ما هي التدريبات الأساسية للدرة بعمر الشهرين ؟

[wesker]

السلام عليكم

عندي ببغاء درة عمره حدود شهرين اهو اليف معاي بس مازلت احاول فيه اخليه يطلع على يدي بس مايجي الا بصعوبة
ابي اعرف ايش التدريبات الأساسية الي اقدر ادربها ايها وياريت لو كان فيه فيديوهات للتدريبات
شكرا لكم

[غجرية]

السلام عليكم
لو الفرخ غر وتاكله بيدك تقدر لما تجي تغره تبتعد مسافه قريبه وتنده عليه باسمه او تقول له تعال وان حامل السرنج لفيه الاكل وهو بما انه جائع سيأتي اليك طالبا للطعام ومع الايام عندما يبداء الطيران تبتعد مسافه وتناديه وانت حامل السرنج وسيأتي اليك طيران وهكذا يصبح لديك طير هدد
ثانيا لا تغر الطائر بسرعه وكلما ابعدت عنه الطعام تحدث معه وامسح عليه وبعد ان تنهي الغر احمله بكف يدك وامسح عليه وتكلم معه لا تعيده مباشره الى الحضانه حتى يعتاد على صوتك ويدك ورائحتها وهكذا بالتدريج سيتقبل الصعود على يدك
اتمنى ان يفيدك باقي الاخوة
بالتوفيق

[روجيادا]

ممكن تعلمه ع أي شي تريد اهم شي التكرار وتربط الكلمه مع الفعل
مثلا تقوله راسك وتحك له راسه ومع الوقت لما تقول راسك راح ينزل راسه ت تحكه
وكلمه سلم وتمسك رجله وتهزها كانه يسلم عليك ومع الوقت راح يمد رجله وحده لما تقول سلم
ممكن تستخدم الكليكر ف التدريب
قول سلم وامسك رجله وصافحه واضغط الكليكر وعطيه شوي اكل كمكافأة ومع الوقت بيتعلم اتمنى تكون الفكرة وضحت