سااعدوني طيوري مريضة

[noraan atef]

السلام عليكم
ي اخواان لو سمحتم سااعدونني
انا اشترست قبل امس عصفورين استرالي
وطلع عندهم اسهال ..
واحد مات والثاني لشه
بس فاقد شهيته
وحولين فتحة الاخراج ريشه منتف
وفضلاته ساءلة ماءلة للون الاخضر ..
ايش العلاج
انا حطيتله ماء مع ليمون وبصل وثوم ..
اش ممكن اسويله عشان م يمووت
انا بمااشتريت الرجال قالي انهم مافيهم امراض وطلع كزاب وانا م عندي خبرة فيهم اتمنىىىى تساعدووني

[Besa]

وعليكم السلام
الله يعوضك خير
أول شيء حطيه في مكان دافي وغطي جوانب القفص
لا تعطيه خضار وفواكة ولا تروشيه
وكمان شيلي المشربية من القفص
لأنو طول ماهوا يشرب موية ماحيوقف الإسهال
إنتي حطيها من فترة لفترة عشان يشرب وإرجعي شيليها يعني كل 4 أو 5 ساعات
كمان نظافة القفص والمأكلية والمشربية ضرورية ودي تغسليها بموية ساخنة
أما نظافة الطائر تجيبي منديل وتخليه مندي بموية دافيه
وتمسحي بلطف مخرج الفضلات الله يكرمك وبعدين تجففيه عشان مايبرد
والأدوية عندك دوا بيطري إسمو سلفامايسين موجود في المحلات
حبة تدوبيها في المشربية وتغيري الموية يومياً والدوا مايتعرض للضوء وأشعة الشمس
أو في دوا بشري إسمو فلاجيل المربين يستخدموا
منو حبوب ومنو شراب لوحبوب حطي ربع حبة في المشربية
لوشراب حطي 2سم في لتر موية وحطي منو في المشربية وغيريها بعد 5 ساعات
ممكن ماتلقي فلاجيل لأني قبل دورت عليه وماحصلتو أتوقع مافي منو في السعودية بس بديلو ولو نفس التركيبة فلازول
وبالشفاء لطائرك

[ahmed gomaa]

هذا هو عيب البادجي ما يبان عليه من اول ما يمرض راح عليكي لا تحاولي كثير انا اشتريت 6 عصافير الي الان اكثر واحد عاش 1 شهر ما حطيت مي واتبعت التعليمات وبرضو ماتو

[Besa]

الله يعوضك خير أخ أحمد
بس لا تسمح لليأس يأثر عليك
كلنا مرضت لنا طيور ومرينا بلحظات صعبة
بعضها تعافى الحمدلله وبعضها فقدناه وكمان الحمدلله
لأنو كل شيء بيد الله بس نحنا حاولنا بكل شيء نقدر عليه
بس في كل الأحوال وبعيد عن وجعنا راح نتعلم شيء
إيش اللي نسوية وإيش لا مستقبلاً
والبادجي زينا بس يمرض تظهر عليه علامات
وتصير تزيد كل ماتأخر المربي في العلاج
عشان كدا ضروري تتفحص طيورك يومياً
وتشوف لوفي تغيرات تدل على بداية مرض
وتبدأ بالعلاج فوراً وماتفقد الأمل أبداً