فلور هورن

[بحريني خطير]

السلام عليكم

انا مبتدئ في تربية الفلور هورن وبيغت اعرف

كيف يكبر راس الفلور هورن وهل في انواع فلور هورن يجي بدون راس لانه كان عندي وحده قبل وصل حجم 15سم وماطلع لها راس الى صغغغير

وسؤالي كيف اعرف انه الفلورن هورن ابو راس من بدون راس

اتمنى انكم تفيدوني عشان اليوم بروح اشتري اسماك فلور هورن

[*حامي الحيوان*]

وعليكم السلام

هلا فيك أخووي منور المنتدى

بالنسبة للرأس فا في أكثر من منتج لتكبيرها

وأنت لو تروح أي محل أسماك بتحصل منتجات خاصة بتكبير الرأس

وهي عبارة عن بروتين يعني هم الاكل الحي

مثل الاسماك الحية أو اللحوم ألخ يساعد بتكبير الرأس

ونعم ممكن يكون فيه فلور بدون رأس

وهذا أما يكون وراثة أو أنه متأخر بالنمو بسبب التغذية

وبالنسبة لمعرفة ألي عنده رأس وألي ماعنده فهذا شيء سهل

ألي عنده رأس تشووف قمة الرأس تكون بارزة وصلبة

أما ألي ماعنده فا مافية بروس بقمة الرأس وحتى لو عنده بروز

يكون خفيف وأحيانا التجاز يعطونهم أبر لتفخ الرأس

وهاذي تعرفها أذا شفت الرأس كأنه هواء يعني البروس كأنه فاضي مافي لحم



وبالتوفيق,,,

[بحريني خطير]

مشكور اخوي حامي الحيوان
بس انا ابي اسوي محمية فلور هورن واتعامل معها الى الاحتراف

فـ ابي اخذ مجموعه كبيره وكلهم حجم صغير مايتعدى 5 سم
شلون اعرف اذا فيها رأس او لا وهل ابان الراس في هل حجم ؟

اعرف تعبتك معي بس تحملي شوي ياطيب

[*حامي الحيوان*]

حلو 5 سم

بالنسبة للرأس للأسف الصغار ما يبين عندهم

وبعد ما يكبرون يدأ بالبروز

ولاكن عموما أنت أذا رحت تشتري فلور هورن

قول لصاحب المحل يوريك الام والاب

ومن خلال الام والاب تقدر تعرف أذا كان بيطلع لهم رأس ولا لا



بالوفيق,,,

[انجل مان]

اخوي بحريني اولا اهلا وسهلا فيك !

بالنسبه للفلاور ! يعتمد على نوعها !؟ وفيه انواع تكون بروز الراس من الصغر واضح ! ومع مرور الوقت يكبر اكثر !

واذا راح تشتري كميه خذ لك نوع معروف ! مثل الريد دراجون ! لانه الراس عنده غاليا يكون واضح ! وكبير مع التغذيه !

فأنت قبل الشراء تأكد من نوعها !؟

[بوعادل]

المشاركة الأصلية كتبت بواسطة *حامي الحيوان*

ومن خلال الام والاب تقدر تعرف أذا كان بيطلع لهم رأس ولا لا

اخوي حامي شلون اقدر اعرف ان الصغار راح يطلعلهم راس مثل الأب من خلال الأم

يعني إذا كان الأب مواصفاته عالية وبروز الرأس عنده جيد والألوان كذلك

فهل ممكن أن الصغار مايطلعلهم راس بسبب الأم

وايش هي مواصفات الأنثى الجيدة

وإذا أمكن صور

واعذرني للإطاله

[بحريني خطير]

مشكورين يا اخواني ولله ماقصرتو عساكم على القوه

المشكلة عدنا الي في المحل مايعرفون اي نوع هذا واي نوع هذا بس اهم شي عنده اسمه فلور هورن مايدري فيه شي
وبخصوص الام والاب اهم يجيبونهم من برى صغار والام والاب مايجيبونهم هذه المشكله عدنا بعد

فما في حل اعرف اني اميزهم من نوع لنوع ؟

[انجل مان]

انت اقرا عن انواع الفلاور هورن .. وشوف اذا اهي مطابقه لنفس المواصفات او لا !

طبعا الانواع كثيره وتختلف .. منها الريد دراقون .. ومنها الكينج كامفا .. وفي لوهان .! انواع مشهروة ومعروفه !

لا تاخذ شي غير معروف ! او يكوون مهجن مع ريد تكساس او ريد ديفل ! لانه يكون نسبه الراس غالبا ضعيفه !

[*حامي الحيوان*]

أخوي بو عادل

أنا أتكلم عن الام والاب

ليس الام فقط

يعني أذا كان الاب والام ( الذكر والانثى )

من سلالة ممتازة وصفاتهم ممتازة

أكيد أنتاجهم بيكون ممتاز

عرفت شلون يعني تقدر تقيم الصغار على أساس أمهم وأبوهم



بالتوفيق,,,

[Dr Khaled]

افادكوم الأخوة شاكرين و هنالك أنواع كما تفضل الصديق مخلص حامي الحيوان ههه حلو ه الأسم شريك تكون مطلق عليها فلاور هورن لكن بدون حدبة