دخول قط جديد للمنزل ووجود قط سابق

[FrEe LeGeNd]

السلام عليكم ورحمة الله

كيف الحال

انا عندي استفسار واتمنى الاجابه عنه

عندنا قط ذكر بعمر تقريبا 4 شهور

وجبت قط جديد ذكر ايضا بعمر 3 شهور تقريبا

ماهي السلبيات في ذالك ؟

هل سيحدث شجار؟

كيف اعودهم على بعض

وبخصوص الاكل واللتر بوكس لازم اخلي كل واحد فيهم له صحن خاص ولتر بوكس خاص

ولا كيف؟

[فاتـــو]

وعليكم السلام
اهلين
فيه احتمال يصير شجار لكن بنسبه ضئيله لان معروف عن الذكور انهم هاديين وطيوبين
وممكن يكونون علاقات بسرعه لكن لازم ناخذ احتياطاتنا
بالنسبه للقط القديم لازم يشوف الجديد بس من بعيد
يعني لاتقربهم الحين من بعض خليهم يستكشفون بعض من نفسهم
ولا تحط لهم لتر بوكس واحد لان ممكن احدهم يترك التر بوكس ويسويها في مكان اخر ..
بتلاقيهم في اليوم الثاني بدوا يشمون ويراقبون بعض
في اليوم الثالث حط لهم الاكل في صحن واحد وشوف رده فعلهم هل بياكلون مع بعض ولا لا
ولاتغصبهم على الاقتراب من بعض لان هذا يولد عدوانيه بينهم
في اليوم الرابع شوف تصرفاتهم شلون صارت هل يصدرون اصوات عدوانيه ام لا
وجرب تلعبهم مع بعض اذا مالقيت نتائج سلبيه
اتمنى اكون افدتك والله يحفظهم لك

[باغيرا]

وعليكم السلام ورحمة الله وبركاته
اهلا وسهلا فيك احنا بخير الحمدلله
انت كيفك ؟؟؟
بالاول عندي ملاحظات احب اوضحها لك ولفاتو
بالعكس القطط الذكور اكثر عنفا مع بعض واكثر شجارا مع بعض
وانا لليوم اعاني من هالمشكلة العصيبة
وبيكونون اكثر عصبية وبالبداية الله يعينك بيتهاوشوا بس انت مارح تقدر تخليهم يحبون بعض
بس رح اعطيك طريقة تسهل الامور ولو حاجة بسيطة
اول شيء لاتخلي القط القديم يشعر بأنك جبت قط ثاني نهائيا يعني كل واحد بغرفة لوحدهم
وخليك شوي مع القديم وشوي مع الجديد وبخصوص القديم نهائيا لاتحسسه بأنه في شيء تغير
يعني اكله والعب معاه ولحمس على راسه
والجديد كمان خليه يتعود عالغرفة الي هو فهيا وحط له ليتر بوكس واكل وماء ولحمس عليه وطمنه
بعد كدة خذ منشفة امسح فيها القط الجديد ووديها لقطك القديم وخلي يشمها رح يشمها شوي بعدين
احتمال يبخ على المنشفة ويهرب خليه يشمها مرة ثانية وامسح المنشفة فيه وردها للقط الجديد
خليه يشمها كمان اكيد بيستغرب وبيرجع اذنيه للخلف وامسحه فيها كمان وكرر هالحركة لمدة ثلاث ايام
بعد كدة جيب القط القديم وخليه عن باب غرفة القط الجديد يعني بيكونوا قريبين من بعض بس في حاجز بينهم
بيشموا بعض وبيصير في بخ واحد الطرفين بيهرب ايضا كرر هالحركة لمدة ثلاث ايام بعدها خذ القط القديم
وحطه في غرفة القط الجديد والعكس يعني يتبادلون الاماكن بس دون مايشوفون بعض وخلي كل واحد يشم في مكان الثاني اكيد القديم بيشم كل الغرفة والليتر بوكس والاكل والماء
والجديد نفس الشيء ايضا كرر هالحركة لمدة ثلاث ايام كدة صار معك 9 ايام
بعدها خليهم يشوفون بعض بس من بعيد ولو احد من افراد البيت يساعدك افضل لك
وشوف ردة فعلهم لو صار في هجوم على طول رجع كل واحد بغرفته ولو صار شوية بخ وتهمير اصبر عليهم
كمان كم يوم يعني رد كل واحد بغرفته وكرر كل الحركات الي سويتها مرة ثانية بس هالمرة مو شرط ثلاث ايام
بعد كدة رد خلهم يشوفون بعض وشوف ردة الفعل وطبعا من بعيد اذا صار فيه بس بخ اتركهم شوي
بعد كدة حسس عليهم هم الاثنين وخل احد افراد العائلة يمسك قط وانت تمسك قط يعني لاتخليهم يحتكون
في بعص كثير لانه ممكن يمسكون ببعض ويتضاربوا ولاتميز قط عن قط لانه القطط تشعر بالغيرة يعني خليهم
سواسية عامل كل واحد مثل الثاني بعد كدة روش القطين بنفس الشامبو عشان تصير رائحتهم مثل بعض
وبعد ماتروشهم ضع عليهم نفس البودرة وبعد كدة تبدأ تمارس الاهتمامات يعني تاكلهم كل واحد بصحن لوحده
والليتر بوكس مبدأيا خلي كل واحد له ليتر بوكس لوحده بع كدة مع الايام تخليهم ياكلون بصحن واحد وليتر بوكس واحد