بسوي سلاكة

[7mamah]

السلام عليكم ورحمة الله وبركاته


كيفكم


ان شااء الله بعد كم يوم او بعد اسبوع اخوي بيسوي في بيتنا سلاكه للزيبرا


بس لان الجو عندنا في الامارات حااااار أخاف ما تتحمل الطيور وتموت

هل تعتقدون أن الطيور بتتحمل مع وجود احواض الماء للاستحمام بشكل يومي ؟؟

والا أكنسل الفكره وما نسوي سلاكه


للعلم السلاكه بتكون في الحوش بين الزرع والاشجار واعتقد بيكون الجو ألطف مع الزراعه


بس خايفه ما تنجح الفكره



شو تقولون اتوكل على الله ونجيب السلاكه والا بلاها



وشاكره لكم تعاونكم مقدما

[حسون الزيبرا]

**** مبرووووووووووووووووووووك ابارك لكم مقدما ****

تراها فكره حلوووووووووووووه انا مجربها عاااااااااااااااااااادي

بس كم جوز والمساحه كافيه

ومن فوق السلاكه في شينكو او خشبه يعني عن الشمس

[7mamah]

الله يباارك في حيااااااتك يا اخووي

حلو التشجيع وشكرا لانك شجعتني وقل خوفي

جزاااااااااااك الله كل خيييييييير

[koko 2332]

عادي اذا بتوفرين لها احواض استحمام يوميا

و تقبلي مروري

[7mamah]

شكرا على الرد ^_^

[ابو هاني]

لو ممكن تصوري لنا المكان والحجم عشان الاعضاء يساعدوك في التصميم
عشان لاتوقعي في اغلااط وكل واحد راح يعطيك تصميمه وانتى اختاري


تحياتي

[عاشق الجربوع]

اختي توكلي على الله و سوي السلاكه و ضعي احواض مياه الستحمام و بتوفيق

[7mamah]

شكرا لكم جميعا وان شااء الله خلال كم يوم بتكون السلاكه عندي

[عاشق الجربوع]

الف الف مبروك مسبقاً و عقبال متشوفين انتاج انتاجهم يارب

[ملك الزيبرا]

ما أبغي أخوفج

لأنه ألحين الجو شويه بدا يحر عندنا

ولكن فى شهر سبعه وثمانثة بيستون طيورج تكه بالروب

ولا تخسرين نفسج على طيور أتوقع يموت منها أكثر من 50% والعلم عند الله

مجرد رأي أتمنى تاخذينه بصدر رحب

لأنه صيفنا يذبح إلا يصلخ

واللي مايعرف الحر يجي عندنا بالإمارات ويجرب بنفسه

فحاولي تسويلن غرفة صغيرة وركيبي فيها مكيف حتى لو طن واحد

صج أنج بتخسرين شوي ولكن بتضمنين يعدي الصيف وطيورج بخير

تحياتي لج