تربية الكوبرا

[Ahmad hamad]

السلام عليكم

ابغا اسال اذا ممكن الواحد يربي كوبرا

واذا ممكن تربيتها كيف يكون نقلها والأشياء هذي ومن وين ممكن اجيبها؟؟

وياليت اذا في احد عندو فكره عن اسعارها

الف شكر

[madtaz]

اذا ما عندك خبرة واسعه جدا بالافاعي ما انصحك بالكوبرا

بعدين الثعابين تتروض ما تتربي و قرصة الكوبرا موب هينة

[|| PyTHoN ||]

بهالزمن كل شي يتربى

لكن مو كل شي تفكر تربيه ، تذكر الغلطه البسيطه
منها شلون بتكون ^^ ,,

خصوصاً ما أتوقع بالمستشفيات في إستعداد لهالحالات
و عارف مستشفياتنا ماشالله أحسن المستشفيات

و تذكر انها سريعه و لو انحاشت بتكون مصيبه

و لك صوره عشان تشوف تاثير السم لما لحقوا
عليه ، يعني الحمدلله ما مات ~
" الي قلبه ضعيف لا يشوف "

إضغط هني

و ممكن يزيد و يحتاجون انهم يبترون الرجل
طبعاً على حسب مكان العضه

فكر فيها شوي قبل ما تربيها

.
.

عموماً اكلها كأغلب الحيايه والي اهو الفيران او الطيور
للحمل بتحتاج طبعاً العصي ، و التعامل يفضل تشوف
فيديوات أحسن من الشرح ، و حوضها يكون دافي و فيه
رطوبه ويكون وسيع شوي و فيه مخابئ شوي و الأرضيه
ممكن تخلي قش او ممكن مناديل او حشيش الصناعي
و يكون في ماعون ماي و كهف صغير و شوية أغصان عراض

و الباقي بس ديكور حط الي تحبه لكن ما يكون في شي
حاد ~

و بالتوفيق ~

[ahmadsos]

موجوده في جده شفتها ب600 ريال

[Ahmad hamad]

الف الف شكر لكم كلكم

وشكلي بدور نوع ثاني ^_^

[|| PyTHoN ||]

لو ان ودك تبدي بهالهوايه اخذ نوع مو سآم
و اهم الي يفضل تربيهم او الي يكون سمهم ضعيف

لا تقرب من الحيايه الشديدة السميه ، و اصلاً شكل
الحيايه الغير سامه أحلى ، و التربيه مو بخطر السامه
حتى لو انحاشت مو مشكله ~

و لو تبي من الأنواع المحليه عندك الدساس و الأرقم و ابو سيور
او لو تحب الناتركس ~

و من بره عندك الكينج سنيك و الكورن سنيك و الميلك سنيك
ألوانهم حلوه ~

و هم الأصلات و البوات تربيتهم حلوه ,

شوف الي يناسبك

[مهووس الحيوانات]

إذا مرة تحب الكوبرا تقدر تاخذ كوبرا مزيفة أو كذابة

هي سمها خفيف و مو خطيرة مثل ذي

و شكلها قريب من الكوبرا و تنفخ رقبتها إذا خافت مثل الكوبرا

[Octopus]

الكوبرا الكاذبة
و ثعبان الفئران
هما ييشبهان الكوبرا في الشكل

[nemo991]

احسن لك تغير الكوبرا وتشتري ثعيان مو سام