لخبراء الامزونيات فقط

[كحيلان]

السلام عليكم

اخواني عندي يلوناب سنه صغير

المهم متى اعرف انه توقف عن النمو

يعني عند اي سنه يكون الحجم الطبيعي له ؟

سؤال اخر :: انا دايم اسمع كلمة الببغاء ينغر فما معنى كلمة ينغر بالتفصيل

وسلامتكم

[r_3ly]

السلام الأمزونيات في حدود السنة يوقف نموة بس يتغير لونة شوي
وكلمة ينغر يعني
الفرخ اللي ياكل بالابرة ماياكل بروحة

[كحيلان]

مشكور يالغالي ..

بس وين الباقين وين المشرفين وين الخبراء

انا لاحظت كثرة التحفظ على المعلومات بهالمنتدى مادري ليه؟

[سكر]

ههههههههه كحيلان والله ضحكتني

أي تحفظ الله يعافيك,, سوق أسهم هو؟

يا قمر كل مافي الموضوع اننا نحاول قدر الإمكان ما نكثر ردود إلا إذا الواحد عنده إضافة أو شكر بس

وأخوي r_3ly جاوبك على سؤالك بشكل واضح

أنا والله يشهد اني دخلت على اساس أجاوبك بس لقيت نفس جوابي عند أخي الكريم r_3ly

وصدقني هذا حال أغلب الأعضاء يا قمر


على العموم ينغر,, هذي كلمة خاصة بأهل الشرقية والخليج بصفة عامة,,

ومعناها اننا نرضعه بالإبرة أو نعطيه سيرلاك بالملعقة,,,

المهم انه فرخ لسى ما ياكل بذور,,,

وبالنسبة للنمو إذا تقصد حجمه,,, فالحجم يبدأ وهو فرخ ويكبر شوي شوي لحد تقريباً خامس شهر,,

بعد كذا يصغر حجمه شوي,,

ويشتد عوده...

يبقى على هذا الحال لحد سنة تقريباً على نفس الحجم,, لكن عضامه تتمدد بشكل بطيء جداً غير ملحوظ,,

بعد تقريباً سنة أو سنة ونص, تلاقي شكله اختلف,, بس مو عشان حجمه صار أكبر,,

لا المقصود ان ريشه السابق يكون كله صار ريش جديد,, وتشكل بطريقة أكثر جدّية

ذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذ << هذا ببغاي كتبها لك ههههههه

المهم

أعتذر عني وعن كل الأعضاء لعدم مشاركتنا لك في موضوعك,, وهذا حقك علينا,,

أتمنى تقبل اعتذاري

تحياتي