السلام عليكم ورحمه والله وبركاته
انا عضوه جديده في المنتدي وارجو من الاخوه الافاضل مساعدتي
![Shy](images/smilies/shy.gif)
القصه طويله غالبا 6 شهور هههههههه ححاول اختصرها عشان ما اسبب صداع
![Big Grin](http://www.2zoo.com/vb/images/smilies/biggrin.gif)
قصه حمام التكييف ...وغالبا الكل بيعاني من نفس المشكله
![64](images/smilies/64.gif)
المهم ان التكييف كان محتاج صيانه وكان عندنا حمام عمل عش في التكييف وكل ما نقرر نصلح التكييف يكون فيه صغار في العش نقوم نأجل التصليح لما يكبرو ويطيرو ( صبر ايوب )
اخر مره لقيت مفيش صوت في العش وبعد ما المهندس صلح التكييف ومشي لقيت زوجي بيقولي استلمي ( فرخ حمام صغير عليه زغب وشكله لسه رضيع ) طبعا انصدمت
![EEK!](http://www.2zoo.com/vb/images/smilies/eek.gif)
الام طارت عشان العش انهد وتركت الزغلول ...توليت رعايته واطعامه بعد ما طلع عيني
![angry](images/smilies/100.gif)
اخترت اسم زقزوق للفرخ و الحمد لله بدأ يكبر وينمو والريش يطلع بس كان عامل زي ظلي في البيت طول الوقت لازق فيا
![Roll Eyes (Sarcastic)](http://www.2zoo.com/vb/images/smilies/rolleyes.gif)
وصلت لمرحله انه لازم يتعلم يأكل لوحده وكتر خيره الارنب كوكي ( ايوه عندي ارنب كمان وده قصه تانيه ) علمه الاكل كنت لما اضع الاكل للارنب الحمامه الصغيره كانت تقف معاه وتعمل زيه تاكل وتشرب حسيت ان مسؤليه الاكل والشرب اتحلت
مرحله الطيران ...كنت بحطه علي طرف الشباك يوميا عشان يشوف الحمام اللي في الجو ويحاول يطير زيه ..بس للاسف كان بيتفرج علي السيارات والناس في الشارع ويرجع يدخل علي الشقه
![wao](images/smilies/108.gif)
من ملاحظاتي علي الحمامه قلت انه ذكر لانه كان ينفخ رقبته ويصدر صوت عالي ويضرب بجناحه بقوه ويهاجم .ويلف ويدور حول نفسه ..نسيت اقول ان لما انهد العش كان مفيش غيرهه فيه
من كام شهر طار من الشباك وغاب 4 ايام بس رجع الحمد لله واطمنت انه عرف يطير ( كنت حزينه عليه جدا كنت عامله زي الام اللي ضاع ابنها منها هههههههههه )شكله مر بتجربه قاسيه لانه من بعدها كل ما احطه علي الشباك يرجع جري للبيت ولا حتي يتفرج هههههههههه
من شهر فات جربت تاني انه يطير وفعلا طار ورجع اخر النهار
بعدها بكام يوم لقيته قرر يسكن في شبشب البحر الخاص بزوجي وعمل عش فيه
![wao](images/smilies/108.gif)
ويا ويله اللي يقرب من المكان اللي فيه العش
يومين ولقينا فيه بيضه في العش ...وبرضه لسه بيتخانق ويزوم وينفخ رقبته انتظرت فتره حضانه البيض قلت اشوف ايه اخرتها وحتفقس ايه ..شكل البيضه كانت فاسده لانه بعد فتره زقزوق ترك العش
عدت علينا فتره القلش في الحمام ...لون زقزوق كان بني وتحول الي ابيض مع وجود ريش ملون علي الرقبه الوانه اخضر وبنفسجي في الضوء
اعذروني اني طولت عليكم لكن حبيت اقول الحاجات المهمه في القصه
سؤالي للاخوه الافاضل وارجو منهم الرد
الحمامه اللي عندي ذكر ولا انثي ...انا احترت فيها
![Confused](http://www.2zoo.com/vb/images/smilies/confused.gif)
حاليا بدات زقزوق او زقزوقه في بناء عش تاني وطول الوقت بتزوم وتتخانق ...اعمل ايه ؟؟
كان نفسي احكي القصه بالتفاصيل بس كده لازم اصرف لكل واحد علبه مسكن للصداع