هل يتغير لون شعر القطة ؟

[kitten_Q8ia]

صباح الخير يا اعضاء و مشرفين المنتدى
اليوم و انا قاعدة العب قطوتي missy تذكرتها و اهيا صغيرة كان لونها وايد وايد غامق لدرجة انا اخوي يسميها عتوي الليل لانها كانت شبه سوداء بس الحين لونها تغير صار وايد افتح و طلع لها صوب بطنها لون ابيض صارت جنها توم فعندي سؤال هل راح يتغير لونها وايد لانه انا ملاحظة اذا مشطت شعرها اكتشف انا جذور شعرها ابيض فهل راح تصير مثلا مبقعة او كلها ابيض ؟؟؟

[فطوم]

اختي الكثير من القطط الفاتحه اللون تكون جذور شعرها بيضاء

بالنسبه لتغير لون الشعر فهذا طبيعي لأن القطط والكلاب والكثير من الحيوانات الاخرى يحدث لها مانسميه تبديل الشعر بالذات مابين فصل الربيع والصيف وتلاحظين في هذه الفتره ان الشعر يتساقط بكثره

بخصوص درجه اللون انا بعد تومي كان لونه اغمق بكثير لمه كان أصغر ولاحظت فتحان اللون مع تقدم العمر على اكثر من قطه ولااعرف ماهو السبب

[kitten_Q8ia]

بس هيا عمرها 3 اشهر بس يوم يبتها مان عمرها شهر و نص

[فطوم]

نعم اختي مثل ماقلت لج القطط تبدل شعر ولوتلاحظين القط اول ايامه يكون غامق كثير بعدين يبدأ يفتح لمه يكبر ومع تقدم العمر راح تلاحظين انه يفتح مرات ومرات يغمق لكن الغمقان يكون بشكل مؤقت وثم يبدأ يفتح مره اخرى وانا هالشي حصل معاي ومع الكثير من مربين القطط اللي اعرفهم اما السبب لا اعرفه وشوفي هذي الصور اهني اشلون القطط كانت غامقه وهي صغيره:

ولاحظي اللون شلون صار افتح بعد عده شهور:

[kitten_Q8ia]

مشكور احتي فطوم و بالمناسبة القطط روعة ماشالله تبارك الرحمن

[فطوم]

تسلمين يا اختي وهذا من ذوقك

[kitten_Q8ia]

ممكن سؤال القطط الصغيرة اللي عمرها اسبوع يصير نلمسها ؟

[قطو_Q8te]

السلام عليكم،
اشكر اختي العزيزه : فطومـ

ماقصرتيـ كفيتي ووفيتيـ =) .
وصحيح كل القطط لما تكبر يفتح لونها .

بخصوص قطه بعمر الاسبوعـ.
في حال كنتي مربية القطه الخاصه عادي
في حال قطه غريبهـ فاحذري من هجومها كما حصل معي ! وايضا" اهمال الرضيع

[فطوم]

أختي انا وصديقاتي نلمس أبناء قططنا منذ اليوم الأول والحمدالله لم يحدث شيء ربما يرجع ذلك لتعودهن ومعرفتهن لرائحتنا ولكن يفضل أخذ الحيطه وعدم اللمس حتى لاتتغير الرائحه على الأم وتهجر أبنائها

[kitten_Q8ia]

مشكور قطو كويتي و مشكورة فطوم والله كفيتو و وفيتو