من لديه الخبره في حمام اللوت (القلابي)يفيدني..

[مشاغــب]

السلام عليكم ورحمه الله وبركاته

شلونكم شخباركم

اولا.. مبارك عليكم الشهر ..^.^


ثانيا..وهو الاهم ..-.-

ابيكم..تساعدوني في مشكلتي ..


انا الحين ناوي اشتري حمام لوت ( قلابي ) وما اعرف شلون انقي الطيب من الردي


ياليت من لديه الخبره يفيدني وشنو احلى لون حمام للقلابي هل هو الماشي ..؟؟


وشنو تفضلون الحمام يكون ذكور ام اناث وكيف اعرف االانثى من الذكر..


لانانا اشوف ان الحماام الدشي يشابه شكل اللوت

واخاف اني اشتري ويطلع مولوت اصلي واتخسر ..


وسوري اذا طولت عليكم ..^.^

[محبوب القمر]

السلام عليكم ورحمة الله وبركاته

أنا أربي حمام بس ما أقول إني خبيير >>>>> لا

بس تقدر تختار الحمام إللي يلوت على جنب ما يلوت على الخلف

وأفضل ألوان اللوت أو القلاب الأسود >>>>أنا عندي واحد إنجليزي يقلب على بعد 50 سم

وفيه ألوان واااجد

بس ما أنصحك بالأبيض لأنه ما تعرفه قلابي أولا

وإذا حبيت تشتري رووح مع واحد خبير أو إلى وااحد موثووق فيه

[البدبخت]

وعليكم السلام ..

علينا وعليك اخوي ..

ويعتبر حمام اللوت من السلالات صغيرة الحجم منمقة الشكل .
ذات وقفه شامخة تدل على التحفز والعنفوان .
وغالباً ما تأتي طيور هذه المجموعة نظيفة القدمين – بدون صرولة ، ذات حجم صغير لايتجاوز 300جرام للفرد ، ومن بين معظم السلالات الأخرى ، يمتاز الكثير من حمام اللوت بتباين لون العينين
إذ قد تأتي العين الواحدة بأكثر من لون .
بينما قد تأتي بعض الطيور بعيون حمراء أو صفراء أو برتقالية أو عسلية أو عنبرية...

تتفاوت كفاءة أداء الحركات بين طائر وآخر حسب درجة التدريب.

يقوم بعض منه بشقلبه خلفيه تعتبر غير مناسبة أثناء الجو الهادي ، وتعتبر عيباً واضحاً في الأداء أثناء هبوب الرياح.

تتراوح مدة طيرانه بحد أقصى لمدة 30 دقيقة.

لا تسمع ضربات الأجنحة أثناء الطيران في حمام اللوت وإنما يكون بخفه وهدوء بعكس الحمام القلاب.


-------------

ويفضــل ان تأخذ على كلام الاخ " محبوب القمر " وتاخذ وياك خبير في تربية هالنوع من الطيور ..

بالتوفيق ..

[مشاغــب]

يعطيكم الف عافيه على الافاده


بس الحين محد يعرف ينقي هذا النوع الاهل يشترون زينه

انا ابي اشتري قلابي ..وموعارف انقي الطيب من الردي

الحين الي فهمته منكم ان الحمام القلابي يكون حجمه صغير

وما يكون مصرول ..

بس الي انا ابيه اني اذا رحت لسوق الحمام اعرف الحمام الطيب من الردي


يعني شلون يبين عليه انه طيب ..

[محبوب القمر]

حبيت أوضح إنه في مصرول والأغلبية منه مصرول

[البدبخت]

المشاركة الأصلية كتبت بواسطة محبوب القمر

حبيت أوضح إنه في مصرول والأغلبية منه مصرول

اي نعم اخوي في انواع وايد من الحمام اللي يقلبون مثل الايراني والهندي والباكستاني .. بس على ما اعتقد ان الاخ يقصد الحمام القلابي (( اللوت )) مثل هالصورة ..


وهذي مقابلة مع هاوي لتربية الحمام القلاب
اضغــط هنا

[محبوب القمر]

لأو سمحت أخي بدبخت

هل يمكن أن أزوج ذكر قلابي إنجليزي بأنثى قلابي عادية ؟

وما نوع الفراخ ؟

قلابي والله نوع غيير

[مشاغــب]

اخ بدبخت


الله يعطيك العافيه على المعلومات والرابط المفيد


وانا انشاء الله يوم الخميس بروح اشتري حمام وابي اعلمكم بكل جديد


وماقصرتم .. والحين ان شاء الله راح اقدر انقي الطيب

[البدبخت]

المشاركة الأصلية كتبت بواسطة محبوب القمر

لأو سمحت أخي بدبخت

هل يمكن أن أزوج ذكر قلابي إنجليزي بأنثى قلابي عادية ؟

وما نوع الفراخ ؟

قلابي والله نوع غيير

المعروف ان الامريكي يقلب على الارض ويجب عليك ان لا تعطيه حريته لانه اذا ابتدأ الطير في التقلب ما راح يوقف الى ان يموت او يطلع من خشمه دم ... اما النوع العادي اهو اللي قدر يطير ويطير لارتفاع حلو وبعدين يبتدي عرض التقلب ... وانا الصراحة ما قط خلطت بين العادي والامريكي .. انت جرب وخبرنا بالنتايــج ... بالتوفيق ..


-------------------

حاضرين لك اخوي المشاغب .. وبأنتظار صور حمامك ..

[مطيري عيونه زرق]

السلام عليكم ...


اخوي الحمامه القلابيه في ناس يقولون الحس عينه اذا مالحه قلابي مادري صج مادري جذب حسب معلوماتي تكون لون عيونهاا تحديد برتقالي وداخل البرتقالي برتقالي فااااااااتح نفس الصوره الي فوق وانا سمعت عن حمامة حب الرمان اهي الي تلووووت ليماا تمووووت والله اعلم واذا على النثيه او الذكر النثيه تكون اصغر من الذكر وفي طريقه ثانيه انك تمسك الحمامة تسكر اجنحتهاا تحت بطنها يعني تلف الجناح على بطنها واذا جيس الاكل الي تحت عنق الحمامه كبير هذا ذكر واذا صغير هذي نثيه وانشالله معلوماتي صحيحه .


اخوك . محمد