حصري مفتاح التدريب الحقيقي ودوره فعاله 100٪

[Musab Pro]

السلام عليكم
كثير من الاعضاء يشتكون من مشاكل التدريب والسر في ذلك هو عدم التركيز وهذا هو سري الثمين لكم و مفتاح التدريب .. في هذا الموضوع تتعلم كيف تصنع تمارينك بنفسك ولو تتبعت الكلام الموجود اضمن لك 100٪ طاعه قويه جدا
اخي الكريم انا بعطيك طرق انشالله نتائجها قويه حتى لو كلبك مهجن مع فقمه
اول شي طول بالك وقول لا اله الا الله .. الكلب مو غبي بالعكس ولكنه يحتاج تكرار عشان تثبت المعلومه..اعطائها اكثر من تمرين في نفس الفتره يسبب لها كونفيوزينق وبالتالي ما تتعلم .

السن من 4 الى 6 اشهر سن يلمع فيه الكلب بالتدريب على اوامر الطاعه ووهو حساس دائما تآكد انك تدرب بالشكل الصحيح لانك لو غلطت احتمال لا سمح الله ينتهي كلبك وما يتدرب ابد بعدين او يصعب عليك تصحيح الخطأ

ركز بالكلام اللي بقوله لك بالحذافير .

80٪ من الكلاب لا تنفذ الامر بسبب عدم التركيز عشان كذا انت لازم توفر له بيئه جيده للتدريب .
خل الكلب يجوع وابعد عنه اي شي ممكن يلعب فيه خل المكان حقه فاضي ولو كان متعود على اشياء يلعب فيها بالبيئه اللي هو عايش فيها دربه خارج البيت .
دائما اعط نفسك والكلب وقت تقظيها معاه تبني فيه علاقه وثقه.اذا كلبك ما يثق فيك ما راح يطالع فيك.
لا ولا ولا ولا تطق لو مهما يصير .كلبي اذا احد طقه اشقه نصين . والسبب ان شخصيته بتكون ظعيفه ودايم مطئطئ راسه لو انطق.
الحين عندنا كلب جوعان لنفرض مدة 10 ساعات ما اكل او اكثر .و يثق فيك ويحبك ويعرف انك مستحيل تظربه فهو مو خايف من شي .

اولا راح نعلمه على التركيز..لانك لو مثلا علمته على امر الجلوس ممكن مره يجلس وخمس مرات مو مركز معك بيتجاهل الامر وهنا يرتفع ضغطك وتظربه وهذا غلط.

لنفرض اسم الكلب ريكس .. اسم رنان و واضح
اجيب الكلب معي مربوط بليش وامشي معاه واخذه للمطبخ اطلع قطع صدور الدجاج المطبوخه واقطعها قدامه واخليه يشم الريحه والعب فيها ومررها قدامه اعمييييه وهو جوعان او اي اكل ثاني دراي فود اطلعه من الكيس قدامه احطه في شنطة خصر .اجننه اخليه يترجاني اوكله .

بيعرف ان الاكل معي وبيمشي وهو يطالع بيدك يبي الاكل .
يبدأ وقت الجد
الحين هو جنبك الاكل تحطه عند صدرك او عند وجهك وهو يطالع باي مكان ثاني وتنادي اسمه بصوت واضح ونغمه معبره
اول ما يطالع فيك باقل من جزء من الثانيه حط له الاكل وشجعه.
عطه وقت يتلفت وناد اسمه مره ثانيه او ما يشوفك عطه اكل وتشجيع وعلى هالحال 3 ايام الى اسبوع لا تعطيه اي امر ثاني .
الخلاصه
الكلب راح يفهم ان اذا ناديت اسمه راح يطالع بوجهك وهذا المفتاح الاول والاكبر للتدريب راح يكون مركز معك
هذا المقطع يوضح لك

http://www.youtube.com/watch?v=BvNvIq0H_Bc

بعد اسبوع من هذا التدريب تستفيد ان الكلب يعرف انك تعطيه جوائز على الافعال الصحيحه و تركيزه حلو معك

في حال عدم تنفيذ الامر لا تظرب ولا تصارخ بس لا تعطيه الاكل وروح وارجع له بعد ربع ساعه .

تدريب امر الجلوس sit

الطريقه كالتالي .. معك الليش ومسوي كنترول عليه .. تحط الليش على ظهر الكلب وتعطيه امر سيت تسحب الليش على ورى وبيدك الثانيه تظغط شوي على وركه حبه حبه لين يجلس

الكلب اذا حس بمقاومه كبيره بيعاند خلك حنين معه واول ما يجلس كافئه و صوت مفرح ومسح على راسه وصدره طيره بالعجه وخله يحس انه فصل الذره..

تطبق العمليه مره ثانيه وثالثه وبعدين ابعد عنه خليه يوقع قدامك واعطه امر سيت بدون مساعده لا ترجع الليش ولا تنزل وركه .. احنا خلاص عطيناه فكره عن سيت باقي نساعده يسويها لحاله والطريقه كالتالي ..
يوقف الكلب قدامك والاكل بيدك تقربه له عند وجهه بدون لا تعطيه بعدين ارفع الاكل بين عيونه هو اما ان يرجع خطوه او يجلس
قوله امر سيت اذا رجع ورى كرر الكمليه بدون لا تكافئ لين يجلس

اذا جلس سو له بارتي من مكافئه وتحميس وتصفيق .. الكلب مثل الطفل يحب هذي الاشياء.
وتكرر العمليه لمدة اسبوع لين ترسخ

فيديو توضيحي ..
http://www.youtube.com/watch?v=B6fcQapvGek

من الطبيعي الحين انكم فهمتو طريقة التدريب وطريقة تفكير الكلب .. الاساس هو انتباهه
التمارين الرئيسيه لاول شهر سيت و ستاند و داون و كم
sit,stand,down and come
خذ وقتك مع الكلب اعطه شهر تضمن فيه تعليمه الجيد افضل من اسبوع لا تضمن فيه التعليم الجيد .

طرق التدريب والتكنيك كثيره وتختلف شوف ايها اكثرها فعاليه درب نفسك عليها ثم درب الكلب .

لا تكرر الامر كثير عشان لا يتجاهل الكلب لازم يعرف من المره الاولى ان سيت مينز سيت .

اذا ما نفذ الكلب الامر قد يكون ما فهم او في مزاج تعبان او مريض او او او .. وسع صصدرك واتركه وتعال له بعدين .

ظرب الكلب سلاح دمار شامل.. لا تقول بعدين كلبي خواف كلبي يتجاهلني ..كلبي ينحاش مني .. كلبي يلعب مع اصدقائي ..

لا احد يلمس كلبك شيل كل الالعاب وخله يلعب متى ما انت بغيت اعطه وقت للعب انت معه و وقت مشي و وقت حنان بس تسدحه عندك وتدلله وتلمس فيه ..

مدة التدريب يجب ان لا تزيد عن نصف ساعه كحد اعلى بعدها تلعب الكلب و تعطيه وجبه دسمه.

اذا اطلقت سراح الكلب بعد يوم كامل من الحبس او الربط طبيعي يكون عنده طاقه عاليه يبي يركض ..اعطه جوه 10 دقايق يطيح اللي براسه بعدين هيئه للتدريب .

دائما وقت التدريب استخدم كلمات ثابته وحركات يد ثابته يحفضها الكلب لا تغير الاوامر كل مره .

هذي الفيديوات فيها بعض تكنيك التدريب
stand
sit
down
http://www.youtube.com/watch?v=yWBrX39I_bs
come
http://www.youtube.com/watch?v=ZsFxJNKoqpo
stay and break
ثبات و اطلاق السراح .. طريقه ممتازه لازم ما تغفل دايم مع ستي في بريك.
http://www.youtube.com/watch?v=FeuvTs_tlN8

اعذروني على الاطاله وعدم التنسيق .. يدي مكسوره

[د و بر]

مشكوووووووووووووووووور أخوي على الموضوع المفيد

[meto]

بجد اخوى تسلم تعلمت منك كثر والله

جعله الله فى ميزان حسناتك هذه الخدمات

تسلملى يا رب

وان شاء الله بحاول معاه

يا انا يا هوا فى البيت ههههههههههه

بس اخوى انا اوقات ما بربط كلبى بسيبه حر واوقات كتيره بسيبه فوق صطح المنزل هل هذا صحيح او اربطه ؟؟

[Musab Pro]

الفتره الاولى للكلب اربطه عند بيته اذا انت حطيت له بيت عشان يتعود عليه بعد اسبوعين افتح له خله يستكشف المكان قدامك
ويرجع لبيته متى ما احتاج اكل او شرب او راحه.
فترة جيل الجرو الافضل ما يربط .
اذا كبر كيفك بس لو بتربط اربطه بحبل بطول ٥-١٠ متر عشان يقدر شوي يتحرك

[meto]

اخوى ومشكله انها مو بتجرى ورا اى شيئ ارميه ليها على هذا عيب ؟؟؟

ومشكله العض ؟؟ بتعض اى شيئ على انه لعب يدى ؟ رجلى ؟

[Musab Pro]

تسمى غريزة جلب الاشياء واللحاق بها (بري درايف) وهي تختلف من كلب الى اخر حسب الجينات
ممكن تلاقي كلبين اخوان واحد بري درايف جامد والثاني اقل السبب نسل ابوه اقوى من نسل امه .
وهي مو مشكله كبيره لكن اذا تبغى تدريب محترفين ودورات زي الSchH او DPH ,IPO هذي تحتاج بري درايف و بروتيكشن واتاك درايف جامد

اما العظ هذا طبيعي اذا كان جرو واعتقد انها بشاره حلو .. الجرو اذا كان يعظ واجد وهو صغير مستقبله حلو وهذا نوع من اللعب
اللي عليك انك توجهه وتوضفه بالشكل الصحيح.

امنعه انه يعض يدك عشان ما يتعود .. عوده على العاب التق زي هذي



لعبه فيه وخله يعضضها لمدة قصيره يعني 5 دقايق عشان ماا يطفش منها بعدين خبيها عنه عشان يشتاق لها .
وكل مره لعبه فيها خله يعضها ونرفزه فيها واذا بدى يحبها قطها له شوي بعيد بيجري ياخذها
خله يجيبها لك وكافئه بالاكل وحببه بهاللعبه بس لا تطول عشان ما يزهق .

[meto]

اخوى الصور مو واضحه

اظن قصدك انى اجيب له شيئ يعض فيه (عضاضه ) ؟؟

بس انا مفهمتش قصدك بـ

وهي مو مشكله كبيره لكن اذا تبغى تدريب محترفين ودورات زي الSchH او DPH ,IPO هذي تحتاج بري درايف و بروتيكشن واتاك درايف جامد


يعنى لو انا عايز اضربه يلحق الاشيائ اعمل ايه ؟؟؟

تسلم..

[Musab Pro]

بالظبط جيب له عضاضات او قطع قماش .. اشياء يعضها .

اما الدورات اللي ذكرتها لك هي دورات للكلاب البوليسيه . زي الطاعه العمياء تتبع الاثار الحراسه الدقيقه البحث عن ممنوعات ،انقاذ ، هجوم بالاوامر

التدريب على التقاط الاشياء مثل ما ذكرت لك

لعبه فيه وخله يعضضها لمدة قصيره يعني 5 دقايق عشان ماا يطفش منها بعدين خبيها عنه عشان يشتاق لها .
وكل مره لعبه فيها خله يعضها ونرفزه فيها واذا بدى يحبها قطها له شوي بعيد بيجري ياخذها
خله يجيبها لك وكافئه بالاكل وحببه بهاللعبه بس لا تطول عشان ما يزهق .

والصور عدلتها

[meto]

تسلم يا الغالى

ان شاء الله بجرب

واسف على التطويل

بس بجد مديقنى موضوع انه مش بيجرى ورا الاشياء

بس ان شاء الله تتعالج تسلم..

[Musab Pro]

اني تايم يالغالي
الدعوه تحناج بس طولة بال والنتايج انشالله ايجابيه ومثل ما قلت لك الركض ورا الاشياء غريزه ممكن تتطور
اذا تعلم الكلب انه لما يجيب لك اي شي ترميه راح تكافئه راح يستمر يجيب لك الاشياء