اشترك في نشرتنا البريدية ليصلك كل جديد

صمت الأمل · 18-09-2010, 03:54 PM

أهلا وسهلا بالجميـــع ,,

حبيت يكون موضوعي اليوم عن الفقاسة اللي طلبتها من النت وأعرفكم عليها ,,

لأني وعدت قبل كم يوم بهالشيء في أحد المواضيع .. ومن زمان ماكتبت مواضيع في قسم الدواجن ..

اول شيء نبدأ بالموقع اللي طلبت منهـ الفقاسهـ (( وعندهم عدة كاملة لتربية الدواجن والسحالي بأنواعها )) :

http://www.bellsouth.com.au/home.html

طبعا انا ماأخذت لي اول موقع وطلبت منهم ,, لأ ,, قلبت النت تقريبا شهرين الى ثلاثهـ الى أن استقريت على هالنوع بفضل اللهـ ,,

هذي صور الأنواع الأولى لكن راح أجيب لكم مواقعها في مشاركة قادمهـ لأن ماعندي كل المواقع وراح أتأخر عليكم بطرح الموضوع ,, وراح أكتب اسعارها بالدولار الأمريكي حتى تكون واضحة للجميـع :

السعر : 78 دولار , حلوهـ وممتازة كهديهـ مميزة لكن للأسف ماتنفع لي .

السعر : تختلف على حسب إختلاف النوع والصناعهـ والمنطقة ,, لكن لقيتها بـ 97 دولار .

السعر : تختلف أيضا على حسب المنطقة ,, لقيتها بـ 17 دولار لكن التوصيل لكندا وأمريكا فقط ,, والعضو الكروان لقاها بـ 19 دولار .. هذي لقيتها بـ 45 دولار .

السعر : بصراحة ماأدري ولا حبيت أستفسر عنها ,, شكلها غريب وماعجبني لكن ميزتها الرطوبهـ أوتوماتيكـ .

شكل ثاني منها :

السعر : 60 دولار , لكن تقليب يدوي والرطوبهـ يدوي على ما أظن .

السعر : ماعرفت سعرها ,, لكن إيطالية الصنع .

السعر : نسيت سعرها ,, لكن فكرتها جميلهـ جدا ..

السعر : 150 دولار ,, لكن يدويهـ .. وفيها قطع تخليها أوتوماتيكـ لكن يزيد سعرها مع زيادة قطعها وتوصل تقريبا 550 دولار كاملهـ ...

السعر : 150 دولار , ممتازة وظريفة في الحجم , لكن التقليب يدوي والرطوبهـ كذلكـ .

وأخيرا وليس آخرا ,, اللي طاحت عيني عليها وأخذتها الحمدللهـ :

اول شيء رحت أرسلت لصاحب الموقع رسالهـ وقلت لهـ أنا أبغى النوع كذا وكذا فيهـ توصيل او الكميهـ موجودهـ أو فيهـ إشكاليات ؟؟

رد علي وقال موجودهـ ,, أرسلوا لنا المبلغ إما شيكـ مصدق من البنكـ أو بالفيزا ..

وعلى طول دفعنا المبلغ وإنتظرنا 3 _ 4 أيام وجات للبريد عندنا .

هذي صورتها أول مادخلت البيت وبكرتونها :

مقارنة الحجم بكرتون منديل :

بعد نقلها لغرفة ثانيهـ ,, هذي صورة الكرتون نفسهـ :

الفقاسة وعدتها وشكل المروحة من داخل الغطاء :

أزرار التحكم اليدوي أو الأوتوماتيكي :

مقارنة الفقاسة مع علبة منديل :

كتاب الإرشادات :

طريقة توصيل الفقاسة (( لأن لسى ماشغلتها ولا إستخدمتها )) :

بعض الأنواع اللي تفقس الموجودهـ على كرتون الفقاسة :

البيض اللي تقدر الفقاسة تفقسها :

واخيرا ,, صورهـ جماعيهـ للي ننتظر بلوغهم وتبييضهم ((مصورتهم في عز نومهم وخوفتهم بالفلاش )) :

حبيت أختم لكم هالموضوع ببعض المنتجات الرائعهـ للبيض والتخصيب وللدواجن :

آلة خاصة تشوف منها البيض الملقح ومراقبتهـ يوم بيوم .

فقاسة موديل جديد وميزتها تقدر تشبكها وتتحكم بها باللابتوب :

حاضنهـ للصيصان أو للطيور مثل الببغاوات لتدفئتها من برد الليل او تبريدها من حر الصيف :

والكثير والكثير من المنتجات الرائعهـ والجميلهـ جدا .. لكن للأسف ماعندهم محلات او فروع خاصة ,, كلها أون لاين فقط .

أتمنى إستفدتوا من هالموضوع وماثقلت عليكم وعطيتكم فكرة عن عالم الفقاسات الجميل , وأحب أبلغكم إني طلبت هالفقاسة لما كنت في إستراليا ,, التوصيل من ميلبورن إلى سيدني , لكن الشركة الرئيسيهـ كوريهـ . ..

وأنتظروني في موضوع قوي عن الدجاج بإذن اللهـ بعد ما أوصل لإستراليا بالسلامة ,,

تحياتي للجميع ..