افيدونا(:

[mohammad09]

السلام عليكم ورحمة الله وبركاته كيف حابكم ان شاء الله بخير المهم انا عندي كاسكو يقولون عمره سنه ونص المهم لاحظت عليه انه اكل الخشبه اللي يوقف عليها مب كامله عاد طرفها لين انكسرت وانا استغربت من ذا الشيء والشيء الثاني فيه هندي بسوق الحمام يدرب الببغاوات ودي اودي الكاسكو له وودي اخذ رايكم طبعا هو مااااااااايجعر ابد بس ماعمري لمسته (خووووووووواف ) ولا يطلع على اليد وهذا كل اللي عندي *

[mohammad09]

ايه صح وهل يبي يزين عقبه والا ما ينفع اوديه لانه كبر

[SKEMO]

اذا انت فالرياض اتصل علي ٠٥٩٢٩١٩٨١١ أنا ساكن قريب من استاذ الملك فهد جبلي الطير البيت وانا أشوف وش وضعه

[mohammad09]

يعني انت تدرب ( وجه مغطي عيونه هههههههههه)

[mohammad09]

تكفون ياعالم ردوو اوديه للهندي والا ماينفعبه وهل اكله للخشب شيء شين؟

[ولد حرب]

وعليكم السلام ورحمه الله وبركاته


بالنسبة لطيرك يفتقر الى عطاءك ودلعك

اكله للخشب بسبب احد الامرين اما انك حابسه ولايشوف الشمس< يعني برى القفص

او انك مزلبه على الخامس وتبيه بس يصفر ويتكلم

اشتر العاب لطيرك خشب وحبال وتحصلها بسوق الحمام وحاول تشتري حبل غليظ عشان مايزعجك كل شوي يبي حبل جديد

وخله يكسر ويستانس هذي طريقه لعبة

اما بخصوص الهندي الي تقول اذا الي يقولون مطوع فما انصحك توديه له
لانه يجوع الطيور لين تخور قواها ويجبرها على التدريب< ومو تدريب بس بسبب ارهاق الطير يطلع عليك اليف ومدرب تلمسه مايعض بقوه ويستسلم

لكن لمى تاخذه وتبدى تدسم شواربه بينتف اصابعك

الحل ياصديقي

نوع للطير اكل واستعمل الفول السوداني للاغراءات ودخل يدك في القفص وتهور

واستخدم الكلمات بابا حبيبي تعال شاطر< عشان يخق معك

والطير يبي ترويض مدربه عن الخوف ثم تدريبه لاتخليه يمسك عليك النقطه هذي انك خواف لانه بيطقطق عليك بدل ماتطقطق عليه

[mohammad09]

الله يعطيك العافيه وماقصرت

[بيتوا]

جد يالغالي لا توديه لاحد ما تدري يهتم بيه ولا لا وغير كذا انت العب معاه وكلمه خاويه صدقني راح يطلع شي جونان وخليه مع كل الي في البيت عشان اذا خرجت او سافرت لفتره ما يمرض ويتعب يعني يتعود على الكل عشان الطيور هذي حساسه جدا

وربي يخليه لك

[kha6ab]

تكسيــر الخشب
هــذا شي طبيعي ... لانك طبعا حابسه بالقفص 24 ساعه وماعنده شي يتسلى فيــه غيـــر هالخشبه [:

طلعه من القفص وحطه بالاستاند .. << وحطله أي شي خليه يعضعض فيه

وبخصوص إنك توديــه لاحد يروضه
ما انصحك أبداً أبداً أبداً

لعدة أسبــاب :-

أولاً : لان ذولي حقيــن المحلات يعاملون الطيور معامله سيئه .. ممكن يرجعونه أســوأ وممكن يمرض الطير بسبب نقل العــدوى .. للعلم ترى اغلب الطيور الي بالمحلات (مريضه) للاسف مايعتنون بالنظافه ولا بالطيور

ثانياً : حتـــى لو كان محترف ترويض ... وقلنا أعطيناهـ الطير عشان يروضه .. وفعلا روضــه وخلاهـ أليف
لكـــن ...!!
بيكون أليف على الي روضه مو عليــك ... يعني ممكن لمن بترجعه لبيتك .. نفسيته تتغير ويقعد ينتف ريشه
يعني الشغله نصب × نصب

ثالثــاً : يفضل إنك تروضه على يدكـ .. ويوجد مواضيـــع كثيرهـ للترويض ...,


.
.
واذا مالك بالترويض .. بيع الطيور ولا تعب نفسك وتعب الطير معاكــ.,


أي استفســار ..؟

[جني صغير]

اللي تقصده بسوق الحمام
السعودي اسمه ابو ياسر
شكله هندي مربي لحيه
ومعه جمس ابيض
وهذا الشخص لونه اسمر خفيف
نصيحه مني لك
انحش عنه هو مربي بغبغاء جميع انواعه
بس لا تتعامل معه
انا اعرفه واعرف تعامله مع الطيور
يجوعها مره ويخليها تاكل من يده غصب ويستمر على هذا الحال