انتم الخبراء و نحن المبتدئين ( الكناري ) فيديو

[mmkk6]

السلام عليكم و رحمة الله

اخواني انا عضو جديد في منتداكم و سجلت في هذا المنتدى للفائده

عندي جوز كناري هولندي

و انا كنت ساكن في الدمام و نقلت مكه ولي الان اسبوعين

مشكلة هذي الطيور انهم باضت قبل فتره و ماتو الفروخ و باضت مره ثانيه و ماتو الفروخ
الا واحد لكن صارت فيه اعاقه و خليته في الدمام

عموما

الان لهم اكثر من 3 اسابيع و هم صافين العش و ما باضت الى الان مع العلم ان الريش
الي حوالين العضو التناسلي طاح و اشوف الانثى حركتها كثيره و احيانا تضرب الذكر
مثل ما بتشوفون بالفيديو

الان انا فصلتهم عن بعض من يومين و بصراحه ما ادري وش اسوي

و الذكر ما يغرد من فتره الا يوم فصلته غرد على خفيف و سكت والان قاعد يصفر
بدون تغريد و صايره حركته كثيره و يوم طلعته من القفص راح على طول عند قفص الانثى
و قاعد يصفر لها صار عصفور

و عندي سؤال اخير

اذا جيت ارجعهم مع بعض ادخل الذكر على الانثى و الا العكس ؟؟؟

مقطع فيديو للتوضيح

[غااالي]

مرحبا اخوي والله انا مبتدى ولا عندي خبره كثيره

ولاكن انا اشوف حركة الانثى قريبه يعني كا نها تحاول انزال البيض

انا مره شفت موضوع عن تعسر طائر الكروان و عملو له عمليه لكي تساعده عل اخراج البيض منه

شوفها عن طريق اليوت يوب

كان ودي افيدك ولاكن ما عندي خلفيه كافيه اتمنا الخواني ذوي الخبر ان يساعدونك باسرع وقت

تحياااااتي

[mmkk6]

الله يحيك اخوي غالي

ما قصرت على المعلومه

لااني ناوي بعد شوي ادخل الذكر عليها لان الذكر مسوي لي ازعاج بالتصفير و حرحكته كثير بالقفص
و الانثى مو معطيته اهتمام كبير يعني ما تصدر ولا صوت الا نادرا

عموما ان شاء الله احد من الشباب يفيدني اكثر

[mmkk6]

قبل شوي فتحت القفصين بعد ما شفت الذكر يغرد
و كنت ابي الذكر يطلع و يروح للانثى لكن من دون فايده خليتهم 5 دقايق طلعت الانثى و راحت لقفص الذكر
و دخلت عليه و قامت تطلع صوت و كل ما قربت منه يهرب عنها و يقعد يتحكك
و كنها مو موجوده عشان كذا قررت افصلهم نهائيا و اشوف لي ذكر غيره

لكن عندي سؤال وش نوع الذكر الي اجيبه لها ظ

هولندي
او
سوري
او
ايراني

او

؟؟؟؟؟

[عآشـ الكروآن ـق]

الله يرزقك بفروخ روووووعه

[mmkk6]

^^^^

آآآآآآآآآآمين يارب

[mmkk6]

ابشركم تم اليوم الصباح تلقيح الانثى
و ان شاء الله يرزقنا الفروخ الذكور

[mr.J N]

شوف انا كان عندي نفش الشي تقريبا
كانو يبيضون و بعد فتره ما اشوف البيض ما ادري هم يكسرونه او شي ثاني ما ادري و باضو تقريبا اكثر من 10 بيضات الي ما قلت الظاهر ما فيه فايدة
رحت لمحل طيور و قلت له السالفة عطاني بودرة صفراء و قالي عطهم جرجير و فعلا باضو 4 بيضات و فقسو 3 للحين و يا رب يفقسون الرابعة
شغلة ثانية اذا باضو البيضة و فقست يجي معاها مثل الدود الصغار ما تقدر تشوفهم بالعين و هذولي الدود اعداء الفروخ يمصون دمهم الحل اذا باضو حط لهم شي مثل المبيد لهم تاخذه من محل الطيور مو تحط بف باف
و ان شاء الله تشوف ذريتهم

[محمد جمعة]

اخي السبب واح هو تغير المكان اصبر وسيعود كل شيء كما كان

[mmkk6]

المشاركة الأصلية كتبت بواسطة mr.J N

شوف انا كان عندي نفش الشي تقريبا
كانو يبيضون و بعد فتره ما اشوف البيض ما ادري هم يكسرونه او شي ثاني ما ادري و باضو تقريبا اكثر من 10 بيضات الي ما قلت الظاهر ما فيه فايدة
رحت لمحل طيور و قلت له السالفة عطاني بودرة صفراء و قالي عطهم جرجير و فعلا باضو 4 بيضات و فقسو 3 للحين و يا رب يفقسون الرابعة
شغلة ثانية اذا باضو البيضة و فقست يجي معاها مثل الدود الصغار ما تقدر تشوفهم بالعين و هذولي الدود اعداء الفروخ يمصون دمهم الحل اذا باضو حط لهم شي مثل المبيد لهم تاخذه من محل الطيور مو تحط بف باف
و ان شاء الله تشوف ذريتهم

مشكور على المعلومه هذي
و موضوع البف باف هذا بعيد عن بالي

المشاركة الأصلية كتبت بواسطة محمد جمعة

اخي السبب واح هو تغير المكان اصبر وسيعود كل شيء كما كان

ان شاء الله

الله يعينا على الصبر

لا تحرمنا طلاتك يا اخ محمد