ممكن مساعدة من ذوي الخبرة

[ام فيصل]

ارجو مساعدتكم

قبل كم يوم شريت سمكة مااعرف وش نوعها ولا وش تاكل رحت السوبر ماركت وجبتلها اكل

ابي اعرف وش نوعها ووش اكلها وهل اغير لها الماي لانه قالو لي تموت اذا غيرتي لها الماي؟؟؟

وشكرا

هذي السمكة اتمنى تكون واضحة

وهذا اكلها

[Dr Khaled]

و عليكم السلام و رحمة الله و بركاته

أهلين بالأخت الكريمة
السمكة هي الفايتر لكن لماذا هذه المياة البيضاء و الغائمة ما صورة حوضه؟ أو مع من يعيش؟

و الأكل يمكن إطعامه منه بشكل مرتين قليلتين صبح و مساء على قدره يعني رشه ناعمه أو إذا كانت حبوب شريطة أن تكون حبوب صغيرة لا كبير 3-4 حبات إذا كان وحدة

لكن ممكن صورة الحوض؟
و هل هنالك سخان اسماك؟ و توابع الحوض؟

[برنسيسه..]

صورتها مو واضحهـ.

يعني سبب تمويهـ الصورهـ..

من إييش .؟!

يعني من ( الحوض أو الماء ) .؟!

وممكن صور أكثر للحوض..

و ما هي تجهيزات الحوض .؟!

[فارس الاسلام]

اختي انت لديك اكل سمك الجولدن فيش وهذه السمكة الذي اشتريتها هي ذكر السمكة المقاتلة وطعامها يختلف عن طعام الجولدن فيش

[ام فيصل]

ابصورلكم الحوض بس عشان توني شاريتها بجيب لها حوض دائري وهي لوحدها

وسبب عدم وضوح الصورة عدم تغييري الماء لها

ابصورها واوريكم.

[ام فيصل]

صورت لكم الحوض او بالاصح العلبه بعد مانظفت المويه

ياريت اذا فيه موضوع عن هالنوع من الاسماك عشان اعرف وش تحب

او اذا فكرت اجيب وحدة ثاني>>>ليش هي الشغلة لعب عيال او شي اهتمي باللي عندك

اترككم مع الصور









نسيت مااشكر الي ردو علي شكرا من الاعماق

[Dr Khaled]

أختي السمكة كتير صغير عليها الحوض
ممكن أن تذهبي لمحلات الأسماك و تشتري من الأحواض الجاهزة و التي تكون معها الإكسسورات الصغيرة و التي تتسع ل 20 لتر و تشتري سخان قياس 25واط و إن لم تجدي قياس 50 واط و تزبطي الحرارة على 25 درجة .. و تجهزي الحوض و تتركيه يعمل لمدة أربع أيام و من ثم تنزلي السمكة به

لا تشتري شي معه لأنه يحب العزلة

الأرضية ممكن أن تكون حصى طبيعية صغيرة

الإضاءة تعمل صباحاً و تطفىء ليلاً
الأكل مرتان تختفي بسرعة

[فارس الاسلام]

هذا ذكر السمكة المقاتلة

يعيش مع سمكة الزبالة

هذا الذكر




وهذه الانثى



وكل ذكر بحاجة لزوجتين

ممكن ان يعيش مع بعض انواع الاسماك منها الزبالة ومنا النيون
[IMG]http://www.aquariumblogger.de/wp-*******/uploads/2009/04/dsc00472.jpg[/IMG]









يمكنه العيش مع بعض انواع الاسماك


واذا كان الاكواريوم كبير يمكنه العيش مع جميع انواع الاسماك











تعيش بدرجة حرارة ما بين 22 وعشرين مؤوية الى 28

الطعام مرة كل يوم

لا تكثر الطعام

لانه ممكن ان يتحول لسم ويقتل الاسماك

وفي الختام هذا فيدو يظهر بانه ممكن ان يعيش السمك المقاتل مع غيره من الاسماك اذا كان الحوض كبير بما فيه الكفاية

http://www.myvideo.de/watch/7340634/...rium_friedlich

[ام فيصل]

خلاص اليوم بروح وبشوف الاحواض

الله يجزاكم الجنه وكلمة شكرا احسها قليلة في حقكم اخي الدكتور والاخ فارس الاسلام.

[abu7rb]

هلا أم فيصل
تعريف السيامي ..
أول شي سمي الفايتر ( بيتا ) ب السيامي بسبب تعامله مع أي ذكر آخر من نفس جنسه وتقدرين تعرفين ردة فعله بوضع مرايه قدام الحوض وراح يعتقد إنه يشوف ذكر ثاني ويحاول يقتله

نصائح
1-لا تحطين سمك المويه البارده معاه مثل القولد فيش .. وهي يعتبر من أسماك المياه الدافئه
2-ماتآخذين السمك اللي مايطلع فضلات كثير عشان ماتحصل سموم عاليه بالحوض وتضطرين تغيرين المويه بإستمرار وراح يمرض الفايتر
3- لا تآخذين سمك ألوانه فاقعه ومتعدده مثله لإنه راح يتضارب معاهم ويبي يكون الأجمل!!
4- ( أسماك الجوبي تعتبر من الأسماك الممنوعه )
5- حلزونة التفاح والكوريدوس والبيلكو والقوست شريمب و otocinclus كات فيش .. والتشيري شريمب النيون بلاك والنيون تترا والرمي نوز تترا والهوني قورامي بالذات من بين جميع أنواع القورامي ...كلها ممتازه في مجتمع البيتا
6- أي حوض زي ماقلت من اول يزبط معاه ولو حتى حوض 6 لتر!! وكل ماكان أكبر كل ماكان في حاله أفضل
7- يفضل تواجد أنثى بنفس الحوض ويتم عزلهم بفاصل عن الآخرين وللمعلوميه قد يقتل الأنثى لو ماتعرف عليها بالوقت المناسب ويفضل إختيار التوقيت الصحيح للأنثى .
8- التايقر بارب والقورامي بشكل عام ماعدا الهوني والتترا الكبير والأنجل والقولد فيش كلها ماأنصح فيها أبدا

معلومات:
الطول 6 سم
الحمض بالماء المناسب لهذه السمكه يكون بين 6 وسبعه ونص ( غير ضروري حالياً معرفة معناها فقط عشان تعرفين كل شي يخص سمكتك)
درجة الحرارة له من 21 درجة مئوية إلى 29 درجة مئوية ( عشان كذا يجب وجود الدفايه حسب مقاس حوضك )
عسر الماء من 5 درجات إلى 20 ( عسر الماء ماله دخل في الشوائب ) وهذي غير ضروري حالياً معرفة معناها فقط عشان تعرفين كل شي يخص سمكتك
دورتة في الحياة من سنتين إلى 3 سنوات وإحتمال أكثر
ويعتبر من الأسماك المسالمة في حال إختيارك الصحيح للسمك المتواجد بنفس الحوض
الأكل :
ياكل القشور وأي شي رقيق وصغير .. ويآكل أي دود حي .. ويآكل الدود المجفف والدود المفرز من ( بلود وورم ) أو التيوبفليكس

الموقع في السباحه : يسبح في أعلى الحوض
ولا تسمعين كلام المحلات لإنهم 98% مايفهمون بتربية الاسماك ولا يعرفون لها!!
ويعرفون إن السمكه إذا ماتت يعطونها الطيور يآكلونها ويدبلون سعر السمك الباقي عشان يعوضون فيها الخساير على ظهر الزباين!!

تغيير المويه لا يقتل السمكه!!

إذا جبتي السمك بالكيس حطي الكيس اللي فيه السمكه على موية الحوض 10 دقايق ..
بعدين إفتحيه وخليه دقيقه .. بعدين خذي إسفنجه صحون ( مواعين ) جديده وحطيها بالحوض خليها تشرب منها بعدين إعصريها داخل الكيس عصرتين
وخليهم 10 دقايق ثانيه وتعصرين بعد عصرتين وتعطينهم 5 دقايق إلى 10 دقايق
بعدين طلعي الكيس وبالشبكه طلعي السمك من الكيس إلى الحوض
والموية حقت الكيس كبيها في دورة المياه أعزكم الله.
والكيس ينصح بالإحتفاظ به في حال حبيتي تنقلين السمكه من مكان إلى آخر تقدرين وقتها تستفيدين من الكيس القوي. وهذي النصيحه تطبقيينها لأي سمكه تجيبينها للبيت مو شرط هذي السمكه بس!!

وبخصوص الإسفنجه هذي تقدرين تستفيدين منها وقت تغيير الماء في الحوض .. بحيث تنظفين جدران الحوض بالجزء الخشن. ولا تستخدم ألا للحوض هذا بالذات ولو صار عندك حوض ثاني ماتستخدمينها له

أما بالنسبه للدفايه عشان تعرفين كم واط تحتاجين هو حسب عدد اللترات في الحوض!!
أقل دفايه بالسوق السعودي أعتقد 100 واط وفيه محلات بسيطه عندهم 50 واط!
لكل لتر تحتاجين واط!
يعني لو حوضك 30 لتر خذي 50 واط ولو مافيه مو مشكله خذي 100 واط