يا ناس لحقوني القطو مريض وابوي بيقطه

[مربي الطيور]

ياأعضاء وخبراء توزو لحقوا علي القطو بيسو مريض وكلمة ابوي قلت له ابي أودي القطو للبيطري عصب و تهاوشت معاها وقالي عندك من الحين الى بعد الفطور شوف لهم صرفه تبيعهم تقطهم مالي شغل اهم شي ما يقعدون في البيت ولا اقطك معاهم شوفوا لي حل القطو اعزكم الله اذا زق أو بال ما ينظف نفسه ونص حاجته اللي مسويها متعلقه و القطو دايم كسول وطيري بتنتف ريشه ساعدوني اهم شي القطو ابيه توني شاريه ابي علاج له و هو فيه اسهال ساعدوني انا ناخيكم ابي حل تكفووووووووون

[sisi_moon]

اخوي لاتخااف

الاسهال علاجه بسيـــط

أعطيه دوا كابتين للأسهال

هو بشري

نص ملم مرتين في اليوم لمده 5 أيام

وابعد عنه الحليب والتونه

واعطيه زبادي ودجاج مسلوق مع دراي فود

وبس ..!

وفي بعد دوا يجنن .. بس ماتحصله في كل البيطريات .. اسمه دوكسيسيروب

اعطيه منه نص ملم مرتين في اليوم بعد ولمده خمس أيام

وان شاءالله يطيب بسررعه

[هدوي القطوة]

ان شاء الله يطيب قطوك ........

ونحن بندعي لك ان ابوك ما يقطة؟؟

[josy]

طيب شوف عمي روح جيب نشا حق الكل او اسمه كورن فلاور مذوب ملعقة كبيرة منه في كوب ماء واعصر عليه نصف ليمونة وبعدين قلبهم كويس وجيب ابرة بدون السن وشربهاله ابرة كاملة بس لا تنسى تشيل السن الحديد شربلو 3 مرات في اليوم وبيصير كويس ان شاء الله ولا تحطله ابدا ابدا حليب ولا تونة مع حليب وا اي سمك مع حليب وقصله شعره الي حوالين ذيله علشان يكون نظيف ولا يعلق به شيء لانك تقول ماينظف نفسه ولا تخاف بيكون كويس بعد يوم بالظبط ولا تخليه ابوك يشوفه لين يصح وياريت تقولنا ايش صار معاك ولو بده يرميه اعرضه احسن للتبني في المنتدى والله يسهلك

[مربي الطيور]

مشكورين القطو تعالج بأبره

[ms.moshkela]

وااااااااااه فرحتني صراحة