سؤال عن ستاند اغصان الشجر وصبغته

[عبدالعزيز محب المكاو]

السلام عليكم كيف حالكم ان شاء الله بخير
نخش على طول في صلب الموضوع
اليوم قصيت اغصان كبيره الحمدلله لببغائي وناوي اسوي ستاند من الخشب الطبيعي لاكن ودي اصبغه لون بني محروق وخايف يضر الطير .
هل هناك اصباغ طبيعية تباع عندنا فالسعودية ؟
وهل تضره الاصباغ الطبيعية ايضا ؟

[hassan-55]

ممتاز انا سويت مثلك لقيت لي شجر وجبت منشار وقصيت كذا غصن والله ياني تجرحت لين قلت بس طحت بشجر كله اشواك لكن تحملت قلت ماني براجع فاضي والروحه للمكان هذا عشان اجمع اغصان

ورحت البيت وقعدت اقصقص لكل الاقفاص عندي اقفاص كبيره وصغيره
ودلعت القفص صار شكله يجنن
المهم غلطتي الوحيده اني علطول ركبته بالقفص والله تعبت خليت القفص كله اغصان
الغلطه الوحيده اني ركبته والاغصان رطبه وعندي وقتها امازوني عنييييد ويحب النرفزه
جيت بعد فتره لقيت الارضيه كنك داخل ورشة نجار
وتعلمت من ذي التجربه
بعدها قصيت اغصان وتركتها فتره بالشمس لين نشفت وركبتها والى يومك هذا مثل ماهي
لعلمك ترى اغصان الأشجار مفيده للطيور وانا سألت كثير بعضهم قال لي فيها املاح تفيد الطير
وفيها كاليسيوم الحقيقه ما ادري عن هذي المعلومات
لكني افضلها للاقفاص افضل من الخشب الصناعي

وانا افضل انك ماتصبغها لان البويه فيها مواد كيماويه اعتقد والله اعلم تضر الطير
خلها مثل ماهي بس شمسها لين تنشف وفصل على راحتك

بأضيف لك صورتين لا لقيت فرصه ان شاء الله وحده بالقفص والثانيه بزاوية الحوش

والله اعلم
اسأل الله التوفيق للجميع..

[hassan-55]

الصورتين الاوله والثانيه اللي بالحوش ضربها الشمس وتقشرت
والصور الباقيه بالقفص الى يومك ما تغير له اكثر من سنه ونصف






ومثل ما قلت لك الأفضل خله زي ماهو بس اهم شي قبل التركيب او القص شمسه لين ينشف
الحق على شمس الرياض الحارقه

بالتوفيق ان شاء الله تعالى..

[عبدالعزيز محب المكاو]

المشاركة الأصلية كتبت بواسطة hassan-55

الصورتين الاوله والثانيه اللي بالحوش ضربها الشمس وتقشرت
والصور الباقيه بالقفص الى يومك ما تغير له اكثر من سنه ونصف






ومثل ما قلت لك الأفضل خله زي ماهو بس اهم شي قبل التركيب او القص شمسه لين ينشف
الحق على شمس الرياض الحارقه

بالتوفيق ان شاء الله تعالى..

الله يعطيك العافيه اخوي hassan ماقصرت دايم ماتبخل علينا بمعلومات الجميله
بس الي سويته انا صلعت الغصن
وخليته من امس تضرب فيه الشمس

[عبدالعزيز محب المكاو]

وهذا الغصن الثاني قبل التنظيف


طبعا خذيت بعض المقاطع الشرح من اليوتيوب عن طريقة عملها وتركيبها وهي غير مكلفه تلقى الي تبيه من قطعة الخشب المسطحه والمسامير وايضا مساميرا الي على شكل علاق (تعليق الالعاب) في ساكو ورخيصه جدا .
وقيمتها فالمحلات جاهزه غاليه مره من 250 وطالع .
وفيه واحد في الكويت يبيعها على 20 و 30 دينار كويتي
30 او 20 × 13 = المبلغ بالريال السعودي + قيمة التوصيل على ارامكس
https://youtu.be/NYvx7rJXuWo
(يوجد موسيقى)☝☝

[hassan-55]

الله يعافيك اخوي هذا المنتدى الشامخ وأعضائه الكرام يحب العون والمساعده اسأل الله ان يجمعنا بكم في جنات النعيم

فكرة صنع استاند واضافة اللمسات والحركات سهله جداً وابسط مما تتصور ولا تأخذ وقت ولا مال
المسأله تشغيل مخ شوي وتبدع بإذن الله تعالى
والأدوات سهله ورخيصه ممكن عمل أشياء كثيره واشكال حلوه ترضي وتمتع طيورنا
والأدوات /
مسامير وعلاقات وحبل يفضل الحبل المتين المصنوع من القماش تلقاه في محلات مواد البناء افضل من الحبل البلاستيك او بإمكانك بسلسله حديديه وبإمكانك تجمل الحبل بوضع فصوص خرز تلقاه بكثره بالديره شارع العطايف ومقابل سوق سويقه عند أدوات الخياطه اشكال كثيره في منه البلاستيكي والقماش او المصنوع من الخيوط
وتحتاج لدريل لحفر الخشب ومنشار طبعاً
سأرفق لك صوره عنها و بعض التصاميم الجميله سهلة الصنع
و ياليتك خليت الخشب مثل ماهو بدون برش او صلخ منظره الطبيعي اجمل







وشاهد هالفيديو طريقه سهله جداً وبإمكانك بحث اكثر باليوتيوب

https://www.youtube.com/watch?v=--Oz1gtcuu8

اسأل الله التوفيق للجميع..

[عبدالعزيز محب المكاو]

هاذي الادوات الي تحتاجها في بداية العمل صنفره ناعمه حاملات رفوف مفك بالأضافه الى قطعة خشب لأرضية الستاند ويفضل تكون مربعه لتوزيع الثقل بالأضافه الى عجلات موجوده في ساكو اليوم خذيتها للأسف ركبتها ولا صورتها
لاكن ان شاء الله الالعاب والتصوير النهائي بعد ساعات قليله انتهي منه ان شاء الله وانزل الصوره

[عبدالعزيز محب المكاو]

باقي 3 مراحل من الشغل لاكن سهله ان شاء الله والى الآن كلفني كامل حدود 170 ريال فقط ولا احتاج غير مشارب المويه وحقت الاكل بس والباقي كل شي عندي الحمدلله

[hassan-55]

ممتاز لكن لو تستغني عن الاغصان الصغيره او بعضها بالذات الأقل حجم وسماكه لانها لا تتحمل وزن الببغاء وهي غير مرتبه

ثانياً/ بإمكانك الاستعانه بقسام بلاستيكي نص بوصه او ثلاثة ارباع
وهو نوعين ابحث عنهم عند محلات السباكه
وضع القسام الأربع مخارج اسفل والثلاث مخارج بالاعلى

ثالثاً/ اشتر كاسات بلاستك او حديد متوفره في محل مستلزمات الطيور
بإمكانك تثبيته بكل سهوله تخرم او تثقب الغصن وتركب الكأس وله صاموله تشدها من تحت
في كذا شكل سبق وشفتها في المحل اللي بأرسلك وصفه لان اعتقد ان إدارة المنتدى تمنع وصف المحلات

شاهد التصميم اللي رسمته لك

[hassan-55]

مثل هذي وفي اشكال أخرى