الدرة واصابة قوية في مخالبها أرجو المساعدة العاجلة

[العـامـودي]

سلام عليكم..

اكتب لكم هالموضوع وقلبي منفطر على الدرة اللي عندي..

والله ما كملت شهر..

كانت باحسن حال.. تاكل تمام .. ونشيطةوتتحرك.. وتعض..!!

اليوم..ما ادري كيف..!!

وربي امس كانت بحال طبيعية ونشاط عادي ..

اليوم أتفآجأ بقلة حركتها.. سكونها بزاوية القفص..
اقرب.. اطالع بوضوح.. ساكنة دون حراك..

قرربت يدي من خارج القفص.. تفاعلت وصرخت.. بس دون حراك..!!

قرربت يدي اكثر.. لاتزال..بإنفعالها.. حتى حاولت التحرك..
وياالله...
تعرررج.. خطوات متكسرة برجل واحدة صحيحة.. والاخرى مصابة..
وأي اصابة..!!

اثنان من انياب القدم اليسرى احدهم معقوف الى الداخل.. كأنه إلتواء ..وعليه اثر دم متخثر.. يعني جرح..
اما الاصبع الثانيي.. فالناب باين لحاله.. بلون ابيض.. شكله جدا ً مؤلم..

هرعت بسرعة للغرفة..اخذت المنشفة الصغيرة وادخلت يدي بهدوء.. شلتها ودققت النظر..
وفعلا ً.. وصفي اعلاه كان الواقع بأسف..

كانت رجولها متسخة.. اخذتها وروشتها ترويشة خفيفة بموية دافية.. ونششفتها على طول واستشوار خفيف.. وكأنها بدت بحال أفضل..

المفجع بالامر.. الى جانب الاصابة.. نشاطها نفسها.. قلُل بشكل..غريب..
سمحت لي بالمسح على راسها وريشها وفرد اجنحتها دون مقاومة..
قعدت معاها تقريبا ساعتين..
حسيت انها تقبلت إهتمامي .. المفاجئ اليوم.. لهالحد..!!

الحاصل..
الإصابة.. وربي توجع قلبي لما تحاول تمشي وتعرج..
حتى تسلق القضبان كعادتها المرحة اول.. إنــعــــدم تماما ً...!! تبقى بأسفل القفص..

ما يؤكد باسف ان الاصابة مؤلمة..

وحاولت اخليها تاكل.. حبوب الاكل ما قبلت اي شيء... حبيبات رمان اكلت حبتين ثلاث حبات من يدي.. ماء ما شربت..

ف شهيتها تأثرت سلبا ً..
وخوفي هذي علامة مرض انا ما ادري عنه.. والله يستر..

علامة أخيرة..
ما ادري هل الدرة عندي في عمر السنة.. طبيعي ان يكون في اسمرار خفيف في لون ريشها الاخضر.. اسمرار يقرب للاسود الخفييف ببعض الريش..؟


..



المرجو والمطلوب..


* إفادتكم الله يعافيكم جميعا ً...
بكيفية علاج الاصابة..

* وافضل بيئة ممكنة لمساعدتها للتماثل للشفاء وتسريعه..

* ثم اهم شيء لاسمح الله.. هل هذي علامات احتمال مرض..؟
والافادة بهالخصوص اكثر ياليت..

* الشهية وقبول الاكل.. ماهي راضية تاكل لا لحالها ولا من يدي..

* وحالات الضعف العام للدرة.. ايش يستخدم لها فيتامينات او اي ادوية مقوية او مساعدة ...

الله يعافيكم..

قلبي على الدرة وابغى كل معلومة من اي احد عنده معرفة وخبرة..
ووفقكم الله لما يحب ويرضى..

الصور بالمشاركة التالية.

[redbull-basil]

وديـــها طبعاا بيطري وترا مع احترامي لكـ انت غبي لانك تضيع الوقتـ وديها البيطري وهو يحلها والحين حرامـ تلقاها تتالمـ حرام عليك واللهـ

[العـامـودي]

أي إفادة باي صورة باي ايضاح او استفسار انا بتابع الموضوع باستمرار...

وفقكم الله لكل خير..

[العـامـودي]

الاخ رد بول..

لو اعرف اي عيادة بيطري فاتحة الحين رحت لها..!
مابستنى..!



المهم ربي جابك بالموضوع من الدمام..

وين افضل عيادة طبيب بيطري تعرفها انت..؟

وطموحي لو افدت بالمحاور اللي ذكرتها..
بس يالله.. ماقصرت

بإنتظار افادة الخبراء..

[ابو محمــد]

ما تشوف شر بسيطة ان شاء الله ولا تحتاج بيطري

السؤال ممكن اعرف من اللي سوى بالدرة كذا لا تقول ما ادري

لان اظافر الدرة مبتورة بتر ومستحيل يكون من القفص الا اذا كان في حيوان عندك في البيت

عموما اهتم بالدرة وابدأ بغرها اذا ما اكلت وعقم رجلها لكي لا تلتهب بالمسحة الطبية.

[ببغاء جديد]

ياغالي انا عندي الببغاء كان زي كذا وديت البيطري واعطاني ابره احطه لك في الماء روح وقلو واعطيني ابره لون الدوء اصفر مو زي المويه خفيف تلقيه ثقيل

[عاشق بلا قلب]

ياليت الخبراء يقولو انه صح والا لا

سمعت انه بعد ما تعقمها تحط عليها بن اسود مطحون ناعم

[محبة ,الكوكاتيل]

طهر الاظافر
وحاول تريحها وتبعد عنها الهواء
لان الهواء بيجيب لها الاسهال و الزكام
وامراض كثير بذات انها سقط منها ريش كثير
حط لها منشفه صغير على نص القفص عشان
اذا ترتاح عليها واهتم في اكلها وشربها وفر لها الدفء
والله يشفيها لك شكلها يحزن
مودتي

[lll_o]

ابو محمد كلامك مزبوط

الي صاير بي الاظافر جدا غريب و ما اعتقد من القفص الانو بعض الاظافر تحسها مأكولة اكل

حط القفص في مكان امن او غطيه بمنشفة و ياليت تقولنا كيف صار فيها كذا؟؟

[العـامـودي]

شاكر لكم مررروكم جميعا بارك الله فيكم..

والله نطيت الصيدلية اشتريت مسحات كحولية للتطهير..
وملقط طبي صغير.. ومشرط..

طبعا الصور ماتصور مدى الوضوح والوضع الفعلي..
كلمت واحد من اصحابي واخوه يعرف شخص يهتم بالطيور.. وان شاء الله بيجي اليوم ونهتم بالاصابة..

الله يستر والله ما ادري وش بسوي..
بصور لكم الاجراء الجراحي التطهيري..

ولو اني والله مو مطمئن له.. بس اشتريت اللي قالي وبنشوف..

طلع الاعتراف ..
اخوي قررب الببغاء الافريقي من الدرة .. كان مفتوح باب قفصه..
يقول سهيت عنهم دقاايق بس ابدل الموية واجي.. واسمع صراخ الدررة.. والقهر ااااااه يالقهر... يقول ظنيته عادي.. جا ولاحظ الكاسكو يضايق الدرة.. والحمدلله كانت في قفصها وقفل عليها..


يا انقهررت قهر.... حرقني قلبي..

وصحيح كلامكم اخواني.. انا حسيت نفسي ساذج لما استبعد هالاحتمال مرررة غاب عن بالي..
الكاسكو في قفص خاص له بالصالة اسفل.. اما الدرة فهي في ممر بالدور العلوي..

وايش يبرد قهري... والله يا حقدت على الافريقي حقد..

اكتب لكم من الدوام الآن..

وان شاء الله بعد العصر المغرب ارد لك وش صار معي..

بارك الله فيكم وفي مجهودكم..
ويارب يسمح عن قصور الجاهل من عباده .. آمين..

مشكورين جميعا..

العامودي.