(قصتي)=(بادجي)

[moon-face]

بسم الله الرحمن الرحيم
كيفكم يااحلى اعضاء انشالله كويسين
نبداء في القصة
قصتي هيا انو انا يوم من الايام كنت مرررة طفشانة قلت خليني اروح واحة الحيوان اتفرج على الحيوانات اللي عندهم بس اتفرج مااشتري شي المهم هناك لمن رحت اتجننت على البسس الصغار اشكالهم تجنن المشكلة انو ماينفع اشتري لانو من البيت قلت محااشتري شي والمشكلة التانية انو بيتنا مايحب زي دي الاشياء اللي يخاف واللي يقرف واللي يقول تجيب امراض بس انا اللي طالعة بينهم زي عامود اللمبة احب دي الاشياء وطبعا بعد كل انواع المحاولات اني اشتري مانفع شي امي مارضيتلي قالتلي بسة لا بس يمديكي تشتري عصفور المهم مع الزعل اخترت اللي لقيتو قدامي بس اللي عرفتو عنو انو اسمو بادجي على مااعتقد مع الزعل ماسئلت عنو ولا سؤال بس قرات انو يدرب حاولت بكل انواع واشكال الطرق بس ماسار شي المهم حبيت اعرف عنو دي الاشياء
1-اسمو ونوعه
2-عمرهم
3-جنسهم
4- ولو كان ذكر وانثى هل هم جاهزين للانتاج
5- ومين الانثى ومين الذكر
وهادي الصور وانشالله تكون ظاهرة لاني اول مرة انزل صور




وانشالله اكون ماطولت عليكم

[فاطمة1]

ذكررررررررررين

[ienna]

ما شاء الله

الأزرق ذكر والأبيض انثى .. وهذا أكيد ان شاء الله

الطيور صغيرة بالسن ولم تبلغ بعد

عند بلوغ الذكر سيكون لون الكير ازرق تماما
وعند بلوغ الأنثى سيكون لون الكير بيج أو بني

والبلوغ يكون في عمر 6 شهور

[فاطمة1]

البلوغ يكون في عمر 8 شهور

[ienna]

البلوغ يكون في عمر 6 شهور
أما الانتاج فيفضل عند استكمال 8 شهور

[moon-face]

شكرا على الرد والمرور الحلو

[zikas10]

أولا ألف مبرووك الطيور الجديدة..
ونعم الاختيار..
ألوانهم جذابة ..
الأبيض أنثى صغيرة والذكر جاهز للتزواج..
اهتمي بهم جيدا ...نوعي لهم الأغذية ولا تكثري من الخضراوات..
ضعيهم في قفص مريح وكبير..
لا تهملي النظافة وتغيير الماء بشكل يومي..
وبالتوفيق..

[moon-face]

شكراا zikas10والله افدتني كتيرر وكل عام وانتا بخير (عيد سعيد)