ما سبب حكة السمك الولود لجسمة فى محتويات الحوض ؟

[tamer shawky]

لسلام عليكم جميعا الاعضاء الكرام .

عندى حوض الآن فيه سمك . هو حوض ١٢٠ × ٤٠ × ٤٥*
فى سمك جوبي و سوردتيل و مولى و مولى بالون . عدد ٢ سخان على درجة حرارة ٢٦ . جرش فى الارض صغير الحجم ( حجم الأرز ) و هو كسر جرانيت اسود( بعد غسلة جيدا ) . عدد ١ فلتر خارجى ١٢٥٠ لتر فى الساعة . + فلتر بورهيد بوي يستخدم فقط لتمرير الماء على الزيوليت( بستخدم زيولايت - بعد غسلة جيدا - ) حوالى ٧٥٠ جرام . انا عارف ان المفروض ١٠٠٠ جرام على حجم الحوض و لكن انا حطيت فقط ٧٥٠ جرام . يوجد بعض النباتات الطبيعية + ٢ بيت فخار .*

المهم ان انهاردة وجدت ان بعض الأسماك بدأت فى حك جسمها فى محتويات الحوض . انا على ما افتكر من ايام زمان ان هذا الحركة ممكن تكون مقبولة فقط للإناث الحوامل. بس الى عندى ذكور و اناث بتعمل كدة ( كما أن لا يوجد اناث حوامل ) . و لا يوجد نقط بيضاء . فمعنى كدة ان هناك طفيليات على جسم السمكة مخلياها مش مرتاحة .. صح ؟ و على ما اتذكر ان العلاج يكون بالملح- صح - ؟*
سؤالى هو .. ما هو سبب هذا الحكة ؟ هل كلامى صح انها طفيليات ؟ ام انها حاجة اخري ؟ ما هو العلاج ؟ و اذا كان العلاج بيكون بالملح مش غلط الملح على ال نبات ؟؟
مع العلم ان عندى دواء الأزرق و الدواء الأصفر( الخاص بالمزارع السمكية اسمك الزينة ) شريهم من صديق قديم عندة محل سمك . و هل استخدام هذا الأدوية ( ان لزم الأمر ) فهل هى قاتلة للدورة البيولوجية؟ و هل هى قاتلة للنباتات؟*

معلش رسالة طويلة جداااا. انا اسف و لكن انا دقيق جدا مع السمك و الطيور بتاعتى . و بحب افهم كل حاجة عشان ماعملش حاجة غلط .*
الف شكر للمساعدة . و اسف على الإطالة. فى انتظار ردكم الكريم .
السلام عليكم جميعا*



Sent from my SM-N920C using 2zoo.com mobile app

[عمر حيدر 33]

وعليكم السلام ورحمة الله وبركاته
النقط البيضاء
هو أشهر أمراض السمك على الإطلاق وتميل السمكة فيه أيضاً لحك جسمها فى الصخور وألعاب الحوض وهو معدى بشدة لذلك يجب فصل السمكة عن الباقى وتكون حركة السمكة ضعيفة وزعانفها مرخية وهو قاتل بطىء للسمكة وهى عبارة عن طفيليات تلتصق بالسمكة وتتغذى على طبقات جلدها التى تتساقط وتنتشر فى الحوض مع الطفيليات وتبحث عن عائل جديد لتعديه وترفع درجة الحرارة ل 29 درجة مئوية لتسريع دورة حياة الطفيل وموته ويستخدم علاج النقط البيضاء (anti white spot)
وهذا الدواء فعال جداً ويزيل المرض سريعاً

تقبل مروري

[tamer shawky]

شكرا صديقي على النصيحة .. بس هو مافيش نقط بيضاء على السمك .. و كمان انا مغيرتش ماء الحوض بماء بارد . و كمان لم اضع ماء بارد فى الحوض . فحتيجي النقط البيضاء ازاى ؟
هى النقط البيضاء ممكن تيجي من تلقاء نفسها ؟

Sent from my SM-N920C using 2zoo.com mobile app

[عمر حيدر 33]

هل زعانف السمك مرخية؟

[tamer shawky]

لا ..

Sent from my SM-N920C using 2zoo.com mobile app

[عمر حيدر 33]

خلاص يبقا ممكن دي تكون فضريات اتاكد ان الفلتر والسخان شغالين كويس لان مافيش ابدا حكة من غير نقط بيضاء

[tamer shawky]

تمام .. هل اضيف ملح ؟ و هل الاضاءة ليها عامل فى استمرار الحكة ؟ ( الاضاءة عندى من ٨ إلى ١٠ ساعات يوميا )

Sent from my SM-N920C using 2zoo.com mobile app

[tamer shawky]

مش اضاءة شمس. اضاءة صناعية عادية( شريط نيون )

Sent from my SM-N920C using 2zoo.com mobile app

[عمر حيدر 33]

الاضاءة الصناعية من شروق الشمس لغروبها او بعد العشاء

[عمر حيدر 33]

يعني تظبط مدة الاضاءة مع وقت شروق وغروب الشمس