الببغاء السنغاي دائما نايم

[غجرية]

السلام عليكم
ببغائي السنغالي صابه اسهال اكرمكم الله
الحين صار احسن
قدمت له خلطة الليمون والثوم وبعد كم يوم قدمت له خلطة الليمون والعسل والثوم
لكن المشكله انو دائما نايم احاول اصحيه اكلمه اغير مكان القفص اجيبه اشمسه يصحى دقيقه ويرجع ينام او ينزل ياكل او يشرب ويرجع ينام وتصفيره قليل جدا وصوته خفيف جدا
انصحوني ايش الحل
ما اريد اضغط عليه على شان ما يكرهني او يخاف مني
بس يوم لشريته كان ما شاء الله نشيط ويصفر والحين دايما نايم
انتظر النصائح
ومشكورين

[عزوزالعبدالله]

اقرب بيطري الخمول الزائد عن حده ممكن سالمنونيا
والسلامونيا لما تتمكن من الطائر خلاص نسبة علاجه وشفائة بعد الله ٥٪‏

[غجرية]

السلام عليكم
الله يسامحك يا اخي
بعد ثلاث ايام اتخبرني عن المشكله
المهم اخدته للبيطري وعطاني دوا الحبه نصها احمر ونصها ابيض افكها واحطها بالمشربيه اليوم وضعه احسن لكن اليوم احسه بعد ما يشرب كانه يريد يرجع ممكن تنصحني وتقلي ايش المشكله
وشكرا ويعطيك العافيه

[عزوزالعبدالله]

الله يعافيك انا من فتره ما دخلت المنتدى وتو دخلت وشفت موضوعك

واذا صار له ٣ ايام باذن الله انه مو سالمونيا لان السالمونيا اذا تمكنت ما يمر على الطير يومين الا مودع
لكن الكبسولات اللي تجي احمر وابيض حقت السالمونيا
الشريطه سعرها ١٠ او ١٥ ريال صح؟

[غجرية]

والله ما ادري كم سعره لاني جبت الدواء حق الديدان لببغاء الدره وعطاني شراب اسمه كيدي لايت قال احطه مع الدواء بالمشربيه بدل الماء
اليوم هو نشيط ويصفر بس مشكلة الترجيع
ولو سمحت انا ابدل الماء الصباح والمساء وكل ما غيرته افك حبه جديده والبيطري قال 5 ايام هدا يعني انو 10 حبات صح؟
اتمنى اتفيدني
ويعطيك العافيه

[عزوزالعبدالله]

الدواء مره وحده فقط باليوم
لما تبدلي الماء الصباح حطي كبسوله
بالليل شيلي المشربه من عنده وقفلي النور وخليه ينام
والصباح بدري خطي الماء وفيه كبسوله
كذا تضمني يشرب اكثر كميه ولا يجلس بالمشربه ٢٤ ساعه

[غجرية]

السلام عليكم اخي
الببغاء الحين رد انتكس البراز اعزك الله زي الماء يرشه رش
ايش الحل