منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
 |
|
|
أدوات الموضوع | إبحث في الموضوع | طرق مشاهدة الموضوع |
10-11-2012, 07:48 PM
|
#1 |
|
هاوي جديد
|
ماهو العمر المفروض ان الكاسكو يتكلم فيه
اخواني انا عضو جديد هنا وهاوي جديد للكاسكو كنت اشوفه عند اقربائي ولكن ماحبيت اشتري واحد بحكم انه يبغى له عنايه خاصه لين جاء اليوم الي اقتنعت وشريت واحد بعمر سنه وشهرين تقريبا المهم يوم اخذته حسيت اني شاري اسد الطير مايبغى احد ويجعر ويعض وشافوه كذا واحد من اهل الخبره قالو لي هذا افريقي ويحتاج وقت طويل للترويض وكبير سن وماهو مدرب ونصحوني ببيعه او اصبر عليه وبحكم اني شريته غالي قلت بصبر المهم يالربع الحين الطير له ثلاث اسابيع عندي ماشاء الله تبارك بفضل الله ثم بفضل خبراتكم في هالمنتدى طبعا واجهت صعوبات ولكن الطير الحين يجي على اليد وعلمته اناديه ويطلع من القفص وعلمته اقوله راسك وينزل راسه وامسح عليه ولا يقول شي ويمسحون على راسه الاهل عادي وياكل من اليد واستانس وتعود على المكان ويصفر وييقلد اصوات تصفير بس ماشاء الله كل الي شافوه قالو مستحيل نفس الطير الحين باقي لي شي واحد ابغى اعرف في اي سن المفروض يتكلم على العلم انه ينطق اسم ولدي بالتصفير فقط عبود والطير يسمع ماشاء الله ويقلد اي صوت تصفير بس الكلام لسه انا اشغل له مقطع كلمة الو تشتغل وتتكرر عليه طول الليل والقنه على يدي بس هل عدم الكلام عشان السن او فيه طريقه افضل لتلقين الكلام ؟؟؟ ومشكورين |
|
|
11-11-2012, 02:15 AM
|
#2 |
|
هاوي متميز
|
رد: ماهو العمر المفروض ان الكاسكو يتكلم فيه
ومبروووك عليك الطير السن طال عمرك على حسب ذكاء الطير وتركيزه فيه كاسكو ينطق بعمر 6 شهور اما المعتاد والاغلبيه في بحر السنه سنه ووشهرين ثلاثه او 10 / 11 شهور والتلقين بالليل م يفيد لازم ينام الطير ويرتاح ب الليل اقل شي 8/10 ساعات معروف ان الطيور تسري مع غياب الشمس انت كذا م ريحته لا بالليل ولا النهار وافضل وقت للتلقين الصباح بدري لانه لو تلاحظ اكثر الطيور تصير راقيه الصبح تغرد وتصفر واذا كان رايق بيركز ويحفظ بسرعه اتمنى اني افدتك تقبل مروري |
|
|
|
11-11-2012, 08:02 AM
|
#3 |
|
محترف جدا
|
رد: ماهو العمر المفروض ان الكاسكو يتكلم فيه
مابقى الاسهل وهوا التلقين .. الكاسكو يتكلم باي عمر ولكن بالصغر اسرع بشوي لما يكون كبير بالعمر ولكن لو اتكلم وهوا كبير راح يبدع اكثر ابدا مع الطير بكلمه واحده فقط ولا تكثر الكلمات اختار اسم للطير وابدا كرر الاسم عليه يوميا ولا تحاول تحط مسجل وغيره انت حاول تيجي له وتكون قريب منه وتعطيه كلمه وحده فقط وقت تغير الاكل والمويه او وانت تحك راسه ( وكثر طيور اول مابدات بالكلام بدات بكلمة راسك راسك ) لانه هذا الوقت معطيك راسه وهوا مركز ومنتبه لاي حركه واي صوت ,,,,,,
__________________
^-& |
|
|
|
17-11-2012, 07:32 PM
|
#4 |
|
هاوي جديد
|
رد: ماهو العمر المفروض ان الكاسكو يتكلم فيه
وان شاء الله تتكلم عما قريب |
|
|
|
17-11-2012, 08:49 PM
|
#5 |
|
محترف جدا
|
رد: ماهو العمر المفروض ان الكاسكو يتكلم فيه
منوووووووووووور اخوووووووووي عمر دااام الطييرررر تحسن اصبرررر عليه شهر الئ شهرين اذا ما شفت تطوووورررر توكل على الله وبعه واشتر غيرررره وموووووووووووووووووووووووووووووووووووووفق يا عمر تحياتي..عشقي البلوفرنتد
__________________
فتنت بجمالها ، ينهـار كياني امامها،تجذبني الوانها، عيوني تنسااق لهـا،تفكيري مقيد بها، احببتها فاصبح وقتي لها،...انها الببغاوات ليس مثيل لها [/COLOR] |
|
|
|
| Bookmarks |
| Tags |
| ماهو, المفروض, العمر, الكاسكو, يتكلم |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
جميع الأوقات بتوقيت GMT +3. الساعة الآن 09:11 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |