ســــــؤال((ممكن مساعده))

[عبد الرحمن]

شباب انا عندي حمام توني شاريه من اسبوع ويومين

وابي اطيرهم ولا عرفت واخاف اطيرهم يطيرون ولا يرجعون

بس فيه ناس قالو لي اكلهم مويه وسكر وانا مادري !!!!!!!!!!!

شباب ارجو افادتي اوذا طيرتهم وشلون اخليهم يرجعون

افيدوني ارجووووكم

بسرعه
تكفون

[sniper]

ليه مستعجل على تطيير الحمام لازم يجلسووون بالعشه لين يفرخوووون وبعدين افتح الباب واترك الاكل والماي بالعشه راح يطير الحمام لحاله ويرجع للعشه

[البدبخت]

ممكن اعرف نوع الحمام اللي عندك ؟؟ (( لان اذا كان الحمام من النوع الزاجـل بيكون مستحيل تعليمه على الطيران والرجوع لك .. بس تقدر اتعلم فروخ الحمام ))..

وعلى حسب خبرتي في التحويم .. انك تقطف خمس ريشات من جناح كل حمامة .. وبعدين تتركها تتجول في الساحة خارج القفص بشكل يومي .. لكي تتعرف هالمكان وطريقة الدخول للقفص .. (( لفترة اسبوعين او ثلاث اسابيع )) راح اتلاحظ نمو الريش من جديد .. والطير يستطيع الطيران لستويات منخفضة .. (( مثلا الطيران للجلوس فوق القفص ، فوق البيت .. الخ )) وبعدين اشوي اشوي راح اتشوفة يتباعد ويطير ارفع وارفع .. (( تبعا على حسب نوع الطير ))


المهم هذي بعض الملعومات الضرورية لتطيير الحمام ..

اختيار الحمام يجب ان تكون سلالة قوية وذات حيوية وتكاثر سريع وتقل أعمارها عن الثلاث سنوات ومن الأفضل أن تبدأ بشراء حمام صغير السن (حوالي 6 أسابيع) حتى يسهل عليك تدريبه وتوطيد علاقته بالمكان .

اختيار الحمام المتجانس في المظهر والحجم والقوة وتجنب شراء الطيور ذات الأشكال والأحجام المختلفة وذلك لإتمام التجانس فيما بينهم أثناء الطيران فلكل نوع من الحمام قدرات طيران تختلف عن النوع الأخر فعلى سبيل المثال يتميز الحمام الزاجل (الجمعيات والمراسلة) بالقدرة على الطيران السريع ولفترة طويلة بينما يتميز الحمام القلاب (الشوام) بالارتفاع ثم التوقف لأداء الاستعراض بل وتختلف قدرات الطيران بين حمامة وأخرى من نفس النوع فياحبذا لو اقتنيت مجموعة من الحمام التي ترجع إلى أصول معروفة بقدرات الطيران .

اختيار قائد جيد لعملية الطيران فلو دققت النظر إلى سرب حمامك أثناء الطيران لوجدت فردا منهم يحتل دائما مقدمة السرب يتبعه باقي الحمام في الطيران والهبوط فأكد من كونه ذو صفات جيدة ولا تتردد في استبعاده إذا شعرت بكسله أو كبر سنه واعمل دائما على رفع قدرته على الطيران من خلال التدريب .

تجنب إزعاج الطيور مما يسبب كراهيتها وهجرتها للمكان فاحرص على أن تعلم الحمام بقدومك من خلال طرق خفيف فبل فتح الباب وعدم إزعاج الحمام الحاضن للبيض أو الصغار وتعود على الحركة بهدوء وتجنب الصوت العالي واحرص على تكوين صداقة مع الحمام من خلال ترديد بعض الكلمات أو صافرة قبل تقديم الطعام ولن تندم .

وضع برنامج تدريبي خاص بمجموعة من الحمام بهدف تنمية مهارتها وستكون هذه المجموعة هي نواه مجموعتك للمنافسة مع الجيران وذلك بتدريبهم على الطيران من أماكن بعيدة تدريجيا يتقدمهم قائد ذو خبرة .

ترك الزغاليل من عمر 6 أسابع تطير بحرية لمدة أسبوعان قبل ضمهم للسرب .

تعويد الحمام عل الطيران في أوقات مختلفة على أن يكون ميعاد التدريب الأساسي وقت الغروب لمدة تزداد تدريجيا وتعويد الحمام على دخول المسكن مباشرة بعد عودتهم على أن يتم تحرير الحمام وهو خالي المعدة ثم تقديم الحبوب فور عودتهم كمكافأة على الجهد المبذول منهم .

تدريب الحمام على التعود على العودة من الطيران عند إعطاء إشارة مثل صافرة أو طرق على الصفيح كإشارة على موعد تقديم الطعام .

تغذية الحمام من أهم الأركان في عملية الطيران فكثرة الغذاء تجعل الحمام كسول خامل ويزداد وزنه كما أن التغذية الضعيفة تجعل الحمام هزيل غير قادر على الطيران و أكثر تعرضا للإصابة بالمرض .
حاول أن تجعل مساكن الحمام مكشوفة أو أن تخصص مكان لهبوط الحمام (تكشف مجال الطيران) حتى تسهل عملية الإقلاع والهبوط .

وبانتظــار طرق التعليــم لباقي الاعضـاء ..

[عبد الرحمن]

شكررررا اخوي البد بخت

واشكرك على المعلومات المفيده

[abbas55]

خليهم يجلسووون بالعشه لين يفرخوووون وبعدين افتح الباب واترك الاكل والماي بالعشه راح يطير الحمام لحاله ويرجع للعشه

[D.O.A]

انا اقول انك تقطف الريش اقطف من كل جناح 6ريشات
وطلعها العصر وحاول انك تطلعهم قبل الاكل
وخلها حوالي نصف ساعه
بعدين حط الحب بعلبه واذا كنت تربيهم بعشه ادخل داخل العشه وهز العلبه وقول حب حب
وذ كان عندك قفص صغير هز العلبه وقول حب حب لما تشوفك وانت جالس تحط الحب بالقفص
وكرر الحركه كل يوم ... ونصيحه لاتخلي الباب مفتوح 24 ساعه واذا طول الجناح حاول انك تطيرها فوق الجدار بس
وبعد اسبوع طيرها على خفيف بعدين ابدا حومهم
واذا ضيعت الحمامه يعني كانت على سطح الجيران وتبيها ترجع جيب نفس العلبه وهزها وخليها تشوف العلبه وتسمع الصوت وبترجع انشاء الله ............. نصيحه لاتطير الاجواز الكبار طير العيال احسن لك ............. ارجو اني افدتك وشكرا :d


.....طريقه مجربة......

[عاشق الأبيض]

اخوي افظل طريقه لتدريب الحمام الجديد على البيت

هوه انك تفتح الباب على الحمام
وتخليهم على راحتهم يطلعون ويرجعون

وتاليها الحمام يكون اطمن من ناحيه المعيشه الطيبه

ويفضل وضع الاكل والماء خارج القفص

لانه اذا حطيته داخل ما بيحتاجون الخروج برع لاكن جرب مثل ما قلت لك والطريقه مظمونه

وخبرني وش راح بيصير وياك

وتحياتي

الصاروخ

[عبد الرحمن]

هلا وغلا اخوي Doa

ومشكووووور على المعلومات

ومقدر جهودك


شكراااااااااااااااااااااااااااااااا لك

[عبد الرحمن]

هلا وغلا اخوي

ومشكووووور على المعلومات

[D.O.A]

المشاركة الأصلية كتبت بواسطة al_9aro5

اخوي افظل طريقه لتدريب الحمام الجديد على البيت

هوه انك تفتح الباب على الحمام
وتخليهم على راحتهم يطلعون ويرجعون

وتاليها الحمام يكون اطمن من ناحيه المعيشه الطيبه

ويفضل وضع الاكل والماء خارج القفص

لانه اذا حطيته داخل ما بيحتاجون الخروج برع لاكن جرب مثل ما قلت لك والطريقه مظمونه

وخبرني وش راح بيصير وياك

وتحياتي

الصاروخ

اخوي اول شي اذا فتح الباب 24ساعه بتتعود الطيور على الخروج وبتصير ماتحب تدخل العشه
وبعدين الاخ عبدالرحمن شكله يبي يحوم يعني يبيلك نظام ووقت محدد تطلعهم وترجعهم فيه
ثاني شي اذا حطلهم الاكل برا العشه خلاص يخليهم ينامون برا العشه بعد احسن كذا الطيور بتتعود على الحريه تدخل على كيفها وتطلع على كيفها لا لازم يكون في نظام واذا كنت مطلعهم 24ساعه لما تسكر عليهم الباب بتحس كانك صايد حمامه قمريه ماتوقف ابد لما تموت
لاتزعل اخوي الصاروخ بس هذي وجهة نظري
والمثل يقول ((اللي معاه قرش محيره يشتري بيه حمام ويطيره)) ونتبه ياعبدالرحمن على طيورك