كركر الدلوووووع

[مظلوم_جميرا_1]

السلام عليكم ورحمة الله وبركاته

اول شي انا ارحب فيكم جميعا وعلى صابح المنتدى الغاااوي هذاا

لان بعد طووول العذاااب حصلت منتدى فيه عيال البلاد وغيره

وعلى طول شاركة فيه ..واتمنى تتقبلون فيني اخت وصديق عزيز عليكم مع اني يديد ^__^



انزين الحين ببدا في موضوع الدلع هذاا

انا عندي كاسكو عمره 5 شهور الحين او 6 تقريباا

واســـــمه كركر .. طبعااا ذكر

شارنه وهو صغير من عند اربيعي فدوام بــ 1000 درهم فقط
مع ان يميع الربع منصعقين كيـــــــــــــــــــــــــف بــ 1000 درهم ...؟!؟!؟


والحمدلله هو وايد عطوووف ودلووووع ومش متوحش

و لين الحين نحنا وايد اوكي وي بعض و هلي الـــــــــــــــــى ولد اخويه مهير كككك

عمره سنه وشي الحين ....الله يحفظه ويطولي بعمره ..كل يوم الصبح من ينش من رقااده

ايي صوب القفص ..ويتم يلعوزه ككككك ويحضك عليه وجي كككك وساعات يعق له فالقفص

العااابه وعقب يتم يصيح ( ماما متووو كل سيارتي ) ككككك

انزين المهم انا لين الحين ماشي وياه اوكي

ساعات احوطه ويايه فسياره اطلعه ويايه ..او بسير عند ربعي وجي يعني

بــــس دلوووووووع ودوومه يعض صبعي بخقه وعقب يحط راسه تحت ايدي

قصده امسحلي راسي ...دلووع .. ومن امسح له راااسه يغمض عينه ويتخدر
ككككككككككككك فديته انا والله راقد الحينه

بس لين الحين ما يتكلم بس يصووفر بالطريقه الي علمته اياها

بديت اعلمه يرمس ...والحين ساعات اسمعه يقوول شي لاكن غير مفهووم
ويقول متوو على حسب تعليمي لاكن بطريقه 60% بس انها تنفهم ( متوو )

وان شاء الله لي مواضيع كثيره في الايام اليايه

وشكرااا ^__^

[ابو شما]

الله يحفظ لك طيرك وانته مسوي مثلي مرات آخذه وياي بالموتر يوم اسير السوق .. الحبيب يستانس يوم احطه على مسند الراس ويتم يطالع المواتر والساير والراد

وان شاء الله نسمع الاخبار انه تكلم في القريب

[المري1]

الله يهنيك بطيرك

اخوي طيرك مرة صغير وطبيعي مايتكلم ممكن يبدا بالكلام من 8 شهر وفوق

لكن مو معناها انك توقف تدريبه ، لا بالعكس خلك مستمر على كلمه وحده لين يقلها وبعدين كل ماقالها كافأه وانتقل لكلمة ثانية وهكذا

وبعدين صدقني بيغثك بالكلام

وبالتوفيق ان شاالله

[مظلوم_جميرا_1]

ان شاء الله يا ابو شما

مشكور يا الطيب ^__^ لا ما عليك قريب ان شاء الله بيتعلم على صوت تيربو موتري
ككككك لان اركبه ال جي تي مالي ومستغرب من صوت البووست ^_^ وشكرا لك الطيب

[مظلوم_جميرا_1]

المري1
مشكور اخويه انك علمتني شي انا ما اعرفه

وبعدين انا اصلا واحد يديد فهاي السوالف بس واحد متحمس انه يتعلم ويعلم

^_^ شكرا لك المري1

[أمين الحب]

اول شي ارحب فيك بين اهلك واخوانك
,,,
وقول حياك الله ونور المنتدي بوجودك
,,,
اما عن مضوع طيرك الشباب ماقصرو
,,,
وربي يحفظه لك
,,,
تقبل مروري وترحيبي
,,,
أخوك/ أمين الحب

[أبو ريـــــــــــــان]

الله يهنيك بطيرك

[مظلوم_جميرا_1]

تسلملي يا أمين الحب

الله يحييك وما قصرت الطيب ما عليك شي على ما يرام ^_^

تقبلت مرورك الطيب

[مظلوم_جميرا_1]

وياك يا أبو ريـــــــــــــان


مشكور وما قصرت حياك الطيب

[غزل]

تتهني فيه يارب

وان شاء الله يصير مثل ما تبقي وأكثر

وعن حركة انه يعض صبعك عضه خفيفة وبعدين ينزل راسه عشان تدلعه طيري كان يعمل نفس الحركه لين يبقي احك له راسه .... وحشني ماكس اتمنى يكون بخير ومستانس عند صاحبه الجديد