مافهمت تصرفات كيوتي
بسم الله الرحمن الرحيم
انا امس وصلتني بستي نوعها شيرازي مون فيس
واول مره اربي بسه فماني عارف تصرفاتها طبيعيه ولا لأ
وفي كمان كذا سؤال لو لقيت لهم اجابات منكم اكون ممنون
1- انا لاحظت انها بعد ماتروح الحمام تتعصب وتصير تركض وتبعد عني ماتخليني امسكها ياترا كذا طبيعي؟؟
2- هيا بعد ماتخلص حمامها انا بصراحه مااحس انها نضفت نفسها كويس ممكن استخدم مناديل ديتول او جونسن عشان انا اضمن انو هيا نضيفه او هذا يضرا؟؟
3- لمن العب معاها تمسك اصابعي وتحطهم في فمها نعضني بس بشوي انا بصراحه بتضايق لاني اخاف تجرحني بأظافرها وبعدها تدخل ايدي في فمها لاني قرأت انو المفروض ماالمس اللعاب تبعها !! السؤال كيف اقدر اقص الاظافر وهل هوا صحيح لعابها مؤذي؟
كمان شغله لو تساعدوني فيها انا ع طول حابستها في غرفتي لاني اخاف عليها تطلع من الغرفه وتتعور او تنط من الدرابزين مني عارفه خوفي في محلو او لأ ؟
ولو نقلت الليتربوكس في الحمام عادي او ممكن تتعور او تروح للتواليت وتئذي نفسها؟
شكرا مقدما
|