حبيت الكاسكو

[لجل عينج]

السلام عليكم ورحمة الله وبركاته
يمكن انا اقول شي بس البعض مايصدقني..
قبل شهر تقريبا رحت مع صديقي عساس انه يروح يبدل المينا مع الكاسكو وانا رايح عشان اشتري كاسكو..
المهم ياشباب ونحن راجعين كلمني عن الكاسكو وانا حبيته الصراحه وقلت ليش مادادخل في هالمجال واجرب وقريت كثير عن الكاسكو انه صعب يتكلم ويبدى يفر من سنه ومافوق
والله العظيم ياشباب انا الي ماخذه عمره اربع شهور وانا البارحه خذته واليوم انصدمت كثير والله ياشباب اني قمت اسمعه يصفر و يلعب بالصوت انا بجد انصدمت لاني قريت عن الكاسكو كثير وماشفت حد قال يبدا يصفر بهالعمر
انا من البارحه وقاعد معاه واصفرله واقوله اسمي واعطيه برتقال وتفاح وكل شي..
وان شاءالله ان شاءالله يدوملي لاني بديت البارحه وابي اشوف شو الي ينحب فالكاسكو
عطوني نصايحكم ياشباب وانا ادخن فالغرفه مايضر الكاسكو الي هو اسمه ( عزوز )
واليوم شفت شي غريب يسوي شي غريب يجيب المنقار الي فوق مع الي تحت ويحك هالشي طبيعي ولا لا
مع تحياتي اخوكم الصغير

[عاشق الحمام والوبر]

اخوي يحك منقاره في الخشبه اللي واقف عليها شي عادي

[lll_o]

هلا والله حياك

مبروك الف الف مبروك اول شي

انتبه لي الطير الانو بسن صغير و بسبب قلة اهتمام بسيط ممكن يمرض و يموت حطه بمكان مافيه هوا مو مافيه هوا يعني كتمه

لا في مكان مافيه تيرات هوائيه بي الاصح يعني بعيد عن مكيف بعيد عن اي مكان تحس انو حركت الهوا فيه كثير

اكله فواكه كثير اديه فيتمينات اديه اشياء تقوي له المناعه و كلها تلاقيها عند البيطري

و بالنسبه لي الدخان ما ادري ما عندي معلومه بس الافضل ما تحطه في مكان فيه دخان

و هو بهاذا العمر

اتمنى اني افدتك

ايه نسيت قصة المنقار ههههه

هاذي حركه عاديه يسويها الكاسكو لما يكون مرتاح و مروق حتى لما يوقف على رجل وحده

[لجل عينج]

مشكورين حبايبي على الرد الحلو
والله انك ريحتني تصدق ان هو يحك منقاره ويوقف على رجل وحده
وعندي سوال اذا ممكن شباب انا بالليل افتح المكيف واغطي القفص هل هذي مشكله ولا عادي
وتشوفون اني اتبع معاه التسجيل احسن ولا لا

[lll_o]

المشاركة الأصلية كتبت بواسطة لجل عينج

مشكورين حبايبي على الرد الحلو
والله انك ريحتني تصدق ان هو يحك منقاره ويوقف على رجل وحده
وعندي سوال اذا ممكن شباب انا بالليل افتح المكيف واغطي القفص هل هذي مشكله ولا عادي
وتشوفون اني اتبع معاه التسجيل احسن ولا لا

لالالا لاتخليه في مكان فيه مكيف ابدا خليه بعيد عن اي مكيف و غطي القفص في اليلل وقت النوم

و بالنسبه للتسجيل لا تشغله فتره طويلة 10 دقايق الفجر و 10 دقايق العصريه وقت ما يكون واقف على رجل وحده

و مروق

[لجل عينج]

هو دومه مروق
اليوم رحت عند البيطري عطاني حبوب احطها في الماي للمناعه وبروتينات
كل مااروحله يزاعج يعني مااعرف يبي يلعب ولا كيف
لاني يوم اجيه واحط ايدي على راسه يسكت وفي صعوبه اشوي وانا ابي اركبه على ايدي
مشكور حبيبي انك واقف معاي