أشتريت ببغاء البارح وللحين ما أكل شي..

[حايلي111]

السلام عليكم ياشباب انا البارح شريت كاسكو كان بالمحل اليف ويصفر وادخل يدي عليه بالقفص والمسه عادي . ويوم شريته ووصلت للبيت صار فيه جعره خفيفه مره ويخاف واليوم عضني ولا أكل شي من أمس الى اليوم . صار له 24 ساعه ماذاق شي .. كيف أتصرف .؟

[aburagad123]

وعليكم السلام

طبيعي اخوي حايلي
انت ارفع القفص حول المتر والنص .. وانسى انه عندك طير في البيت
حط الاكل والماء وسيبه .. هو راح يأكل بدون اي مجهود .
لكن حدك فوق راسه مستحيل راح يأكل لأنه ما تأقلم على الوضع .. خايف

انسى انه عندك طير لفترة اسبوعين .. اكرمه بتنويع الاكل والنظافة فقط


بالتوفيق

[حايلي111]

ايه فكرت اسوي كذا .. طيب يالغالي هو بادي كأنه يعطس مدري شفيه .. وكأنه ينتفض شوي . صاحب المحل يقولي حطه عند مكيف بس لا يكون الهواء عليه مباشر . وسويت كذا وقصرت المكيف بس قبل شوي اشوفه كأنه يعطس . هل اروح فيه لبيطري ع طول اذا كانت بداية برد اكون الحق عليه ببدايته او عادي العطسه تروح مع الايام ..؟

[الطير السعودي]

لا تحط عنده مكيف يضره

[storm blue]

المكيف يضرررر الكاسكوو
الكاسكو مايحب الهواء البارد روح فيه للبيطري
الله يشفيه و يعافيه

[aburagad123]

بالنسبة للعطاس اعطيه خلطة الثوم بالليمون
3 فصات ثوم تهرسهم + نص ليمونه + لتر ماء << تخلط مع بعض وتخمر لـ 6 ساعات وتقدم للطير .. علاج لجميع الامراض
حاول تبعده عن تيارات الهواء
وإذا في صيدلية بيطرية قريبة منك أعطيه السبيكتوليــن أو التايــلان

الله يشفيه

[حايلي111]

طفيت المكيف الي عنده وراقبته لفتره ماصدر منه لا عطاس ولا شي يمكنها كانت عطستين عابرات بستمر أراقبه واذا تكرر العطاس بتصرف . مشكورين ع الردود ..

[عشقي البلوفرنتد]

افادك اخوي
aburagad123

[شمعة الامل]

شي طبيعي اول ماتشتريه يقعد ثلاث ايام ويمكن تزيد ماياكل بس لايهمك

تراه ياكل بالخفيه اذ اختفيتو من قدامه مثل الي تزعل وتخبي اكلها بغرفتها للازمات شفتها بمسلسل مصري هع >>متاثره مرره ههاي

[بلاك بيري]

خليه بغرفه شبه مظلمه لوحده الطير خجول شوي خله لوحده راح ياكل

موفق