اريد استفساراتكم ضرووووري يا خبراء تكفوون

[الخزاعي 93]

السلام عليكم ورحمة الله

اخواني انا عندي كاسكو من امس برازه متغير صاير موية بس الحمدلله صحته مافيها شي يتصلق بالقفص ويتحرك

بس ماني عارف ليش برازه كذا تكفون افيدوني اخاف يكون في شي لاااسمح الله

وجزاكم الله الف خير

شكرا لكم ...

[ٌابوعمر]

اتمنى يكون مافيه شي ياليت تحدد هو ايش ماكل امس وكيف اكله ؟ كيف نشاطه ؟ تعرض لهواء بارد ؟ المكان الي فيه بارد ؟

[الخزاعي 93]

ماياكل الا فصفص نشاطه تمااام مو مبين فيه شي ان شاءالله لا الحمدلله اشغل المكيف بغرفتي وخليه برا الغرفة واغطيه بمنشفه

[ٌابوعمر]

ان شاء الله انه مافيه شي انت بس لاحظ تحركاته ونشاطه واكله وبرازه يبين كل شي خلال 24 ساعه ان شاء الله

[الخزاعي 93]

ابشر ان شاءالله

[monybat]

لو تحط صورة لخروج الطير افضل

على كل حال دفيه وابعده عن تيارات الهوا لا تروشه تابع موضوع الخروج والحركه والنشاط

روح اشتري باي تريل 10% خليه عندك احتياط وممكن تعطيه جرعة مخففه جدا في الماي

الوقايه خير من العلاج

[الخزاعي 93]

ابشركم الظاهر مافيه شي قبل شوي يصففففر ويتسلق بالقفص وياكل زيين وتابعته من الظهر تعبببني ههههههه الحمدلله برازه اكرمكم الله رجع طبيعي بس مادري ليش الفترة اللي تغير فيه برازه وش السبب تتوقعون ؟؟

وشكرا لكم والله يجعلها في موازين حسناتكم ^_^

[صوغة]

وعليكم السلام

الله العالم طيرك تعرض لبرد خفيف ومناعته تغلبت عليه وشفاه ربي خاصة انه ما أكل فواكهة عشان انقول بسببها الاسهال المؤقت ..

لانه سبق وصار لكاسكو عندي نفس حالة طائرك اعزك الله اسهال ومغمض عين وخامل وغطيته ودفيته على اني بوديه العصر للعيادة لكن وجدته والحمدلله مافيه شر كل شي طبيعي ونشيط وياكل

ولمن استشرت الطبيب قال احتمال تعرض لبرد ومناعته تغلبت عليه ونصحني احط له قطرات من الليمون بالماي واعطيه شريحة برتقال مرتين بالاسبوع
راقبه مثل ما ذكر ابو عمر وحط له قطرات ليمون بالمااي

والله يطمنك عليه