أقص الريش ! محتــار !! وبعض الاسئله؟

[mrmzizo]

السلام عليكم ورحمة الله وبركاته

كل عام والكل بخير وجميع الامه الإسلاميه والعربيه بصحه وأمان وسلامه

باركولي ياجماعة الخيير .. البارحه أخذت فرخ كاسكو كان مررره عاجبني .. وأنا رايح اوديه في السياره لمحت واحد أحلى منه بس لأصغر شوي لاكن حجمه ماشاءالله تبارك الله شي جنان .. فقررت أخذ الاثنين .. والله أم العيال أنهبلت لمن شافتهم 2 مررره وحده

المهم .. أنا كان عندي واحد هديه وكنت كاتب موضوع قبل كذا إسمه (( كاسكو هديه بس ولا همسه ))

من جد أحس انو اللي كان عمدي كان فيه شي أو إنه أبكم .. والله لا صفيير ولا يحزنون ..
ماشاءالله تبارك الله اللي ربي رزقني بيهم البارحه تصفيير وإزعاج فوق على كيفك .

بس أكتشفت إنهم مش مقصوصه إجنحتهم وكل واحد حاطهم في قفص ... وإذا شافو بعض أحس إنه كل واحد يبغا يرووح للتاني !!

وهذه أسئلتي ومنتظر الاجوبه الله يحفظكم :

1- باالنسبه للأعمار أتوقع واحد 9 أشهر والتاني أضغر بشوي لأنو عينه رمادي ؟؟
2- أنا عارف إنو قص الريش مهم للمربي مثل الطلوع على اليد ..الخ الخ الخ (( لكـــن ))
تعرفو البرد جاي وأنا في منطقه بارده وفكرت إني أحطهم طوال فترة الشتاء في القفص بالغطاء ؟؟هل بذي الطريقه كمان ممكن يولفوا !!!
والله خايف اقص ريشهم يقومو يزعلوا أو أي يشي!!!
3- هل ممكن أحطهم في قفص واحد كبير ! مع العلم انه اذا صفر واحد بقوم التاني يرد عليه !!
4- هل أستخدم دواء الفولمايسيين !! قرأت عنه مفيد لتغيير الجو حتى لوكان طيرك مو تعبان ؟؟
5-الطير الاول حجمه صغيير بس عمره تقريبا 9 الى 11 شهر بالكثيير !! والتاني حجمه ماشاءالله كبير وعمره أصغر من الاول ؟؟


[IMG][/IMG]

[IMG][/IMG]

بارك الله فيكم وابعد طيورنا وطيوركم من جميع الامراض

[ارجوا الرد]

مبرووك يالغلا الله يهنيك وتستانس فيهم

[mrmzizo]

المشاركة الأصلية كتبت بواسطة ارجوا الرد

مبرووك يالغلا الله يهنيك وتستانس فيهم

الله يبارك في أيامك ياعسل..وكل عام وانت بخير

[الكاكي]

قص الريش بشكل احترافي مهم لثلاثة اسباب :
1- امان من الحوادث كالاصتدام وغيره والامان من الله .
2- حالات الهروب .
3- لتروريض والتدريب .

بالنسبه للادويه تضعف مناعة الطير استخدم الثوم بالماء اسبوعيا افضل .

[mrmzizo]

المشاركة الأصلية كتبت بواسطة الكاكي

قص الريش بشكل احترافي مهم لثلاثة اسباب :
1- امان من الحوادث كالاصتدام وغيره والامان من الله .
2- حالات الهروب .
3- لتروريض والتدريب .

بالنسبه للادويه تضعف مناعة الطير استخدم الثوم بالماء اسبوعيا افضل .

الله يبارك فيك عزيزي باالنسبه لقص الجناح فهمتك وفهمت كل الحالات اللي تقصدها بس لاتنسى زي ماقلت أنا افكر اخلي الطيور طول فترة الشتاء في القفص !! هل ممكن بعروض اذا كان في القفص على طوول لحد ماياخذ علينا في البيت!

ان شاءالله راح أبدا الثوم اليوم
هل ممكن احدهم في قفص واحد!!
ومشكوور على الرد

[مس^^مس]

ماشاء الله تبارك الله ..

الله يخليهم لك ويحفظهم ..

اذا صحتهم كويسه .. ومتقبلين بعضهم .. مااشوف فيها مشكله .. بس عني انا ماقد جربت ..

ومن جد افضل خلهم ف القفص فترة الشتا .. دفيهم لا يتعبو عليك ..

وبهذا الوقت يتعرفو ع البيت وعليك .. من يبدا الدفا ابدأ التدريب ..

وبالتوفيق ..

[الكاكي]

اذاكان القفص كبير مافي مشكله
انك تبدأ معهم التدريب بالصيف انا مني معك تخسر وقت بدون فايده دفي الغرفه وابدأ من الان
بالنسبه لقص الريش معقوله ما طلعهم من القفص لعمل تمارين رف الاجنحه واللعب معهم وتغير الجو عليهم (استاند )

[mrmzizo]

والله ياشباب في اكثر من واحد بقولي خلي كل واحد في قفص لحاله ...على شان التعليم وعلى شان مايتناقرو او يتظاربو ووعورة بعض!! مع انو اليوم مشتري قفص كبيير على وزينتو بشويه العاب

[mrmzizo]

المشاركة الأصلية كتبت بواسطة mrmzizo

والله ياشباب في اكثر من واحد بقولي خلي كل واحد في قفص لحاله ...على شان التعليم وعلى شان مايتناقرو او يتظاربو ووعورة بعض!! مع انو اليوم مشتري قفص كبيير على وزينتو بشويه العاب

وهذه صوره القفص والطير وحداني

[IMG][/IMG]

[مـحـمـاس الـمـنـحـاس]

اخي العزيز
اخوي الكاكي ماقصر معك
اجاب وافاد
ربي يعطيه العافيه

احب اضيف على كلامه شي بسيط
بالنسبه لوضع الطيور في قفص واحد
هذا اخوي يصعب عليك تدريب الطيور وتلقينها لأنها راح تنشغل ببعض

وممكن حتى يقل تصفيرها
لذلك ما انصحك ابدااااااا بوضعهم مع بعض

واخوي بالنسبه لقولك انك راح تتركهم كل الشتاء في الاقفاص
هذا غلط
لازم يطلع الطير من القفص اما فوق القفص او على الاستاند مثل ماقال الكاكي
عشان يرفرف ويدرب اجنحته ويغير روتينه
يعني اشوف ان قص الريش ضروري