تجربة نقل البيض والديايه راقده عليه

[سحابة خير]

هذه تجربة وخاطري أنقلها لكم

كانت ديايتي تخش البيض في زاوية بعيده عن الأنظار داخل بيت الجيران في مكان هادئ ومافيه أي حركه

المهم يوم من الأيام أختفت الديايه ما شفتها في حديقة البيت

دورت عليها الصبح في اليوم الثاني لقيتها راقده على البيض في بيت الجيران

استشرت واحد من أهل الخبرة في طريقة نقلها للبيت .

قال لي : جهز قفص صغير وجهز فيه العش

وروح الصبح وامسكها في يد وأنقل البيض جدامها لازم تشوف البيض يعيونها وأنت تنقله وبعدين خلها ترقد على البيض وسكر القفص


سويت الطريقة وانجحت


في طريقة ثانية: ( إذا ما كان عندك قفص صغير )

خذ معاك بطانية صغيرة وحط فيها رمل وبعدين خله تحت الديايه


يعني تمسك الديايه وتشيلها عن البيض وتحط البيض على البطانية وخل الديايه ترقد عليه مره ثانية في نفس المكان

وإذا ارقدت على البيض شلها بالبطانية مع بيضها وخلها داخل القفص


وانتبه لازم وانت تنقل البيض يكون جدامها وهي تشوفك عشان ترقد عليه







هذه الطريقة انجحت معاي

[@الزير@]

مبروووك وعقبال مايفقسوا وبالتوفيق

[سحابة خير]

المشاركة الأصلية كتبت بواسطة @الزير@

مبروووك وعقبال مايفقسوا وبالتوفيق

تسلم يالغالي على المرور والمشاركة

وان شاء الله يارب يفقص


أتمنى ما يكون البيض اخترب في هالحر

[! هاويه الطيور !]

ماشاء الله التجربه الاولى حلوه
يعطيك العافيه اخوي ماقصرت
وان شاء الله تعم الافاده للجميع

[سحابة خير]

المشاركة الأصلية كتبت بواسطة ! هاويه الطيور !

ماشاء الله التجربه الاولى حلوه
يعطيك العافيه اخوي ماقصرت
وان شاء الله تعم الافاده للجميع

تسلمين الغالية على المرور والمشاركة



وهذي الديايه ملهوفه على الأمومه من قلبها


نقلتها ثلاث أماكن ولا قامت من عالبيض


وفي النهاية طلع كله خربان


عاد أنا سويت خطه وانجحت

وأفردت موضوع في المنتدى عن الخطة





وهالديايه أنا مربيها من أول ما اطلعت من البيض

تربية بيت


تشوفني من بعيد

تجيني ماتخاف مني



حتى لما أروح لها ما تقوم من عالبيض

متعوده علي



الحمد لله عقبال ما تفرخ من بيضها الحقيقي

مستقبلا


- آمين -