قصينا الجناح وما شفنا خير

[kfsh]

السلام عليكم

اخواني الأفاضل انا لسه مبتدىء شريت كوكتيل منذ ثلاثة اسابيع وكنت متابع لاكثر المواضيع المختلفه عنه بهذا المنتدى المبدع الي بصراحه ترتاح وانت تقرأ مواضيعه مالكم بطول السالفه

المهم قلت يا ولد الحين حاول انك تدرب طيرك بنفسك وتعلمه حبه حبه ... وديته يوم الخميس الماضي للمحل الي اشتريته منه علشان لا العب فيه (عط الخباز خبزه) وبعد ما وصلنا للبيت قلت يا ولد اليوم ما عندك شغل والشباب لسه بدري عليهم .. وانا الي استفرد به بغرفه لحالنا واجيب قفازات ثقيله علشان ما يعض لانه عض راعي المحل وجرحه .. مسكته وهو يصرخ وصرت امسج على راسه مره من فوق ومره من الخلف ومره المس منقاره يمكن لمدة ( 5 - 7) دقايق قلت علشان يتعود ويالفني وهو ما غير يصرخ ويعض بالقفازات رجعته للقفص ولاحظت انه يلهث كاني لاحقه .. قلت يمكن من الرهبه !!

جيت له من بكره (الجمعه) وكل ما اقرب عليه يقعد يصرخ يصوت منخفض شكله حاااااااقد علي حتى لو المس القفص مع العلم انا وزوجتي مهتمين به من ناحية النظافه والأكل واولادي ما يسوون له شي وصار ما ياكل الا الحبوب الصغيره وقام ونتف ريشتين من جناحه اليمين قدامي كانه يقول لي خذ الريش انت ووجهك ما ابيه بصراحه ضاق صدري من جد على الحركه الى سواها وصار ما يصفر ولا يلعب.

يوم السبت بالمساء لاحظت انه يتحرك بشكل سريع على المجثم ذهابا وايابا وهو يمط رقبته للأعلى بدون تصفير وحتى الأكل ما ياكل غير الحبوب الغامقه الصغيره وما ياكل حب دوار الشمس

مع انه قبل عملية القص كان وش حليله واذا قربت عليه يطير من الفرحه!!!


اسف اذا طولت عليكم ولكن حبيت اقدم الموضوع بشكل شامل وواضح حتى ان تبين لكم حجم المشكله الي انا واقع فيها..... والشكرالموفور مقدماً لكم

[صاحبة وفا]

امممممممم بنظري انا غلط تمسك طير وهو خايف منك المفروض دوم تقضي وقتك معاه عشان

تمسحه وتكلمه وتأكله بجذي شوي شوي راح يسمح لك لان الببغاء اللي عندنا

خلينا تقريبا كل الوقت تشوفنا ونأكلها ونكلمها فتتوقع لاي درجه سمحت لنا نلمسها؟؟

شفت كيف القطوة تمسحها من راسها الى ذيلها؟

خلتنا نمسح على راسهع لين اخر ريشه في جناحها .. واذا رحنا عنها تقعد تحت

وتسوي صوت الديايه معناته انها زعلانه تبغينا نقعد معاها .. أتم تحت دقايق اذا ماشافت فيه

فايده تركب فوق ... وتاكل من ايدنا لدرجه يوم تشوفنا ناكل شي قدامها تلصق بالقفص وتطالع

وتحرك فمها كأنها خاطرها فيه .. يوم نقدمه لها على طوووول تاخذه ^_^

انت الحين دوم اقعد عندها وقدملها الاكل ودددددوم كلمها بصوت هادئ فالبداية اذا تبغي

تمسحها مسحها على رجولها او راسها ... يعني الموضوع يبغيله وقت

الحين هي مضايقه منك وخايفه بنفس الوقت .. حاول تعوضها بكلام هادئ وتقديم لها طعام

بس الموضوع بياخذ وقت طويل

[صاحبة وفا]

وعن قص الجناح كان المفروض توديه للبيطري لان لو كانت متعوده عليك كانت بتخليك تمسك جناحها وتفرده عشان تقصه

[هاوي حيوانات]

انت خليها عندك 3 ايام وكلمها كلام خفيف بصوت هادى حطها في


ممكتبك كان عندك مكتب في البيت

ولا تشيلها ولا تمسكها 3 ايام بس كلمها وبعد 3 ايام حاول انك تمسح عليها و...

لانها زعلانه عليك الحين وطبيعي العصفور بيزعل بعد قص جنحانه

بس اصبر وراح يرضى تقريبا 3 ايام انا حقي الكروان قعد 3 ايام زعلان ورضى وكا قريت

في احد المواضيع

[kfsh]

صاحبة وفا

هاوي حيوانات

يعطيكم العافيه وشكراً على ردودكم ..... البارح جلست معه اسولف عليه وهو مغير يا طالع يا نازل ومره يمين ومره يسار يدور بالقفص وانا برضه اصفر له واسولف عليه نشف ريقي من التصفير

بس عندي استفسار ايش المعنى في الحركه السريعه على المجثم ذهابا وايابا وهو يمد رقبته للأعلى هل معناها انه بدى يرتاح لي من جديد او انه لسه مرعوب مني ؟؟؟

ملاحظه ..... الأكل ماهو زي اول حبوب دوار الشمس اول كان يخلصها والحين ياكل الحبوب الثانيه ما ادري هذا طبيعي او فية شي اما بخصوص التفاح والخس والجرجير ما يلمسهم هل اشيل الحب واخلي له الفاكهه او اخلي له الأثنين كل واحد بوعائه وهو يختار ؟؟؟؟؟ افيدونا مشكورين




ودمتم بعافيه

[صاحبة وفا]

هالحركة معناته مستانس ^_^

اما عن الاكل جرب تشيل عنه دوار الشمس واشتريله طعامه الخاص لان اكيد بيكون محتوي على فيتامينات له

[redshark]

اخي العزيز كفش

اخوي اول خطوه هيا انك تعود الطير على المكان الجديد الي راحه وفي الاثناء دي ماتخرجه من القفص بس اديه الحبوب والفاكه وخليه يتعود وبعدين افتحله القفص وخليه يطلع بحاله وبعدين تقرب منه وكل ده وانت تصفرله وتكلمه بهدوء لحد مايهدا

اما عن القص فاكيد انت قصيت الوريد الي بيغذي الريشه وده مولم جدا جدا جدا للطير وعشان كده حقد عليك لووول وفي موضوع لاخي العزيز تاكو عن كيفية القص الصحيح بعيد عن محور الوريد

اما عن طرح الريش فده الدليل الريشه ماتت لانه احنا قصينا من الوريد ومش بس كده كمان خلت الطير يدخل في موضوع القلش او عملية تغيير الريش وفي الوقت ده الطير بيكون هادي وساكت مايصفر وكما مايطير لانه بيكون حاسس ان جسمه بيخلى من الريش

نصيحتي انك تسيبه اسبوعين في القفص وبس قدمله مع الاكل قطع فاكه زي التفاح والعنب و الموز وكمان اديه معلقة عسل صغيره في المسقي مع المية

وسيبه لحد مايغير الريش ويسترد صحته وبعد كده ابدا التدريب

[the snipr]

walla alo5wan ma ga9ro weiak
galo kel shai
iemken how za3lan menk 7aleiian
bas 3a6ah mohla 3ashan iehda
w hata how almawdo3
http://2zoo.com/vb/showthread.php?t=10100

[تركي .ي.م]

يا هلا يالعضو الجديد وسالفتك فيها نوع من الفكاهة ومشكور لانك ضحكتنا : لو سمحت رد علي انت حاطله مكان خاص وخليتة مدة من الزمن (يوم ولا يومين )في المكان ولا لا لان الله إسلمك المكان هو نص التدريب حسب وجهت نضري

والسلام عليكم ورحمة الله وبركاتة

[kfsh]

السلام عليكم

أنا شاكر لكل من قام بالرد أو قرأ الموضوع . . . .

بالبداية كنت متحمس على إني اطلع أبو الشباب ويوقف على يدي . . ولكن قلت خلينا ننتظر شوي واكل العنب إيش أيوه حبه . . . حبه فتركته بالمكان إلي نجلس فيه بدون ما أتعرض له بس نقدم له الأكل والماء واجلس بقربه وأسولف عليه وأقص عليه قصة أمنا الغولة وسندرلا والأميرة النائمة ولا تنسون قصه الغراب ومشية الحمامة ... يعني بعض هالقصص تكون مقبلات بالبداية وبعدين طحنا بشكسبير وكليله ودمنه كتاب أحوال العرب يعني بعض الدسم.. ههه امزح ..


الموهم إني قدرت امسكه الحين وأشيله بيدي وامسح عليه واحك له رأسه وجسمه وصاير يعض بحنيه وشيوية دلع وشوي شوي صرت ادخل يدي وعلى طول يطلع عليها ، بس

السؤال الأول:
حطينا له شوية عسل بالمسقايه . وغيرت له المويه بعد يومين وكمان شوية عسل السؤال لمدة كم يوم أحط له بالمويه عسل طول فترة الشتاء أو أسبوع أو شهر ممكن تحديد المدة ؟؟؟؟

السؤال الثاني:
لاحظت وجود بقع على يدي بعد ما أرجعه للقفص طبعا تكون يدي كلها خربشه... هل معنى ذلك رجليه فيها مرض أو أنا عندي حساسية من الطير هل أوديه للبيطري ؟؟؟

السؤال الأخير:
بالنسبة للفاكهة هل يلزم أشيل عنه الحب وأخليه يأكل من الفاكهة بس ؟؟؟؟


ارجوا الإفادة وشاكراً لكم سعة صدوركم ..... ودمتم ......< كأني ثقلت عليكم صح