الــقـــفـــص.... صندوق التفريخ ؟

[THE HUGE]

السلام عليكم

شباب مثل ما بعضكم يعرف انه عندي زوج كوكاتيل

و ابتدو عملية التزواج

و انا ان شاء الله باجر رايح سوق الحمام عشان اشتري قفص اكبر من الي عندي

و اشتري صندوق تفريخ

بس عندي سؤال

شلون احط صندوق التفريخ و وين ؟

لأن اذا راح احطه داخل ماراح اقدر اجيك او افحص الصندوق اذا فيه بيض او لأ ... لأنه راح يكون

داخل القفص

و الشي الثاني عندي الذكر شرس و من اقرب ايدي يبطل حلجة عشان يعضني

أما النثية شبه اليفة و تاكل من ايدي مثل ذكرت من قبل

على العموم .. ياريت احد يفيدني و يساعدني او بالاحرى يفهمني

لأن اليوم رحت محل مال طيور و لقيت قفص طوله 50 و عرضه 40 بس ما شريته

قلت اسئل احسن و الصراحة كان سعره مبالغ فيه

و اسف اذا تعبتكم معاي و على الاطالة و يعطيكم 1000 عافية

[كوكاتيله]

وعليكم السلام

بالنسبة لصندوق التفريخ

تقدر تحطه داخل القفص وتعلقه في الوسط

لكي تستطيع فتحه وفحص الصندوق

وأني مجربة هذي الطريقة

والطريقة الثانية إنك تعلقه خارج القفص

وبالنسبة للذكر والأنثى فإتركهم للتفريخ

ولا تحاول تروّضهم فإذا أنتجوا لك خد فروخهم ودربهم

وبالنسبة لحجم القفص المناسب يكون

40 سم عرض , 50 سم طول , 60 سم إرتفاع

وعليك الإهتمام بتغديتهم في هذه الفترة

وإذا عندك أي إستفسار فلا تتردد بالسؤال

وبالتوفيق

[THE HUGE]

ما قصرتي اختي

لكن شلون راح اقدر اجيك او افحص صندوق التفريخ و عندي الذكر شرس الى درجة انه

يبطل حلجة من خارج القفص عشان يعضني

هذا الشي الي انا افكر فيه و احاتيه

سوري اذا هالسالفة اكررها اكثر من مرة بس لأن الحين طيوري راح يكملون اسبوع و للحين ما

تعودو علي

و الشي الثاني ... شنو الطريقة الي اجيك فيها اذا في بيض او لأ

هل اذا كان معلق الصندوق اشيله و افحص

ولا في طريقة غير

و سوري على الاطالة او اذا تعبت احد وياي

[كوكاتيله]

أخوي بالنسبة للذكر

فهذا شئ عادي لأن أني عندي أنثى مثله

وباضت وإستطعت أن أفحص صندوق التفريخ

فإتركه إلى أن يخرج من الصندوق ثم إبدأ بفحص الصندوق

ولا تخاف منه

وبالنسبة لطريقة فحص صندوق التفريخ

فقط عليك رفع غطاء الصندوق وفحص الصندوق من الداخل

وذلك عندما يكون الزوج خارج الصندوق

فإحذر من فتحه والطيور داخله

ولا يجب عليك إخراج الصندوق أو تحريكه

حتى لا يسبب الخوف للطيور

ويجب عليك أن لا تفتح الصندوق كثيراً

حتى لاتسبب قلق وخوف للطيور

فوفّر لهم الهدوء لكي يشعروا بالأمان ويبيضوا

وإن شاء الله تشوف فروخهم

وبالتوفيق

[محب الكروان]

اهم شي انك تثبت الصندوق جيدا حتى لا يتحرك

وتستطيع ان تضع ثقل عليه حتى لا يتحرك

والافضل ان يكون صندوق التفريخ من الخارج حتى تكشف عليه بسهولة عند خروج الزوجين من القفص

ولا تغامر بالكشف على البيض واحد الزوجين بالداخل لانها طيور حذره وقد تنفر وتكسر البيض

مقاييس صندوق التفريخ 30 × 30

الله يوفقك

[THE HUGE]

مشكووورين و ما قصرتو

بس عندي سؤال اخيير

هل صندوق التفريخ انواع ولا نوع واحد ؟

و ينفع احط عش اذا ما لقيت صندوق لا سمح الله ؟

و شكرا و ما قصرتو و يعطيكم الف عافية

[كوكاتيله]

أخي الكريم

هذه صور لصناديق التفريخ لطيور الحب والكوكاتيل





وهذه صورة له وهو معلق خارج القفص



وهذه الصناديق تباع في أماكن الطيور

وبالتوفيق

[THE HUGE]

مشكورة و ما قصرتي اختي

[|| كــروآن ||]

ههه

سبقتني چـآن بحط هالـ موضـووع.. ^_^

و زين على الأقل عرفت..

الصندوق كـأنه صغير عشان اذا بيدخلون..!!

[كوكاتيله]

أخوي || كــروآن ||

نعم هذه الصناديق صغيرة على طيور الكروان

لأنها إلى طيور الحب

لكني أردت أن أوضح شكل الصندوق فقط

وليس حجمه

لأن شكل صناديق التفريخ للكروان نفس شكل صناديق التفريخ لطيور الحب

أما حجم الصندوق فيختلف قليلاً

وإنت إذا ذهبت إلى مكان الطيور فإطلب صندوق التفريخ للكروان

وسوف يعطيك البائع الصندوق المناسب لهم والحجم المناسب

وبالتوفيق