مثبت ... إن شاء الله : بشارة بشارة للجميع ..... كل من يحب الطيور يتفضل ... مكرر

["مجرد علامة"]

السلام عليكم ورحمة الله وبركاته

أخواني الأعزاء جايكم ببشارة والله ياهي بتفرحكم بإذن الله


(أقصد محبي الببغاءات والطيور عموما"... أما اصحاب المحلات والشريطية يمكن يزعلون)

الأخبار أكيدة ياشباب


قبل أمس تحديداً
تكرمت علينا وسمحت إدارة الجمارك
بدخول الطيور للملكة

بعد حظر استمر لعدة سنوات

وأخيرا اصبحنا نستطيع استيرادها

او طلبها من الخارج
بدون تهريب وخرابيط او وساطات


وفوق كذا والأهم
إنه بتنزل أسعار الطيور بصفة عامة اقل شي للنصف

(عامل بمحل نصحني لا اشتري إلا بعد أسبوع)

لأنه ماعاد فيه مبرر لها الأسعار الخيالية ....

(الكاسيكو في نيجيريا ب 10 ريال ، المينا بالهند ب 15 ريال ، الدرة النيبالي 40 ريال في باكستان ،

الكوكاتو الغالا ب300ريال ، الصقر الميني يكلف 200 ريال وهنا يباع ب10 آلاف )

إلخ إلخ .............................

يافرحتي


أتمنى التفاعل ودعواتكم لا يصير مثل السيارات

ترى بأتزعم حملة اسمها "خلوها تجعر"



وفالكم البيرق






"الموضوع تكرر لأني ماعرفت شلون انقله من سؤال وجواب الى هنا فالعذر والسموحة"

حغوغ الطبع محفوزة



يارب عفوك

[مكحل الجنيه]

بشارة حلوة الله يسمع منك ان شاء الله


ويكون الخبر اكيد

لكن انا بالعمل ومعي موظفين الجمارك

سالتهم عن الخبر يقولون ماوصلنا علم بهالشي

لكن كل شي جايز

[الآسطورهـ]

ان شاء الله يكون كلامك صحيـح

لو سمحوا بدخول الطيور للسعوديه

فـ هذا شي حلــووو مرهــ

[علي بن عبدالله]

أخوي مثل هالاخبار تحتاج مصدر قوي ,,

مصدرك ؟

[Alm7tref]

مشكور اخوي على البشارة السارة

والله هذا الخبر فرحني الله يفرحك دايم

بس اهم شيء يكون الخبر صحيح

["مجرد علامة"]

هلا بكم


حبايبي المصدر أحد الزملاء بجمارك مطار الرياض وهو مش راعي سوالف


انا كنت من زمان مشغله بموضوع الطيور ، فاتصل مخصوص عشان هالموضوع
وانا باكر بعون الله بروح المطار

وان قدرت صورت لكم التعميم وبحطه بالمنتدى لعيون "تو زوو" والتوزاوية كل ابوهم


واللي حاب يتأكد يسأل بالموضوع












يارب عفوك

[عبووووووودي]

بسم االله الرحمان الرحيم

اخوي كيف حالك انشالله انك بخير

لا اعترض عن موضوع الجمارك

لاكن بقولك شي
بخصوص الاسعار بالخارج

قسم قسم بالله

الافريقي بنيجيريا مايوصل قيمته 200 ريال

بل اكثر
وانت تقول


ب 10 ريال

هل انت سافرت وسالت عن اسعارهم ؟؟؟؟

[عبووووووودي]

واحب اضيف لك معلومه اخي الكريم

احد اصدقاي يدرس بالخارج

ومره طلبت منه يروح يسال عن اسعار الطيور

ولما قلي المحجل الافريقي
قيمته ب 150 دولار

وياليت لو تتكد بكرا من الخبر
راح تخدمني خدمة العمر يغالي

بالتوفيق

["مجرد علامة"]

السلام عليكم

أشكر مروركم الكريم

اخوي عبووووووودي
اذا كنت تسأل هل انا سافرت لنيجيريا؟ لا والله أخوي سافر لها ولا شاف ببغاءات ماشاف الا ذابح ومذبوح


ولكن الحجاج النيجيريين كانوا يجيبونها يبعونها في مكة ب30 و40 و50 ريال
وش ظنتك تسوى هناك؟ وتقدر تسأل اهل الغربية خصوصا اللي له أحد بالميناء بجدة

بالنسبة للبلدان الثانية انا واقف عليها بنفسي ، والكوكاتو بسوق باريتو في جاكرتا والنيبالي في لاهور
والمينا ماوقفت عليها بنفسي ولكن صاحب محل هندي يقول تعال اختر اللي تبي ب400 روبية


السالفة مش سالفة اسعار ، هل تذكرون عندما كان البادجي الجوز ب 25 ريال ؟؟؟؟؟
لا وفي المحلات بعد شلون عاد بالسوق ، الكلام هذا ماهو بعيد
صحيح الزمن تغير لكن هل يعقل انك تشتري ببغاء رمادي ماهو مدرب صحيح انه صغير بالعمر تشتريه ب3 آلاف؟؟؟

هذي اسعار المحلات وهذا اللي أتكلم عنه الأسعار خيالية ياجماعة الخير

المهم ياخوي انت صادق يمكن النوعية الممتازة منه ب200 ريال

ولكن نحن كعشاق لهذه المخلوقات الرائعة نتمنى انها تكون في متناول الجميع

"في الخارج جمعيات خاصة للتبني للببغاءات ، تخيل تتبنى مكاو بس بشرط يقابلونك وتجيب على تساؤلاتهم"

وناسة عقبالنا











يارب عفوك

[سندباد]

الشريطييه مخربين السوق علينا

بالسوق وبالمنتدى

واهم شي راحة المواطن العزيز

الخبر ان شاء الله صحيح