عن الطب البيطرى ( طب المحافظة على صحة الانسان )

[Dr.The best]

طبعا العنوان غريب واللى هتسمعوه فى الموضوع ده اغرب لان فى بلادنا العربيه يقتصر معنى الطب البيطرى على معالجة الحيوان فقط وده فيه ظلم كبير لينا

يلا نبدا مع بعض نعرف يعنى ايه طب بيطرى وايه مدى تاثيره فحياة عالم الانسان والحيوان

اولا الطب البيطرى هو طب المحافظة على صحة الانسان يعنى ايه الكلام ده يعنى ان العلم الذى يهتم بالحفاظ على صحة الانسان هو الطب البيطرى هتقولو امال الطب البشرى بيعمل ايه ؟؟ الطب البشرى يعالج المريض ولكنه ليس له علاجه بالانسان السليم بمعنى انه يتعامل مع الانسان المريض فقط اما الطب البيطرى فهمه الانسان المعافى .. ازاى برده ؟؟؟

اقولوكم ازاى ......... اولا الطب البيطرى بيدرس الامراض المشتركه بين الانسان والحيوان وهو المسؤل عنها مسؤليه كامله ومنها جنون البقر انفلونزا الطيور سارس البروسيلا الجمرة الخبيثة وغيرهم كتير

وكمان فيه حاجه خطيرة احنا المسؤلين عنها هى الارهاب البيولوجى زى الجمرة الخبيثة والارهاب الزراعى بعمل تهجينات لجينات حيوانيه مع نباتات لانتاج امراض خطيرة

ولسه دورنا لم ينتهى مع الانسان ................... لسه فى كتير اقولكم عليه المره الجاية

[تفاحه حمرا]

تسلم عالمعلومات القيمة وبصراحه اول مره اسمع فيها.. في انتظار معلوماتك الباقية ...

[Dr.The best]

انتظرو المزيد

[Dr.The best]

ايه

بتقول ايه ؟؟

بقول الطب البيطرى البديل ايوه فى طب بديل بيطرى

طب ازاى ده

يلا يا عم نعرف مع بعض

الطب البيطرى البديل والتكميلى .

: Alternative and complementary veterinary medicine

الطب البيطرى البديل والتكميلى.

مقدمة ( INTRODUCTION) :

لم اجد ترجمه حرفيه تلائم تقديم موضوعى غير الطب البيطرى البديل , وهذا لان هذا هو مضمون الموضوع , ففى هذا الموضوع اتناول وجهه جديده للطب البيطرى الا وهى الطب البديل وان كانت اختلفت اسماءوه عند الامم , ولكن هذا هو معناه هنا فى مصر بالمفهوم العامى , واختلف اسمه العلمى اثناء تدريسه فى كليات الطب البيطرى خارج مصر فنجده فى الصين كدولة عريقة اهتمت بالعلاقة الوطيده بين حياة الانسان والحيوان نجده (TCVM)وفى دول اخرى
يقولون انه VETERINARY HERBAL MEDICINE والبعض الاخر يقول Ethnoveterinary medicine........وكان المصطلح الاقرب للصحة من وجهة نظرى هو Alternative and complementary veterinary medicine

ولكن ما الذى يقدمه وازاة طرق العلاج وهل ممكن الشخص العادى يعرف عنه ويستخدمه

ده كله معانا هنا فى هذا الموضوع حصريا من

the best*

مشرف باحدى منتدات موقع د مصر

[تفاحه حمرا]

تم دمج الموضوعين ليسهل على الاعضاء المتابعه ..
وتم حذف الموقع ..الاعلان عن المواقع ممنوع في قوانين المنتدى
وحياك اخوي ..وموضوعك قيم ومفيد ..اتمنى منك الاستمرار فيه..

[Dr.The best]

يبقى يا جماعه هنتكلم هنا عن الطب البيطرى العادى والبديل اوكى

استنو الحلقه الجاية

حلقة جامده جدا حصريا فى الوطن العربى من ذا بست

[sheko-the-evil]

بجد مشكور على المعلومات القيمه عن الطب البيطرى بكل نواحيه

[د0ألماس]

[SIZE="6"]شاكر لك يادكتور على الطرح المفيد والذي أتمنى أن يتغير فيه مفهوم كثير من البشر من أن الطبيب البيطري هو خط الدفاع الأول بعد الله سبحانه وتعالى في حماية البشر من الأمراض المنتقلة لهم من الحيوانات، كما أن الطبيب البيطري هو طبيب إقتصادي يعني000عن طريقه يتم المحافظة على صحة الحيوان وبدونه تحصل كوارث إقتصاديه من جهل في الأمراض والتشخيص وبالتالي عدم وصف الدواء الجيد للحالات المصابه وبالتالي قلة في إنتاج الحليب ورداءة في اللحوم
كما أضيف أن الدواء البشري لايعطى لأنسان الإ بعد تجريبه على حيوانات وذلك بإشراف الطبيب البيطري0000في الدول المتقدمه ومن أناس أثق فيهم أن دخل العيادات البيطرية خيول - كلاب وغيرها من الحيوانات تعتبر دخلاً مرتفع جداً000
الطب البيطري لم يأخذ حقه بالكامل عربياً حيث أن الراتب قليل وبدل الخطر سيئ وهو يعرض نفسه للخطر من أجل مصلحة البشر ولكن 00000
دولنا نائمة وليست نامية 0000[/SIZE]

[Dr.The best]

ودلوقتى نكمل طب المحافظة على صحة الانسان

دلوقتى مع اهم نقطه خدمية بنقوم بيها وهى صح اللى تمنحنا لقب اطباء يعالجون الانسانية وهى الامن الغذائى واللى بنبقى مسؤلين عنه بصورة اساسية

فاكلنا وشربنا ده كله المطلوب يبقى بصفات وخصائص معينه وخاصة ان يكون صحى ومفيهوش الامراض اللى قلنا عليها ده غير اللى بنشوفه من نقل للامراض عبر الاغذية من شخص للتانى زى فيروس سى واللى بيملا عربيات الكبده والاكل التيك اواى ده وغير كده الرقابة اللى مش موجوده اصلا على الاغذيه وطبعا ولا فيه لبن بالسراميك ولا فيه اى حاجه منتهية الصلاحية ولا فيه لانشون بالفران والاشية معدن ومزهزهه

ونيجى لنقطة تانيه وهى البيئة ويمكن اكتر كلية على الاطلاق مسؤلة او الوحيده المسؤلة عن صحة البيئة هى كليتنا وزى مبتشوفو طبعا بنقوم بقتل الكلاب فى الشارع عشان نحافظ على البيئة المهم مسؤلين على الحفاظ على انواع الحيوانات وصحتها وتحقيق التوازن البيئى وغير كده بنهتم بعلاقة البيئة بالانسان وطبعا استكثار الحيوانات وتوفير المصادر الغذائية للانسان وتحسين السلالات

ونيجى لنقطه مهمه وهى ان الان فيه زراعه للاعضاء الحيوانيه فى الجسم البشرى وده بيبقى بتجهيز الحيوان المنقول منه العضو واشهرهم الخنزير بطرق معينه ده غير انتاج الادوية والهرمونات من الحيوانات زى مثلا هرمون الانسولين فى لبن البقر ............. وحجات كتير المهم اعتقد دى مقدمة كويسة وتعريف مقبول بالطب البيطرى

استنونا الحلقة الجاية