شباب
او مشكورين اخواني

[nevada]

والله يا بوعزوز مادري شقولك....
العادة مثل ما قال لحن الخلود لازم اطلع تصريح من البيطرة اللي بشويخ...
وانا مجرب لازم الورقة ...
فا لحتياط انت روح طلعها ترى ما تاخذ من وقتك اكثر من 10 دقايق...
اللي يعطلك الطباعة بس
بس في نقطة لازم فاتورة الكلب تكون موجودة معاك بالمطار حتى لو صورة عنها....
عشان لا ياخذون فلوس عليك....

[بوعزوز]

انزين البيطري الي بشويخ اروح شقوله؟ او انزين شنو قصدك اي فاتوره انا لمن شريت الجلب احول العربون الاول بحسابه بس ما في فاتوره
او ادري تعبتكم او يعطيكم العافيه

[ZoO_LoVeR]

[b] اخوى الأخوان يقص\ون الفاتورة اللى ايى من المانيا مع اوراق الجلب لن اذا مايت الفاتورة ياخذون منك 100 دينار تأمين اذا مايبت الفاتورة خلال مده اهم يقولونلك عليها اتروح عليك بس دير بالك ترى المانيا ما يعطونا الا فضلات الزين عندهم لأن احنا بالكويت مو معترف فينا من الأف سى آى يعنى ماكو نادي ولا عندنا بدجرى بس انا سمعت انه فى واحد اسمه فهد عند شركة أهو اول اكويتى يعترفون فيه لأصدار بدجرى ..اتمنى يوصل جلبك وتستانه فيه

[بوعزوز]

اخوي فهد اعرفه و تعاملت وياه هو الذي في الشويخ والصراحه صارتلي وياه سالفه و ماأبي تتكرر مره ثانيه و عن النادي انا المدرب الذي يبي يعطيني الكلب يعرف منو انا شخصيا و ه يعرف انه الكلب سوف يتم اجراء امتحاناته كلها في المانيا وبلجيكا وليس بالكويت.
وانشالله بالكويت يسوون اتحاد ولا هالعباله.
وشكراا

[بو عدنان الحبوب]

الى حبايبى كلكم على فهمى من بوعزوز بحتياجه بصريح لكلب من الخارج
حبيبى بوعزوز اخذ صوره من بطاقه المدنيه
زاذهب الى الرابيه ويتم تسجيل
وبعدين تذهب الى الشويخ البيطرى وتكمل اجرائك
وتستخرج الورقه بالمطلوب وانت واقف
استخرج جواز للكلب والورقه الصحيه والدفتربعد ماتنتهى من اجرائها من الدوله بالمانيا صدقها بالسفاره الكويتيه
والورقه بالكوت التى استخرجتها صورها صورتين وحده ترافق الكلب للمطار والثانيه للسفاره وتكون الاصليه للتاكيد وهذا للكلاب المسجله بالمانيا من سلالات عريقه وتقبلو منى كل الحب

[بوعزوز]

مشكور اخوي بوعدنان بس الحمدالله ماسويت ولا شي من هذي الشغلات لانه عندي ربع ساعدوني يعرفون معارف يطلعون الكلب علطول انشاء الله و اذا صار شي انشالله رح اسوي كل هذا.
وشكراا