طعام الكوكتيل ؟؟؟؟؟؟

[subaeiaa]

السلام عليكم ورحمة الله وبركاته ،،،

عندي جوز كوكتيل حاولت اعطيه اكل غير الحب (خضار و فواكه)

ولاكنهم رافضين ياكلون غير الحبوب وبالذات الذكر غير الحبوب ماياكل شي يرفض تماماً ،

والانثى بعد محاولات وجهد وتعب طلعت تحب الخبز (تشوف الخبزه في يدك تجيد طيران .. قوة حب في الخبز) .

شوفولي حل .

ملاحظه : الانثى تاكل بكثره بس المشكله هزيله جداً ومايبان فيها الاكل واعطيتها فيتامينات وكل شي ولاتزال هزيله .

[xXBountyXx]

جرب تشتريلهم الحبوب المشكله اللي يكون فيها فواكه مجففه

بالنسبه لطبق الحبوب لا تشيله من القفص نهائي

ولا تحاول تحرم الطيور من الحبوب عشان تقصبه ياكل خضار أو فواكه

لأنه صنف الحبوب لازم يكون متواجد دايما


بس حاول تضيف انواع من الخضار داخل القفص كطبق اضافي غير الحبوب


و طير الكوكاتيل طير فضوووولي جدا

مع مرور الوقت راح تشوفه يحاول يجرب طعم الخضار اللي حطيتها لهم


وحاول تجرب كل يوم ضيف صنف من الخضار وراقب الطيور

راح تلاقي عندها اقبال لنوع اكثر من غيره

ومع الايام راح تعرف الأصناف اللي تحبها طيورك دونا عن غيرها


بعض أنواع الخضار والفواكه اللي تحبها طيور الكوكاتيل اللي عندي (( جرجير - جزر - خس - بقدونس - ذره - فجل - تفاح - كمثرى - موز ))

حاول مع طيورك وجرب تحطله هالأصناف

كل يوم نوع واحد

وراقب

وان شاء الله راح ياكلون غير الحبوب


بالنسبه للأنثى

اذا كنت وايد تطلعها من القفص وتلعب معاها وتخليها تطير فالغرفه

فهذا كله له دور في نقص ورزن الطير

مهما أكل ماراح يزيد وزنه

اذا كنت تبي وزنها يزيد

لا تخليها تتحرك وايد خارج القفص

غير هذا حاول تخليها تاكل حب شمسي مملح وفول سوداني مطحون

وقدم لها طبق البيض بالبقسماط

بس لا تجمع كل هالانواع مع بعض مره وحده

ومو كل يوم

يوم بيض وحبوب واليوم اللي بعده بس حبوب....يوم حب شمسي وحبوب واللي بعده بس حبوب

بهالطريقه


وشوفها ان شاء الله يوم بعد يوم يزيد وزنها

بس إذا تبي رايي أنا ما انصح انك تسعى ورى زياده وزن طيرك

خله على طبيعته وااايد أفضل لصحة الطير


أتمنى أني قدمت لك لو شي بسيط من الفايده


تقبل مروري

أختك : بونتي

[ولييد1122]

تفقد الطائر لايكون معه اسهال وانتم بالكرامه فهو من احد الاسباب التي تؤدي الى الهزل او يكون عندها زكام وانشاء الله مايكون عندها مرض اعطها البيض المسلوووق ولا تكثر من مرتين في الاسبوع فقط

[جرافيك بلس]

اختي بونتي ، كفت وووفت

وعدم أكلهم لغير الحبوب

لأنهم مش متعودين غير عليها

زي جوجو عندي

انا بطعميها بالغصب والله من فمي لفمها

لأن " اللب " او الحب الشمسي ممل ولي سله فائدة لوحده

لكن حالياً صارت بتاكل جزر وبتحبه كتير




بالتوفيق

[subaeiaa]

أخواني وأخواتي

اشكر لكم تعاونكم وردودكم الوافيه

جزاكم الله خير وماقصرتوا .

أخوكم / السبيعي

[عاشقه طيور الكوكتيل]

بصراحه انا جربت معاهم الخيار وحبوه كتييير بس بفضل الحبوب اكثر