ديسكس

[pacu man]

السلام عليكم اخواني اليوم عندي حوض فاضي ودي احط فيه سمك ديسكس طول الحوض متر وعرضه 40 وارتفاعه40 يعني ودي بواحد ديسكس وواحد انجل وكوري كات وغلاسس كات و بعض الاسماك الصغيره فهل هناك نصائح ويقولون ان الديسكس تريد مياه حمضيه فما افعل لكي ات بها وشكرا لكم

[Elkanderi]

لا تتهور ..

و ما ينفع ( ١ ) دسكس ..

يستحسن تكون مجموعه متناسقة بالحجم .. و الـ pH لازم يكون ٦.٠ ..
و اي خلل فيه .. يؤدي لـ موت الديسكس ..

و الزراعه مهممممه مهههمممه للحوض ..

يكون فيه نباتات ..

و الانجل لازم يكون اصغر منه

--

قبل لا تشتري اي سمكه !! جهز الحوض بالكااامل و قيس الـ pH و شغل فلاترك .. حط مزيل الكلور

خله يوم كامل بعدين بلللش

[max812]

السلام عليكم و رحمة الله و بركاته
اخي العزيز
بما انك ودك تشتري ديسكس
من الافضل قراءة مواضيع عن هذه السمكة
اي كيفية تجهيز ماء و حوض المناسب لها
و بما ان الحوض جديد
فلا ينصح الاستعجال بتنزيل اسماك حساسة مثل الديسكس و الانجل
فمثل هذي الاسماك من الافضل ان لا يقل عمر الحوض عن شهر لكي تكتمل الدورة البيلوجية
و يفضل في البداية انزال اسماك تتحمل بداية الدورة البيولوجية مثل اسماك المولي
و مثل ما ذكر الاخ ان الديسكس يفضل يكون بمجموعة لا تقل عن 5 سمكات من نفس الحجم
و هذا ايضاً ينطبق على الانجل
و لا يفضل جمع الديسكس مع الانجل بحوض واحد
مع انهم متوافقين في متطلبات الحوض
و لكن الانجل يتغلب على الديسكس في الاستوحاذ على الاكل و النفوذ
و الكوري كات مناسب مع الديسكس غير انه يتاثر بالحرارة اللتي يفضلها الديسكس
ففي حال الجمع بينهم يفضل ان لا تزيد الحرارة عن 28
و بالنسبة لمياه الديسكس يفضل ان تكون من فلتر "ار او"
او على الاقل تكون المياه صالحة للشرب
و لا تنسى الديكور يكون خشب طبيعي
طبعاً الحديث عن احواض الديسكس طويل جداً جداً
و هذا موضوع مخصص للديسكس اكيد راح تستفيذ منه
http://www.2zoo.com/vb/showthread.php?t=209547
بالتوفيق

[انجل مان]

افادوك الاخوان وما قصروا ابدا ..

واذا راح تبدأ بالديسكس .. فـ واحد ما ينفع للتربيه ابدا !! واقل شي 6 سمكات !!

ع العموم .. ابدأ بالحوض تدريجيه .. حتى تكتمل الدورة البيلوجيه .. ونهايه الشهر جيب الديسكس .. وضعه بالحوض ..

[pacu man]

اخواني الحوض صارله شهرين بالماي و انا حاط فيه تترا وغلاسس كات يعني شنو ph اعرف عنه ولاشي ومشكورين اخواني وماقصرتو وتسلمون على التوضيح راح اخلى الامزون كله عندي ههههههه

[ساركو]

افادوك الاخوان

اخوي ph يعني درجه الحموضه يجب ان تكون درجه الحموضه في حوض الديسكس6.0

[pacu man]

شلون اجيب الph

[ساركو]

هلا اخوي

اخوي ph هو الحموضه موجوده في الماي يعني كل الماي لها حموضه واي سمكه لها حموضه خاصه بها بس انته اشتري في محلات الاسماك علبه مكتوب عليها ph Test يعني اختبار الحموضه يعني تقيس درجه الحموضه ويباع دواء يحفض على درجه الحموضه مستقره ودواء يرفع الحموضه اذا كانت نازله ودواء ينزل الحموضه اذا كانت مرتفعه و الخشب المتحجر ايضن يجعل درجه الحموضه مستقره
ولكن اشتري من الشركات المعروفه مثل سيرا و تترا

تحياتي لك اخوي

[pacu man]

يعني مافي اي مشاكل اذا حطيت خشب متحجر وماحطيت الدوا وشكرا لك اخوي ساركو والله اني تعبتك معي

[العقرب الامبراطوري]

و عليكم السلام و رحمة الله و بركاته
اخوي لازم تقيس نسبة ال ph في المي العادي عندك و تقولنا و احنا بنقولك ادا بتزيد او بتقلل عن طريق السوائل و ليس الاحجار الخشبية