استفسار

[iguana lover]

اخواني وخواتي اهل الخبره او اللي عندهم خلفية

انا عندي اغوانا صارلها شهر عندي
فاول الايام كانت اليفه يعني اقدر اشلها وااكلها بيدي والامور طيبه

فجأه قلبت علي وصارت شبه عدوانيه وكله تضرب بذيلها .. وغيرت لها المكان وكل شي بس مافي فايده

فابا رايكم عن اللي في بالي

اللي في بالي اني ابيعها او اعطيها احد واخذ بدالها ثعبان (بنا ان عندي القفص الخاص بالزواحف وكل شي متوفر فيه)

لان انا فخاطري بحيوان مايكون عدواني واقدر امسكه

فاذا كنتو مايدين فكرتي .. ياريت تقترحون علي بثعبان اقدر اشتريه واربيه واهتم فيه (اهم شي اقدر امسه) ما ابا شي يكون فالحوض وبس

واذا ايدتوني الفكره .. ياليت لو تخبروني عن اماكن عندنا فالامارات تحديدا في بوظبي ومب مشكله اذا فالشارجه او دبي اقدر اشتري منه


وهذي اغوانتي فحوضها الجديد الخاص بالزواحف



وتسلمون

[مهووس الحيوانات]

بكيفك بس أبغى أذكرك بنقطة مهمة وهي الأكل الحي

لازم يكون عندك استعداد توفرين الفئران أسبوعيًا

وانتي لما شريتي الاغوانا اخترتيها لأنها نباتية صح ؟

[iguana lover]

هيه صح انا هاي كانت نقطتي ان يكون نباتي

بس بصراحه تصرفاتها بزياده

يعني اذا خذت كل المعلومات عن الثعابين وعن اكلهم ومن وين القى اكلهم عنا

مب مشكله

بس المهم يكون شي اقدر امسكه

انا اذا يتم فالحوض بس جيه ماباه حاله من حال السمك

[مهووس الحيوانات]

صح هذا الي مايعجبي في السمك

بس الاغوانا مو كذا اصلا الاغوانا لازم تطلع من حوضها/قفصها

حاولي تروضينها من جديد بس لما تتأكدين انه مافيه مشكلة

ولا خلاص غاسلة يدك ؟؟

[iguana lover]

هاللي ابا اعرفه

كيف اروضها اذا انا كل ما ادخل ايدي الحوض تضرب بذيلها

انا شبه غاسله

[TNT]

لا عادي يمكن انتي بعدتي عنها فتره حتى لو كم يوم ؟

أو فيه أحد غيرك كان يؤذيها بدون علمك تأكدي ؟؟

بس ترا ترجع العلاقه أهم شي لا تخافين منها وشكلها صغيره يعني ضربتها مو ذاك الزود

أهم شي الصبر

[iguana lover]

اممم.. محد يقرب منها غيري انا واخوي

واذا انا محد فالبيت .. تراني اقفل باب غرفتي من اليهال

ويوميا يوم ارجع من الدوام اخصص لها ساعه او ساعتين اقعد معاها بس من وراه الزجاج هع

وفالويك اند قعداتي معاها اكثر