عاجل عاجل تفكون يكسر الخاطر بس يماوي

[هاااايز]

السلام عليكم ورحمة الله وبركاته


اخواني وخواتي شريت قط عمره شهر وعشره ايام له الحين ساعتين عندي ما اكل شي ولا شرب شي بس يمشي ويماوي واذا حطيته في حضني سكت وقام يلعب ولا ينام بس ما اكل شي وراعي المحل يقول انه ياكل بس لازم تحط له حليب كل اسبوع مرتين والاكل حقه ماخذه من نفس المحل وقالي هذا هو اللي متعود عليه الاكل كيسته صفراء

[دلوعةقطوتي]

وعليكم السلام ورحمه الله وبركاته
حرام القطو لسه صغير هالمحلات قلوبهم قاسيه مفروض مايفصل عن امه لحد مايفطم بعمر الشهرين
هو فاقد اللي معاه ممكن امه واخوانه والمكان لسه جديد عليه
والاكل نوع له بالاكل مو بس الدراي فوود
اكله دجاج مسلوق سيريلاك جبن مثلث كيري دراي فوود للكيتن وسمك مسلوق بيضه مسلوقه او مقليه زبادي قليل دسم الخ
ذوقه باصبعك الاكل

[هاااايز]

ايه انا شريت دراي فود للكيتن بس ما اكل شي انا الحين دفيته وحطيت له كنبل ونام فوقه وطفيت اللمبه وساكت من اليوم بس فجاءه يقوم ويقعد يماوي ويجي لعندي حسيت انه جيعان اعطيه حليب سعوديه اسخنه شوي يمكن يتغذى لان اهم شي عندي اشوفه ياكل ويشرب ماي وراعي المحل قالي يومين ثلاثه بيماوي عليك عشانه فقد اهله وامه

[دلوعةقطوتي]

يا مسكين لسه صغير لو تقدر رجعه لحد مايكمل شهرين ويفطم من امه
حليب السعوديه لاتعطيه لانه بيسبب له اسهال لو عندك حليب اطفال خالي من اللاكتوز
او اخلط مع حليب السعوديه مويه الرز المصري عشان مايسبب له اسهال
وذوقه الجبن باصبعك او الزبادي وان شاءالله ياكل
خليه بحضنك تراه زي البيبي يخاف

[هاااايز]

طيب كيف طريقة الزبادي وحليب السعوديه مع ماء الرز المصري والله تعبت نفسيتي عليه من امس ما اكل شي الزبادي احط معه ماء اخلطه كيف

[دلوعةقطوتي]

الزبادي عادي اعطيه اياه بدون شي بس اعطيه قليل دسم او اخلطه مع دراي فوود لان الدراي فوود قاسي عليه
اما الحليب اسلق رز مصري وخذ من مويته واخلطه مع الحليب بس ترى الزبادي كفايه
او صلح له سيريلاك بالقمح اخلطه بمويه وخليه ياكل
وشي طبيعي مايرضى ياكل لان المكان لسه جديد عليه

[هاااايز]

مشكوره اختي ياكل زبادي من اصبعي بس مهب كثير وفريت المحلات لين حصلت حليب للقطط الصغيره وشريته ومع مرضعه صغيره لهم وسويت الحليب وشرب من اصبعي شوي لحستين ولا ثلاث والمرضعه ما شربت منها ابد وشريت من اكل ويسكاس دجاج مع المرق حقه ولحسته شوي وحاولت تاكل احسها ما تعرف تاكل انا الزبده ابتلشت ما شاء الله عليه تلعب معي وتحرك وتماوي بس ما تاكل وتجي بحضني من نفسها بس مدري وش السالفه واليوم ما داومت عشانها .. اشغلتك معي اختي دلوعة قطوتي والله يجعل ما قمتي فيه في موازين حسناتك .

[دلوعةقطوتي]

العفو ولو باي وقت
بالعافيه ان شاءالله على فكره اكلهم بهالعمر جدا بسيط تقدر تقول ملعقه صغيره كفايه لهم
بس اعطيه وجبه كل اربع او خمس ساعات
بالنسبه للويسكاس ماانصحك فيه للصغار انا اعطيه قطاوتي بس الكبار وفيه قطط يسبب لهم اسهال
اسلق له صدور دجاج فيليه وبطاطا واخلطه مع بعض بالخلاط واعطيه افضل من المعلبات كلها مواد حافظه وريحتها يع ضررها اكثر من نفعها
والله يعينك عليه هي بس هالفتره لحد مايكبرشوي ويعتمد على نفسه ويتربى بعزك

[هاااايز]

مشكوره خيتي والله يجلعها في موازين حسناتك وابشركم القطه صارت تاكل الدراي فود وتشرب الحليب الخاص فيهم واعتقد كان المكان متغير عليها واكلت الحين ومشكورين