السلاحف ذات الاذن الحمراء .. شوي من وقتكم لو تسمحون

[همـس الوفا]

السلام عليكم ورحمه الله وبركاته

شحالكم ؟؟ عساكم الا بخير

انا عندي سلحفاة ذات اذن حمراء

واسمها تو تو ^_^<< اعتقد انها انثى !!

وهذي صورتها



المهم انا ابا اعرف اذا هي بريه او مائيه او برمائيه او شو سالفتها

طبعا هي هديه ويت ويا حوض فيه ماي ..

بس مب وايد شويه ...

وبعد احسها ماوايد تحب الماي كله تحاول تظهر من الحوض..

عسب جي اخليها تتمشى فالحوش واحسها تكون مستانسه اكثر من الماي

ولو زدت الماي شوي ماتقدر تعوم وتقعد تتحرك جنها بتغرق

عسب جي محتاره ماعرف هي من اي نوع

ومن بدا الشتا هي دوم ترقد ولما اظهرها تنخش فمكان مظلم ودافي وترقد فيه فديتها كيوت

ماعرف عندها سبات شتوي ولا شو السالفه ...؟

عشان جي دوم اظهرها من الحوض واخليها فمكان دافي ومظلم لساعات

يعني عادي اخليها بالليل لي الباجر .. تكون جافه ...مادري عادي الي اسويه و لا لا ؟

واممم

و انا اشتريت لها حوض عود وقلت بخلي جزء فيه ماي وحصا

وجزء فيه مخده عشان تنخش تحتها وترقد..

بس ماعرف كيف اطبق الفكره .. حاولت اسوي اشياء بس كلها فاشله

وفي فترات احس انه في ورم فعينها ... مادري ليش

وبعد ابا اعرف هي تتنفس فالماي ولا فالهواا ...! ولا الاثنين خخخ

وادري طولت فالرمسه

واذا اتذكرت اي سؤال عقب بخبركم

على فكره .. انا قريت الموضوع الي فيه معلومات عن هالنوع

واعرف افرق بين الذكر والانثى.. والي اشوفه ان تو تو انثى

واي حد عنده معلومات غير هذي اتمنى يفيدنا

المهم انتظر رددكم والسموحه

ويزاكم الله خير

[m.m.m]

اختي انا ماعندي خبرة كافية بس بجاوبك بلي اقدر عليه حطيلها حوض فيه نص احجار ورمل ونص مويه واتوقع في لمبة UV حقت السلاحف تغنيها عن اشعة الشمس بس مو ضروري تقدرين تحطينها في الشمس يوميا وتقولين انها تحب المكان الدافي حطيلها لمبة حرارة وانشاءالله الاعضاء يفيدونك

[m.m.m]

اختي سلحفاتك برمائيةانا ماعندي خبرة كافية بس بجاوبك بلي اقدر عليه حطيلها حوض فيه نص احجار ورمل ونص مويه واتوقع في لمبة UV حقت السلاحف تغنيها عن اشعة الشمس بس مو ضروري تقدرين تحطينها في الشمس يوميا وتقولين انها تحب المكان الدافي حطيلها لمبة حرارة وانشاءالله الاعضاء يفيدونك

[m.m.m]

اختي سلحفاتك برمائيةاناما عندي خبرة كافية بس بجاوبك بلي اقدر عليه حطيلها حوض فيه نص احجار ورمل ونص مويه واتوقع في لمبة UV حقت السلاحف تغنيها عن اشعة الشمس بس مو ضروري تقدرين تحطينها في الشمس يوميا وتقولين انها تحب المكان الدافي حطيلها لمبة حرارة وانشاءالله الاعضاء يفيدونك

[همـس الوفا]

حياك الله اخوي m.m.m

ان شاء الله بطبق فكره الحوض وبخبرك النتايج..

اما اللمبات اول مرة اسمع عنها

بشوف وين يبيعونها

وان شاء الله ترضى علينا تو تو

واشكرك على المرور والرد

وفي انتظار ردود باجي الاعضاء

لاهنت

[العجيب!!]

سلحفاة ذات الاذن الحمرا حطلها قفص نص رمل ونص ماء

لانها تحب تتشمس تحت اشعة الشمس

[العجيب!!]

التمييز بين الذكر والانثى :-

1 : الانثى :-

الخط الاحمر على الوجه كالح ويميل الى البرتقالي والبني

1 : الذكر :-

الخط على الوجه احمر فاقع ومشع

2 : الانثى :-

المخالب قصيره .

2 : الذكر :-

المخالب طويله

3 : الانثى :-

اكبر واثقل

3 : الذكر :-

اصغر

4 : الانثى :-

الذيل يكون قصير ورفيع

4 : الذكر :-

الذيل يكون طويل وغليظ

[ehap_ali2005]

الف شكر على الموضوع وفى انتظار المزيد