اشترك في نشرتنا البريدية ليصلك كل جديد

alixxz · 13-12-2009, 09:56 PM

السلام عليكم
انا عندي مشكلة كبيرة كثير بالنسبة لطيور الكناري الي عندي .
فقد بدأو يموتون عندي بكثرة دون معرفة الاسباب علما باني ما بنساهم بالاكل وبيض بحطلهم ونظافة عندهم والجو دافي واعمار الطيور مش كبيرة و ما في اي اعراض مرض عليهم يعني ما بسيفوا ولا بنسهلوا ولا مشحمين ولا اي اعراض عليهم سو انهم بكشوا مرة وحدة (بنفخو حالهم)
يعني انا قبل 3 ايام اشتريت طيرة مفتلة صفراء اللون بما يعدل 75 دينار اي 100 دولار والانثى جاهزة ومعبية وثاني يوم لفت العش كامل ووضعت عندها الذكر ولقحها بس اليوم الثالث كانت الطيرة في الصباح كاشة (نافخة حالها) وبعدين لما روحت من دوامي في الجامعة لقيتها ميتة علما باني لما شفتها الصبح كاشة فحصتها وما كان فيها شي .
وامبارح شريت طيرة بصلية حدبة وهيها اليوم كاشة وما بعرف ليه.
واليوم والحمد لله ماتت عندي طيرة بلدية (سوري) بصلية وفرخ ايراني جزري.
وكمان عندي ذكر جزري سيفين وتاج تعباااااااااان كثير.
شو العمل برايكم

مع انو خبرتي بالعصافير مش كثيرة ومش قليلة برضوا
انا خبرتي بالعصافير 6 سنين فقط
وما صار عندي مثل هذا الحال من قبل

اللؤلؤ المكنون · 13-12-2009, 10:07 PM

وعليكم السلام ورحمة الله وبركاته...
والله حالة غريبة.. بدي قلك على الأنثى بجوز ماتت من تعسر البيض..
بس قلت أنو في عندك ذكر تعبان كمان... متأكد أنو لا يصل البرد إليهم...؟؟؟؟أو أي تيار هوائي ؟؟؟
لأن الكنار بينفش أكتر شي لما بكون بردان...
وعندي سؤال تاني هل هناك أي مواد كيميائبة غازية قد تصل رائحتها لعندهم...؟؟؟؟؟
لأن الكنار يتحسس جدا من الروائح وربما نحن البشر لا نميزها إلا أنه قد يتسمم منها...
وتأكد من الأكل هل فيه أي حشرات صغيرة لم تلاحظها....
أو أن النمل مستلط على القفص لأن حتى لو أنك تنظفه باستمرار ولكن إن وضعته في مكان ثابت (مثلا على الحيط ) سيستلط عليه النمل ويقوم بعض العصفور حتى يمرض ويموت....
والله يعوضك خير بطيورك اللي فقدتهن ... والأعمار بيد الله...

alixxz · 13-12-2009, 10:14 PM

اولا شكرا على الرد السريع للموضوع
ثانيا بالنسبة للبرد ما عندي ابدا وتيار هوائي ما في الا لما بفتح الباب عشان ادخل الغرفة لانوا غرفة العصافير عندي غرفة خاصة وفيها دفاية على الكهربة تعمل على درجة حرارة معينة وبتفصل لحالها لما تحمى حرارة الغرفة.

وبالنسبة للغازات الكيميائبة ما اتوقع عندي لاني ما بدخل عليها اشي كيميائي ابدا الا لما بدي انظف الغرفة وانا بنظفها في ايام يكون الجو دافي وبكون فاتح الباب والشبابيك حتى تتهوى.

والاكل نظيف وانا بغير اكل كل يومين على الاكثر وبتفقدوا منيح وما في اي حشرات او نمل او فاش على الاكل او على العصافير او على القفص حتى.

انا اول مرة بتسير عندي مثل هذه الحال من 6 سنين
حتى انا مفكر اذا ضل الوضع زي هيك ابيعهم كلهم وانشالله الن ما اضطر ابيعهم لانهم رح يعزوا علي كثير

اللؤلؤ المكنون · 13-12-2009, 10:32 PM

طيب مفوت حدا لعندهم ومتفرج عليهم؟؟؟؟

alixxz · 13-12-2009, 10:34 PM

قصدك عين
بجوز
لانه كثير ما بدخل صحابي عندهم
بس ممكن يكون هذا السبب

اللؤلؤ المكنون · 13-12-2009, 10:46 PM

والله لا تستبعد إذا متل ماعم تقول أنه ما في أي سبب ملحوظ....!!!!
صارت معي على سمكة كنت حبها كتير ماتت بلا أي سبب بعد ما كنت مربيها الي سنة وكبرت ضعف حجمها
بس قبل بأسبوع من موتها في حدا شافها وقال:
( شو حلوة هالسمكة كيف فارشة زعانفها متل الطيارة قديش بعيشوا هدول؟؟؟)

alixxz · 13-12-2009, 10:50 PM

هههههههههههههههههههههههههههههههههه
طيب قولي "قديش بعيشو هادول"
هههههههههههههههههههههههه

اللؤلؤ المكنون · 13-12-2009, 11:02 PM

أعمار الكناري بين ال8-12 سنة...
ومتل ما قلتلك الأعمار بيد الله...
بس حاول تبحبش أكيد ما في شي متغير عليهم من ست سنين لهلأ لأن ما شاالله خبرة ست سنين لا تسقل فيها....!!!
عندي أول كناري جبته وربيته تحت اشرافي من تمن سنين...

محمد جمعة · 13-12-2009, 11:34 PM

مرحبا اخي انا محمد من اربد
هل الطيور التي تموت تكون مسيفه (العظمة الي بالصدر بارزة)؟

alixxz · 14-12-2009, 02:00 PM

الى اخي محمد
انا علي من عمان
وبالنسبة للطيور فهي ابدا مو مسيفة
بس ليه عم يتعبوا ويموتوا انا ما بعرف