اشترك في نشرتنا البريدية ليصلك كل جديد

m3n · 17-04-2009, 06:31 PM

السلام عليكم
بعض النصائح اللي وقعت فيه في تربية الدجاج

وان شاء الله تستفيدو :
.
.
1- اني شريت ديك ودجاجة فقط واظن انه الحد الادنى( ديك ودجاجتين ) بإمكانك تبدأ البداية بديك ودجاجة لكن ستواجه اكثر الاحيان متاعب انت في غنى عنها نصيحة خليك بعيد عن وجع الراس

.
.

2- اذا الدجاجة رقدت على البيض لا تحاول طول الوقت تزعجها وتشوف البيض

( انا كنت اقومها عشان اشوف البيض

..)
.
.

3- حاول انه تربي الدجاج في مكان منعزل عن اعين الناس انا كنت حاط الدجاج خارج البيت في قفص وكان عرضه للبزارين مسكينة دجاجتي اكثر وحدة اكلت ضرب .
.
.

4- حاول قد ما تقدر تعزل الدجاجة مع بيضها بعيد عن : الديك , الناس . لا تخلي احد يشوفها اياً كان وراقبها من بعيد لبعيد يكون احسن .
.
.

5- واذا جيت يوم ولقيت الدجاجة رامية بيضة برا القفص لا ترجهعا لانها فاسدة قد تسبب والله أعلم خطر للبيضات الأخرى . انا رجعت بيضة المرة الأولى بيضة وفعلا كانت فاسدة وبعدها كمان بوقت رمت الدجاجة 3 بيضات بس ما رجعتها <<<يتعلم بسرعة مشاء الله عليه

.
.

6- اذا تأخرت رقود الدجاجة عن المدة الطبيعية 21 يوم او اكثر من 25 يوم يستحسن تشيل البيض لانك بضيع الوقت
(البيض اكييد بيكون فاسد ) .( انا خليتها لمدة 37 يوم

)
.
.

7- هاذي حسيتها مشكلة دائما تحصل انه لو قلت لاحد على خبر حلو بيحصل في المستقبل ما يصير .
.
والله اعلم انا عني

قلت لكل اصحابي انه بيكون عندي كتاكيت في اليوم الفلاني وخليت كل واحد يكتب توقعاته كم بيضة بيطلع منها كتكوت بس مع الاسف كلهم غلط طلع عدد الصيصان اللي بيطلعلي 0 وما كان ولا واحد يتوقع هذا العدد الكبير من الصيصان بيطلع

( حمد لله على كل حال ) ...
.
.

8- اسمع كلام الخبراء واللي لهم خبرة في تربية الدجاج
.
.

والسلام ختام

ارجو انكم تستفيدو من اخطائي واذا في اي اخطاء في موضوعي او ممكن اخطاء اخرى ممكن اوقع فيها ..يريت ما تبخلو علي وعلى الاعضاء ... لاني ان شاء الله بكون مستعد اكثر في المرة الجية للبيض ...ويا مسهل ...

صورة دجاجتي وهي تبكي ان شاء الله تكون واضحة كأني اشوف عيونها مدمعه

مشاهدة الصور
ان شاء الله يشتغل الرابط ومشكور اختي هاوية مقدماً..

m3n · 17-04-2009, 06:44 PM

اسف بالنسبة لصورة ما عرفت كيف الطريقة صغرة الصورة رحت موقع باس آب لتحميل

ما عرفت مع العلم تواجهني المشكلة هاذي من زمن طويل

يريت اللي يقدر يشرحلي الطريقة بشرح مفصل بكون شاكر له

...

! هاويه الطيور ! · 17-04-2009, 07:01 PM

عليكم السلام

شي جميل الانسان يتعلم من اخطاءه
وموضوع مفيد لك هاوي وهاويه مبتداءه في التربيه

اقتباس:

1- اني شريت ديك ودجاجة فقط واظن انه الحد الادنى( ديك ودجاجتين ) بإمكانك تبدأ البداية بديك ودجاجة لكن ستواجه اكثر الاحيان متعاب انت في غنى عنها نصيحة خليك بعيد عن وجع الراس

بعد ماترقد الدجاجه الديك يكون وحيد بالعكس مافيها . .
بس راح يتنظر فتره طويله لما تخرج الدجاجه من حضانه الصغار تقريبا الشهرين
ومثل ماذكرت يفضل دجاجتين ..

يعطيك العافيه ..

بخصوص المركز التحميل هذا ممتاز وسريع

http://www.m5zn.com/

طبعا انسخ كلمه وضع الصوره في المنتدى وناطرين الصوره