هو انا لازم امشى قططتى علشان وَلَدت ؟؟؟

[cherries.sweets]

السلام عليكم

انا عندى قطقوطة لذيذة عمرها سنة ونصف وطبعا من وانا حامل الكل قاللى امشيها علشان التوكسوبلازموس وان ممكن يحصللى اجهاض .. عموما انا رفضت امشيها ووالدى ايدنى بما انه دكتور بيطرى ومر الحمل على خير ومحصلش حاجة وولدت الاسبوع اللى فات ... ورجعوا تانى يقوللولى امشيها علشان ممكن تسبب حساسية الصدر للبيبى ... دلوقتى انا وجوزى بنحب القطة دى جدا ومتعلقين بها ومش قادرين نمشيها وفى نفس الوقت قلقانين على البيبى ومش عايزين مشاكل تحصل له .... فياريت لو حد مر باللى احنا فيه ينصحنا نعمل ايه او لو حد متاكد ان مفيش مشاكل ممكن تحصل او لو فيه امكانية للوقاية من الموضوع ده ...... ياريت حد يرد على ويساعدنى علشان الموضوع ده عامللى اكتئاب وقلق .....

شكرا واسفة انى طولت عليكم .......

[ام ياسمين]

اولا حمدالله على سلامتك والبيبى نور دنيتنا ربنا يخليهولك ى رب
انا مريت بنفس الموقف والحمدلله ربنا رزقنى بمصطفى دلوقتى سنتين ونصف وطبعا اكيييد عارفه ايه اللى يسبب التكسوبلازما ف طبعا هتتجنبنى الاكل الغير مطهو واللحوم المصنعه واكيد والدك فهمك وبالنسبه للبيبى احرصى على ان قطتك تنام فى مكان خاص بيها ومش جنبه للحرص فقط مش اكتر وربنا يبارك فى ابنك وقطتك ى رب

[Sara3z]

وعليكم السلام الحمدالله على سلامتك وسلامه البيبي

ماحس فيه خطر اهم شي نفس ماقالت اختي ام ياسمين حاولي انو البسه ماتقرب

من البيبي مرة واحب اضيف احرصي على نظافه المكان اللي تحطين البيبي فيه

من * شعر القطه * وبس حبيبتي ..

ربنا يخلي لك البيبي وابو البيبي والبسه بعد

[فاتـــو]

اهلين اختي
شوفي هو من ناحيه الحساسيه ممكن الطفل يتحسس من اشياء معينه من صغره
يعني تكون حساسيه من الفرو حق القطط
انتي للاحتياط بعديه عن الطفل بس بالنسبه للاضرار ابد
دام القط مطعم واكله صحي ومطهي مافي خوف ابد

ومبروك على البيبي الجديد ^^

[Octopus]

صح كلام فاتو ولو القطط مربية بالبيت و مطعمتة ما بيكون في اي خطر ل المراة الحامل

[ملكه القطط بيشو]

الحمد الله على سلامتك
أهم ثلاث أشياء عشان ما يصير حساسيه لصدر البيبي:-
1.القطه لو متربيه كويس في البيت تبك و متوده على أوامرك مثلا لما تقولي لها لا تدخلي لذاك المكان ما تدخل يكون كويس
2. على الاقل تكون أخذه حقنتين أو تطهيمتاين أو تطعيمه و الاحسن ان تكون واخذه كل التطعيمات لزياده الضمان
3.لا تخلي البسه تحكحك وايد بالبيبي لأن هذا رح يدعم المزيد من ضمان عدم التحسس لبيبي
و يتربوا هم الأثنين في عزك أن شاء الله
و كلام فاتو أيضا صح
..بيشو..

[شاهستا]

اهلا بيكى

الف مبروك وربنا يخليك البيبى يارب

متقلقيش من موضوع القطه خالص بالعكس فى دراسات دلوقتى اثبتت ان القطط

بتمنع حدوث الربو عند الاطفال

يعنى مفيش منهم قلق

[cherries.sweets]

انا متشكرة اوى على ردودكم .. هو ده نفس الكلام اللى والدى قالهولى ولكن بعد ما جوزى بدأ يقتنع عرفنا ان الربو وراثة فى عيلته ....

فمش عارفة هل ده معناه انى فعلا لازم امشى القطة لانها ممكن تثير الحساسية عنده ولا ايه ؟؟؟؟؟؟؟؟؟ مع ان ممكن اى حاجة تثير الحساسية دى بس احنا مش بنيجى الا على الغلبانة دى .....

ياريت تجاوبونى معلش انا تعباكم معايا ....

[شاهستا]

لو قريتى ردى كويس هتعرفى الرد ^^

زى ماقولتلك فى دراسات اثبتت ان القطط بتقلل نسبه اصابه الاطفال بالربو

متقلقيش ولو خايفه اوى كدة متخليهاش تدخل المكان الى البيبى بينام فيه

[cherries.sweets]

المشاركة الأصلية كتبت بواسطة شاهستا

لو قريتى ردى كويس هتعرفى الرد ^^

زى ماقولتلك فى دراسات اثبتت ان القطط بتقلل نسبه اصابه الاطفال بالربو

متقلقيش ولو خايفه اوى كدة متخليهاش تدخل المكان الى البيبى بينام فيه

ربنا يطمنك ... انا متشكرة على ردك ... وربنا يستر