الرجاء قراءة الموضوع انا بحاجة لكم يا أعضاء

[kingx]

إخواني الحبايب مبارح طلعت أطعمي سالي العقاب لحمة من الصبح وكنت صارلي يوم كامل مو شايفها وكنت مبسوط كثيير انو الجو حلو عشان اطلعها تتشمس ولما طلعت
لقيتها..........





ما مسكت حالي مع اني حاولت اني ما ابكي بس لما نزلتها على البيت وشافوني حملها زي الطفل الصغير تفاجؤو كثيير حتى أمي اللي كانت معارضة وجودها زعلت كثيير وانا ما تحملت وصرت أبكي وطلعت برة البيت وكنت حاطها بكيس وطبعا انا لما شفتها ظليت خمس دقايق مش مصدق وبعدني لهسا مو مصدق ومسكتها وحاولت أحركها بلكي تطلع عايشة بس للأسف .......وبعدين رحت على صاحبي وحكيتلو وانا حاملها وطبعا تفاجئ وما صدق وحكالي خليني أتأكد وبعدين أخذت المجرفة ورحت على الجبل وحفرت حفرة وقبل ما أدفنها أخذت نسل من جنحانها كذكرى وأنا أحط التراب عليها صرت أدعي يا رب أكون بحلم وأصحى بس..... أنا كنت مصورها صور جديدة بعد ما طلع ذيلها وجنحانها تقريبا عشان تشوفوها وللأسف نزلت صورها وهي........



انا عارف انو بعضكوا مستغرب من اهتمامي الزايد بس انا هيك طبعي ما بقدر انسى اي حدا عاشرتو فترة او ما احزن عليه وكمان انقهرت من نظراتها الضعيفة وهي ميتة واللي ما عمرني شفتها وهي عايشة لأنو كانت شخصيتها قوية جدا وانتو شفتوها لأنو معروف عن العقاب القوة والشجاعة

انا كمان زعلت لأني كنت بحلم باليوم الي يطلع فيه ذيلها ونسلها كامل وتطير لأنو كنت ناوي أطيرها بعد ما يطلع حتى لو راحت وما رجعت بس انا عارف انها كانت رح ترجع لأنو صحلها أكثر من فرصة تهرب وما هربت وكانت تكون خايفة من الجيران لما ينشروا الغسيل بس لما تشوفني تبين الراحة بنظراتها وتقرب مني
انا يا جماعة بدي أبكي هسا وأنا أكتب وندمان على تقصيري معها هي ماتت لأنها مرضت من دجاجة أكلتها وطلعت الدجاجة مريضة وانا ما كنت اطلع عليها كثيير وما عرفت عن مرضها لأنو لو اني كنت امر عليها كل شوي كان ما صار هيك .
أنا يا خوان بنصحكوا بشدة تهتموا بحيواناتكو كثيير على الأقل مرو علي حيواناتكو كل ساعة مثلا تططمنو عليهم عشان ما تندمو من تقصيركوا وتعذيب الضمير انا حبيت احكيلكو عشان اريح حالي شوي لأني مش عارف أدرس ولا أنام وبقول الله يعينو اللي ماتلو قرايب عزيزين لانو انا حيوان وهيك صار فية كيف لو حد من العيلة بعيد الشر أنا اسف ازعجتكو سامحوني وأخيرا بقللكوا ديروا بالكوا عاللي بتحبووه عشان ما تندموا بيوم من الأيام .

[Octopus]

على الرغم انه ممنوع التراحم على الحيوان و لكن ب أقول الله يعوضك بغيرها
و صح نسيت اذكرك بشي اخر بعض الاعضاء منك اتصور صور قطك
و جزاك الله كل خير على ما فعلت بها

[حي ومانسيت]

الله يعوضك بأحسن منها

[د / محمـد ابراهيــم]

الله يعوضك اخى الكريم بافضل منها ان شاء الله

[βǺĐ ŦỠ ЎỖЏ]

الله يعوضك بي 20 وحده زيها

[العتيبي2011]

الله يعوضك ياخوي ولاتحزن

[عبدالمحسن جان]

معوض خير

ومن الضروري تقديم غذاء صحي للطيور وعدم الإستهانة بهذا الجانب المهم

[دفيدوف]

الله يعوضك

<= حزن على سالي

معوض خير اخوي وكل شي بقدرة الله سبحانه .

[النسر!]

الله يعوضك بأحسن منها

الجوارح يمرضو اذا اكلو دجاج او حمام من الشارع

لازم يكون بري زي جرابيع ارانب غزلان طيور برية وافضل واوفر شيئ لهم الجراد

[natural4767]

ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااااااااااا
ااااااااااااااااااااااااااااااااااااااااا
معوض خير ان شاء الله