ســـاعدوني قبل ما أتعب مع الأمازون

[كسا111111ر]

السلام عليكم ورحمة الله وبركاته

ياليت يا أخواني تساعدوني في نوع الببغاء الي عندي
المشكلة اني اللحين شكلي متورط فيه
انا شريته خلاص وشريته بناءً على توصية واحد فاهم في الطيور
ويقولي انه نوع طيب ويتكلم بسرعه ووو الخ
انا ما ابي اللحين اتعب على الطير واجلس اربي فيه وفي الاخير يطلع ما يتكلم
او قليل الكلام
بصراحه توي مشتريه وتقريباً له اسبوع وشوي عندي
الي اشتراه لي يقول انه عمره 7 شهور
انا ما ينفع الطير ابي ابيعه والله يعوضني
وودي اشتري ببغاء غير بس في الأول ابي اتأكد هل صحيح انه ما يتكلم وانه غبي
على كلام واحد من اصحابي شافه ويقولي هذا غبي ولا يتكلم
المهم هذي صور الببغاء وياليت تساعدوني قبل ما اتعب في التربية
ولكم كل الشكرررررررررررررررررر

[KaakaWy]

و الله .... يا أخي الكريم .. ما أبي أكسر مجاديفك

بس صاحبك إلي تقول إنه نصحك بالطير هذا ... ما فادك .. إلا ضرك .. وشكله شريطي من شريطية السوق إلي ما يخافون الله ..

حبيبي .. الطير هذا ما يتكم ... حتى توليفة .. صعب جداً ... بالإضافة إلا أن سعرة يتراوح ما بين 500 إلى 900 ريال هذا إذا صار وليف . وكما تلاحظ سعرة أقل من سعر الأفريقي الصيد إلي ما يتكلم ولا أليف .. بس يالله ... ما نقول إلا عسى الله يعوض عليك

تحياتي لك

[قلب الماس]

شكل الطير حلو وهاديء ليش مستعيل عليه صبر وان شاء الله يجعل ربي فيه الخير

[كسا111111ر]

والله مشكله مشكورين يا أخواني على الرد

وأتمنى اشوف ردود أخرى قبل ما أستعجل وأبيعه :"(

[تو zoo]

والله يا خوي كسار اذا كنت ماخذ الطير عشان الكلام فهو ما يتكلم
اما اذا ماخذة شكل ومنظر وتربية وبس ترا حلو لانة باين علية نظيف
وبصحة زينة واذا كنت بلكويت و تبي تبيعة انا اشترية وهذا ايميلي
q_81@hotmail.com

[الاستاذ]

هلا اخي الكريم بخصوص الطير فهو يمكن ان يتكلم بعض الكلامات ولاكن ليس بجوده الطيور الاخرى واذا كنت ناوي تبيعه اشتر كاسكو افريقي احسن لك

[الكسيكوالدره]

هلا وغلا اخوي

كسار الطير هذا اول ماشفته قلت طيري لان سبحان الله نسخه طبق الاصل

وبحط صورته اذا قدرت اليوم لاني للحين ماصورته

وترى هو حلو والليف وهادي اكثر من البلو فرنيت اللي عندي وقد حطيت صورته

صحيح البلو يتكلم بس هذا اهدى منه ونصيحتي لك اذا تبي تاخذ طير عشان الكلام

فهذا مش بذاك المستوى يعني ممكن كلمات قليلة وتصفير

وانتظر الصور


:bdaysmile

[كسا111111ر]

مشكورين يا أخوان على كل الردود
وبصراحه انا توي مشتريه وعمره تقريباً أربع شهور
بس ما شفت منه لا كلام ولا صفير للحين
هو الليف ولا يعض بس يبيله تدريب وصبر
وانا بصراحه ما ابي اتعب على طير وفي النهاية ما يتكلم
أخوي تو zoo
بصراحه انا اخذته عشان الكلام بس الله يجازي الي كان السبب
وانا يا أخوي بالسعودية بمكه اذا ناوي تحج السنه هذي تعال وحج وراح اعطيك الطير هدية
ما يغلى عليك يالغالي .

أخوي الأستاذ
بعد كل الردود والله انا ناوي ابيــعه
واشتري الاسترالي ( الكاكاتو ) اعتقد اسمه كذا . ايش تنصحني يا أستاذي ؟
وانا بصراحه ما اعرف الكاسكو الافريقي ؟؟ يمكن هو نفسه الرمادي ابو ذيل أحمر ؟؟
اذا كان هو بصراحه ما احب بسبب شكله .

أخوي الكسيكوالدره
ما يغلى عليك الطير تآمر أمر
والله انا ما أفهم في الطيور كثير وتوي مشتريه
بس والله ما عاد لي نفس فيه مع انه والله الليف وبصحه زينه وتوه
صغير ( يعني المستقبل قدامه ) وأعتقد اذا بيعته راح اشتري الاسترالي
او عُرف أصفر .
تحيااااااااااااااااتي للجميــــــــــــــــــع ،،،،

[الاستاذ]

هلا اخي بالنسبة لطائر الكوكاتو فهو طائر جميل جدا ولاكن ليس بمتحدث جيدا والكاسكو هو فعلا الرمادي ابو ذيل احمر

[فطوم]

انا ادري انه هذا موضوع قديم بس انا قاعده اشوف الصوره ومستغربه الحين هذا مو بلو فرنتد؟؟ شنوهالطير شنو نوعه؟؟