من ربى سنجاب؟

[بينكي]

امس وانا رايحه سوق المينا للحيوانات الاليفه ابا اشتري قطوه شفت سناجب (اظن انهم سناجب) المهم حلوييييييييين صغاريه كيوت وايد بس سؤال شقايل يربون السناجب؟

[Withered Rose]

بينكي

http://www.2zoo.com/vb/showthread.php?t=8690

http://www.2zoo.com/vb/showthread.ph...D3%E4%CC%C7%C8

هذه روابط مفيده و معلومات عن السنجاب ..

أما اول شي و أهم شي إنه السنجاب يكون صغير عند شرائه لأنه حيوان بري صعب التعامل مع الكبار منه

[فطوم]

اي أنا أتفق مع وذرد روز
وإنتي شوي راح تتعبين معاه اول ماتيبينه لأنه بالغالب مايوالف بسرعه وهو سريع الحركه جدا جدا ويعض
فلازم يكون بالج طويل وصدقيني إذا كسبتيه تربيته جدا ممتعه
أنا لمه ربيته وتعود علي طول اليوم مطلعته بره يتعلق بهدومي وماينحاش واذا قعدت اشوف تلفزيون ولا شي ينام عندي مثل القطوه

[مصدي]

بس انتبهي اختي ترا الوحش منه يموت بسرعه وما يستحمل اي شي

لدرجة انه يموت من الخوف<<<صارت معي

[قلب الإمارات]

راح تلقين انشالله مواضيع تفيدك حول تربيه الكثير من الحيوانات بالمنتدى وانا ربيت سنجاب قبل 5 سنين وهو حيوان جميل جدا بس عيبه الرائحه :|

-اول شي تحتاجين قفص كبير شوي لانه يحب الحركه تحط فيه نشاره خشب ويفضل تحط في غصن شجر وبيت حقه

- اول يوم لازم تخليينه يتعود عالمكان وعلى الرائحه الجديده بعدين شوي شوي تدخل ايدك في القفص تعطيه اكل وطريقه التجويع جيده لانه اول ماتدخل ايدك بالقفص راح يخاف وايد وشوي شوي راح يتعود عليه وعلى رائحه ايدك

- من ناحيه الاكل فهو ياكل الفاكهه والمكسرات

- اهم شي لمه تشتريه تلاحظ انه يتحرك ومصحصح لانه اذا كان خامل معناته انه مريض

[فطوم]

لوول قلب الامارات انت ناسخ ردي مومشكله لكن ليش ناسخ قبل 5 سنين انا ربيت سنجاب:|!!

[بينكي]

مشكوريييييييييييييين واحد واحد على الردود يزاكم الله خير

مادري انا لما شفته يجنن قلت بييبه حق ولدي بس مادامه يعض اخاف عليه اللي شفتهم صغاريه

وتسلم اخويه وثرد روز على المواضيع بشوفهم

[فطوم]

اختي اذا ولدج صغير وتبين تعلمينه ح الحيوانات وتبين حيوان صغير الحجم أنصحج بالأرنب لكن الأرنب حساس ويبيله إهتمام