انا شاك في ببغائي لما قريت موضوع (بندولة حب)

[s-k-o]

بسم الله الرحمن الرحيم
السلام عليكم ورحمة الله وبركاتة كيفكم؟ اتمنا انكم بخير انتو وطيووركم الله يحفظها

انا لما قريت موضوع (بندولة حب) عن القمل شكيت في ببغائي الدرة على طول لانها تكلمت عن القمل الي يكون في الراس انا دايم اشوف تيتي <<<ببغائي انشاء الله يعجبكم اسمة) يحك راسه بقوة حتى اني بعض الاحيان القا دم على خفيف والريش الي في راسه مقشع شوي وذيله الريش قليل ومنفوش فخفت انو يكون فيه القمل فاتمنا تساعدوني)( الصراحة انا ما اسبح ببغائي وودي اروضه بس ما اقدر عليه) وانا شاري الببغاء يمكن من 2شهر ونص او 3شهور من محل منتهي يعني رايح فيها وصخ لين ما تقول بس والببغاء اتوقع عمرة 7 او8 شهور


انتظر ردوودكم

[مشاعل الكويت]

على حسب معلوماتي المتواضعه ليس قمل

هذا نقص كلس ( كالسيوم )

اما بالنسبه للترويض

انا خبره بالترويض وطريقتي سليمه 100% وفعاله

اهم شيء ترفع عنه الاكل ( ولا تخاف ) يعني لا ينكسر قلبك وتقول اخاف يموت

الكاسكو يستطيع ان يعيش بدون اكل لمدة 4 ايام

انتا من اول يوم راح تشوفه ياكل من ايدك بأذن الله

المهم ... هذي الطريقه

ارفع عنه الاكل ولا ترفع عنه الماي ... بس شيل عنه الاكل المغرب ... وخله ينام بدون عشاء

وخله ينام الساعه 9 بالليل

والصبح الساعه 9 الصبح قعده ( ملحوظه : لازم الطير ينام 12 ساعه )

خليه بالشمس الدافئه لمده ساعه وبدون اكل ( انتا راح تشوف الكاسكو يتحرك بنشاط ويصفر بسبب الجوع )

تترك الكاسكو ساعه بالشمس الدافئه وبعدين تدخله البيت بمكان ليس فيه تيار هوائي بارد

المهم خليه جدامك اقل من متر واهو داخل القفص

وامسك الاكل الحب الشمسي في ايدك والعب فيه ( بالكويتي حب شمسي اسمه )

راح تشوف الكاسكو يصارخ ويطالعك ويطالع الحب ( طبعا الكاسكو يطالعك ويطالع الحب تقول عينه تبي تنفجر لووول فاتح عينه على الاخر )

وبعدين وخر عنه الى الساعه 1 الظهر

وحاول انك تعطيه اكل بأيدك بره القفص شوفه ياكل من ايدك ولا لأ

( كل عمليات ترويضي تصير من اول يوم )

المهم اذا ما صار معاك واكل من ايدك

وخر عنه ... واتركه الى الساعه 4 العصر

وحاول توكله من ايدك بره القفص ( صدقني راح يوافق وياكل من ايدك )

واذا ما وافق ... وخر عنه وتعاله الساعه 7 المغرب ( بس لازم تلعب بالاكل جدام عيونه عليان يعرف انه عندك الاكل في كل اللحظات )

انا واثقه انه راح يوافق وياكل من ايدك

ونفرض ما وافق وما راضي ياكل من ايدك

حطله بالصحن 10 حبات شمسي فقط ( لا اكثر ولا اقل )

وخله ينام الساعه 9 بالليل ويقعد الساعه 9 الصبح

وجرب معاه نفس المنوال

اجباري اليوم الثاني راح ياكل من ايدك عضب طيب لأنه ميت من الجوع

واذا اكل من ايدك لا تحطله الاكل في الصحن

خله يومين اكله من ايدك فقط

لما تروح منه صرخته او جعرته

راح يروح منه الخوف وراح ياكل من ايدك وبشراهه

واذا صارت معاك كلمني وانا راح اعلمك على الطريقه الثانيه وان شاء الله راح تشوف تحسن في طيرك

واسفه على الاطاله

[s-k-o]

ما قصرت يا مشاعل الكويت والصراحة افدتني انا مجربها مع درتي والحيد الله نفعت


انتظر ردوودكم

[s-k-o]

حرام عليكم ما في الا رد واحد

[abukhaled]

غريبه الحين تقول الطريقه انفعت؟
المهم ماعليه شر لكن وده بيطري محترم وانشالله مايشوف شر

[aloorg]

حط له عظم الحبار
وكمان يا اخت مشاعل حرام الي تسوينه هو صح يصبر لمدة بس انت لا تصبره اكثر من 3الى4ساعات فقط
بعدها ابدء اكله
وبعدين روحامسكه بمنشفة ووديه غرفة ما فيها احد الا انت بعدها وانت ماسكة اجلس وطلع راسه راح تشوفة يصارخ انت قوله لا او عيب بصوت عادي ولا ترفع صوتك لانك لو رفعت صوتك راح يكرهك وحاول تمسح عليه هو حيحاول يعضك بالذات الدرر انت قوله عيب وزي كذا الى ان يرضى بعدين فك المنشفة شوي ونزل يدك ع رقبته بعدها ع ظهره الى ان تفتح المنشفة وتمسح عليه ونسيت اقولك كل ما يتقبل انك تمسح عليه قوله شاطر وكل ما تبي تمسح عليه قوله راسك وبعد ماتفتح المنشفة بهدوء امسح عليه لانه راح يقدر يعضك امسح واذا شرد جيبة مره ثانية وكرر الخطوة
وبعدها نزله ع الارض وحاول تمسح عليه وتقوله راسك واذا رضي شاطر واذا رفض عيب او لا
الخطوة الثانية انك تحط ساعدك قدامه عشان يطلع راحتشوفة يصارخ استمر معاه وهو اصلا راح يهرب كل ما يهرب روح له وقول له عيب الين تحكره بزاوية مد ساعدكوقول له اطلع واذا ما طلع تقربها من بطنه
الىان يطلع ومن يوم يطلع تقول له شاطر وتكافئه وتكرر الخطوات الى ان تنجح مو تقول ماقدرت لانه اذا كبر راح يصعب تدريبه والحين عمره مناسب
هاذا ما ليد وان شاء الله اكون قد افدتك
وآسف ع الاطاله
وانا ما ابي منك غير انك تدعيلي اني اتوفق في جميع الاختبارات
وسلامتك

[بندولة حب]

اخوي
اذا الريش فيه مثل النقط السودا صغيره مره
يعني الريش كأنه مخرم بأبره

فهذا قمل وعلاجه سهل بأذن الله

ومثل ماقلت انت المحل اللي اشتريته منه وسخ

وهذا هو السبب لأنه القمل مثل المرض ينتشر بين الطيور

واذا عندك اطيور اعزلها عنه
وابتدي معاه من اليوم برنامج نظافه

ابتدي من القفص

وتشميس الطير

بس لابد من ترويشه قبل وهذا مهم

مالك الا انك تجيب علبة بخاخ مويه وترش الطير شوي شوي

وانا استعملت الملح والمويه بس طيري انا مروشته بيدي
يعني كنت افرك الريش على خفيف

والحمدلله الريش ابتدى يتعدل ويطلع الريش الجديد وسليم ماشاء الله

بس انتبه من البرد

الافريقي اي لفحت هواء تمرضه

على طول خليه جمب الدفايه *