ضروري افيدوني الطير خامل وكسول وماياكل

[soso2004837]

تحيه طيبه


اليوم لاحظت عل الطير صباح انه خامل وكسول وعيونه يادوب يفتحها ويرجع ينام

ماعرف شو فيه كان صاحي وياكل ويلعب

وامس ياكل حبوب وفواكه وبطاط شوي يعني ياكل يتحرك


بس اليوم شكله خملان وكسول وماكل شي


وديته للبيطري عطوه ابره مضاد ودوا بالفم يادوب اخذها

وقال اجيبه للاطمئنان

اطلعه برع يتحرك يمشي


بس مايكل ولا يتحرك شكله كسلان بس


شو اللحل خايهف على الطير وخاصه ماياكل


وهو فرخ 5 شهور بس كان بصحه وهالاسبوع الثالث من يوم ماجبناه

بس اليوم صباح نلاحظ عليه هالشي




شورايكم

[soso2004837]

برازه ماي على اخضر

واخضر سميك

بس شكله فيه اسهال براز كل فتره وهوماكل شي

[soso2004837]

برازه ماي على اخضر

واخضر سميك

بس شكله فيه اسهال براز كل فتره وهوماكل شي

ويرجع بعد ماعطته دكتوره دوا في الفم عن طريق الابره


خايفه افقده

شوالحل

[soso2004837]

شواعطيه من اكل سائل لانه ماياكل شي

[بو ضاحي]

عطية سريلاك أو أكل مال الأطفال المهروس يلي في أغرش ويفضل يكون من فواكة مشكله وحطيله في أبرة وأغصبي علي الأكل الأن طيري في نفس المشكلة يلي تقولين في عن طيرج هذا ثالث يوم عندي بس شوية صار أحسن مع الأبر

[soso2004837]

اها انا عندي سيريلاك مال الطيور كنت شاريه له بي كان بصحه وياكل حبوب فمابغاه


هل برايك اغصب عليه بالابره

مشكلته مايفتح فمه مايريد

بس ماشي حل

حرام اخليه بدون اكل من صباح ماكل شي


ساعدوني شو الحل

[بو ضاحي]

أمسكية من ورة راسة وحطيلة الأبرة في حلجة وأغصبي علي الأكل لا زم ياكل

[miss_snake]

الله يشفي طيرج

[soso2004837]

بوضاحي

شكرا سويت كذا عطيته شوي بس خذ سيريلاك الطيور

لانه مره خامل وعيونه نايمه

مو قادر يتحرك يعني مايقاوم بعد


الله يشفيك دعواتكم


وخبراتكم كيف اسوي له


وشو سبب مرضه لو مريض

[نمط]

صراحة ألاحظ أكثر الكاسكو في هالأعمار تتعرض للمرض وخصوصاً " الإسهال"
وفجأة يفقد الطير حيويته وشهيته في الاكل ويكون خامل
وبعدها يموت الطير
لذلك نصيحة أن يقتنو الكاسكو في عمر ستة شهور وما فوق
يعني اذا قلبت عيونه إلى رمادي فاتح شوي
عمر سبعة شهور مناسب جداً للكاسكو

وانا الاحظ ان أغلب الهواة يلجأو للبيطري ولكن ماشوف في فايدة
يعطي الطير مضاد والا أبر والطير كل يوم حالته تتدهور , ليه ؟
هل هو نقص تشخيص لحالة الطير من قِبل البيطري؟

حاولي تشمسي الطير بعد انخفاض الشمس قليل , ولا تعرضيه للأشعة على طول
حطيه بين ظلال وشمس وبعيد عن الهواء , مكان صاد شوي مثل نافذة

وللأمانة الكاسكو طير ضعيف في مواجهة المرض ومقاومته مثل الإسهال او غيره
انا خلال الخمسة شهور هذي خسرت طيرين كاسكو بنفس الحالة
ولهذا المرة الثالثة أخدت لي "أمازون" وهو أقوى من الكاسكو بالرغم انه كان أصغر منهم
وطيرك وضعه سيء , وان شاء الله يتشافى