يا شباب الكاسكو ايسوي حركه غريبه هاليومين

[yousef545]

يا شباب اشلونكم عساكم مرتاحين

عندي كاسكو صار ايحك منقاره بيدي ولا على القفص ولا بخشب ولا اي شي

و ايطلع صوت غريب مادري بس احس انه الموضوع غير طبيعي

نفس الي ايحط منقاره بشي صايدتني حكه بمنقاره ولا بالع شي ولا مادري بالظبظ

يالربع نصايحكم شاسوي الحل كاسر خاطري و ماكان ايسوي هالشي قبل

[بكاتشو]

اذا يحك منقاره ببعض ويطلع صوت زي تكسير كذا فهذا مبسوط ومرتاح
واذا على يدك يطلع صوت زي الفحه او تحسها كانها من داخل صدره لكن وهو على يدك او جنبك فقط اقول لك مبروووووك طيرك مغرم فيك ويحبك بشكل جنوني
ولا عليه الا العافيه واهتم بطيرك لانه بيتقبل منك اكثر
بالتوفيق

[yousef545]

اي اخوي صادق لهثه او بحة صوت من داخله بس ايحك منقاره يمين يسار بأصابعي

و لا على خشب شي و لا في القفص


و اخوي شكرا ماقصرت ان شاء الله وصفي ايكون في مكانه و كلامك ايكون صح و الله ايبشرك بالخير

للعلم اذا حطيته على الارض ولا ع الكرسي اناديه ايييلي طيران يقعد على يدي و مرات الميزانيه تخترب

اي مكان ثاني و عن الاهتمام وايد مهتم نفس اعيالي هههههههههههههههههه بخصوص اني مب متزوج

[الفليح]

الله يبارك لك فيه



صحيح كلام اخونا


بالتوفيق

[*هاوي البادجي*]

اذا يحك منقاره عادي جدا

حط ماي تنظف منقاره

وبخصوص الصوت ياريت تسجل وتنزل على اليوتيوب او على اي مواقع على الاقل نسمعه

*فواز*

[rcoood]

ع حسب وصفك اخوي الطير اذا يحك منقارو يعني مبسوط ومافي قلق ان شاءالله

[yousef545]

ماقصرتو يا شباب كلكم بلا استثناء و ان شاء الله في ميزان حسناتكم يارب


و الامور طيبه عندي ولله الحمد

[عشقي البلوفرنتد]

لا تقلق
هذا شي فطررري في جميييييييع الببغاوات

بالتوفيق

[Skippy]

اخوي ماعليك هذا شيء طبيعي جداً مثل ما قالوا الاخوان
وبالنسبه للصوت والله مافهمت وش قصدك
لو فيه امكانية تسجل الصوت يكون افضل
لكن مادام الطير ان شاء الله ياكل وحركته طبيعية ولا فيه خمول
فان شاء الله ماقيه الا العافية .

تقبل مروي اخوك أبو فيصل ..،