هل ينجح حلمي في تربية الببغاء ..ردو عليه

["راعي الخزنه"]

سلام عليكم

شحالكم؟؟..


عندي مرزعه وسويت قفص كبير فيها وفكرت ياربي شوه احط في خاطري احط الدره كم زوج

واحط الكراون مثل مايسمونه والبادجي والحب هل ينفعون مع بعض احس بيتضاربون

انزين لوحطيت الدره كم زوج القفص كبير يمكن 5 متر في 5 وارتفاع مترين ونص ؟؟

لكم زوج يكفي ؟؟ وهل يبدون التكاثر من عمر 2 سنتين يعني يطولون وايد

وانا مجهز القفص حق الببغاء حاط فيه جذوع شجر جافه وحاط فيه عشب

ومرتب المكان وحاط لهم بييوووووت


بليز خبروني شوه انواع الببغاء الي اقدر احطهم مع بعض

او اني احط معاهم بلابل زوج او زوجين


هل ينفع ثلاث او اربع ازواج دره وزوجين بلابل ؟؟

شوه الي ينفع مع الدره؟؟ بادجي ولاحب ولازيبرا ولاكروان ولاغرب ؟؟...

وتسلموووووون وبليز جاوبوني حلمي من 10 سنين او اكثر بس ماكانت عندي الفكره بالظبط

[لوتيه]

الله حلمك حلو و عقبال ما اسوي شراتك..
بس انا 2 مكاو و 2 كوكاتو و 4 كاسكو و بعد ابا 2 يلو ناب و لا يلو هيد و كوكاتو جاكالا
و احطهم كلهم مش في مزرعه فالبيت المزرعه بتعايز كل يوم اضرب خط عشانهن لاكن فالبيت حلو فالحوي ..
و الله فكرتك ترتوب .. ياليت لو تحط صور القفص و كيف سويته حقهم ابا اشوفه ماعليك امر
بس اظن البادجي و الدره مايتوالفون بيتضاربون ..
ان شاء الله اهل الخبره بيردون عليك الرد الاكيد ..
و لا تنسى ابا صووووور بلللللللللللليز

["راعي الخزنه"]

القفص بخلص كل الترتيبات النهائيه وبعرضه ياليت يقولون لنا رايهم باقي الاخوان وصباحكم خير

[افريكانو]

هلا اخوي راعي الخزنة


ياخوي عندك البادجي و الكروان (الكوكتيل ) و طيور الحب و الفيشر بانواعه و الكناري يتوالفون مع بعض و نفس الاكل ياكلون
هذا و الله اعلم

الدره تختلف عنهم بالاكل و الحجم فما اتوقع يتوالفون

تقبل مروري

[الخبراء]

انصحك انك تشكل با اكثر عدد من الطيور حط طيور صغار و كبار

[فتفوته]

اخوي افضل كل نوع تحطه لحاله لان عندك مثلا طيور الحب والبادجي طيور جارحة ما ينفع تحطهم مع الكناري
وكذالك الكروان والدرة ..

والله يوفقك في المشروع

[كاجو]

مراحب اخوي

الي اعرفه ان البادجي بنفع مع الكوكاتيل الكروان لانهم في البريه يعيشون في جماعات مع بعض وانا جربت وحطيتهم مافي مشكله لاكن الكناري ماينفع معاهم ابداً
وعندك مثلا جميع ببغاوات فصيلة الكوكاتو يتوالفون مع بعض واحيانا الكروان يعيش معاهم حتى البادجي مع الكوكاتو مايسوي مشاكل هذا من الي اشوفه من الي عندي والله اعلم
ومره شفت عند ناس في استراحه فيها طيور كثيره حاطين شبك كبير جداً جامعين فيه البادجي والكروان والدره المطوقه بس يقولون انهم كانو جايبينهم من يوم كانو فراخه وتوالفوا مع بعض وعموما تحتاج الي سؤال خبير في هذا الموضوع واعلم اخوي ان الطيور احيانا من نفس الفصيله ولا تتوالف مع بعض وهذا حصل عندي في فصيلة البادجي كان في طيرين دائما في شجار مستمر وهم ذكور واضطريت الي فصل واحد منهم عن المجموعه ..
فانت تحتاج عند وضعهم الي مراقبتهم لفتره طويله حتى تعرف مدى الانسجام بينهم..

[لوتيه]

صح كاجو نبهك على شي كنا غافلين عنه حتى لي نفس الانواع مش الكل يتوالف رباعه
يعني انا الكاسكو 2 متوالفات لاكن الثالثه لاتحبهم و لا يحبونها مع انهم كلهم من فصيله وحده
يعني لازم تحط كل الاحتمالات يوم بتاخذهم لا زم يكونون متوالفات ...
و الله يوفقك ان شاء الله و لا تنسى نرقب صور القفص يوم بيكتمل ...

[مجنون عويشق]

السلام عليكم

ياغالي انت اسمك راعي الخزنه ..يعني واضح انك بطران من اسمك..هههههه

والبطران يقدر يسوي الي يبي ...


ياغالي الاخوان ماقصروا معك

ولكن لاتنسى أن تربية الببغاوات ..لاتأتي في يوم وليله ..

أولا هل لديك خبره في تربيتهم سابقا

فلو قلنا بتجيب جوز كاسكو ...هل راح تتفرغ لهم ..وتنتبه لهم اول باول ..وتشوف الانتاج ..وتكون ملم بأمراضهم ..


وهكذا

بالنسبه للكوكاتيل والبادجي ..هذولا ...ما ايحتاج اي خبره لتربيتهم ..فهم كالكناري في تصوري ومن نظري


بالتوفيق لك

[كاجو]

المشاركة الأصلية كتبت بواسطة مجنون عويشق

السلام عليكم

بالنسبه للكوكاتيل والبادجي ..هذولا ...ما ايحتاج اي خبره لتربيتهم ..فهم كالكناري في تصوري ومن نظري


بالتوفيق لك

وش دعوى عويشق رررررررررررررجاءً لا تقلل من شأن البادجي والكوكاتيل لانهم نفس الشيء محتاجين خبره في التربيه ومعرفة امراضهم وتفريخهم .. يعني انت ماتحبهم لا تبخسهم حقهم
ترى لهم عشاق مثل الببغاوات....
تراي امزح معاك لا تزعل بس انا احب ادافع عنهم ..

.